ಸಾರ್ವಜನಿಕ ವಲಯದ ಸಂಸ್ಥೆಗಳಲ್ಲಿ ಉದ್ಯೋಗಾವಕಾಶ ಕುಸಿತ

Team Udayavani, Oct 10, 2019, 8:30 PM IST

ಮುಂಬೈ: ಇತ್ತೀಚಿನ ದಿನಗಳಲ್ಲಿ ಸಾರ್ವಜನಿಕ ವಲಯದ ಸಂಸ್ಥೆಗಳಲ್ಲಿ ಲಭ್ಯವಿರುವ ಉದ್ಯೋಗ ಪ್ರಮಾಣದ ಮಟ್ಟ ಇಳಿಕೆಯಾಗಿದೆ ಎಂದು ಕಂಪನಿಗಳ ಕಾರ್ಯಪಡೆಯ ವಿಶ್ಲೇಷಣಾ ವರದಿ ತಿಳಿಸಿದೆ.

2019ರ ಹಣಕಾಸು ವರ್ಷದಲ್ಲಿ ಖಾಸಗಿ ವಲಯದಲ್ಲಿ ಶೇ.9.2ರಷ್ಟು ಉದ್ಯೋಗ ಹೆಚ್ಚಳ ಆಗಿದ್ದು, ಸಾರ್ವಜನಿಕ ವಲಯದಲ್ಲಿ ಮಾತ್ರ ಶೇ.2.6ರಷ್ಟು ಪ್ರಮಾಣದಲ್ಲಿ ಕುಸಿತ ಕಂಡಿದೆ ಎಂದು ವರದಿ ಉಲ್ಲೇಖೀಸಿದೆ.

ಇನ್ನೂ ಸಮೀಕ್ಷೆಯಲ್ಲಿ ಉದ್ಯೋಗದಾತ ಸಂಸ್ಥೆಗಳಾದ ಕೋಲ್‌ ಇಂಡಿಯಾ ಮತ್ತು ಸ್ಟೇಟ್‌ ಬ್ಯಾಂಕ್‌ ಆಫ್ ಇಂಡಿಯಾ ತನ್ನ ನಿವ್ವಳ ದರದ ಆಧಾರದ ಮೇಲೆ ಉದ್ಯೋಗ ಕಡಿತಗೊಳಿಸಿದ್ದು, ಉದ್ಯೋಗ ಅವಕಾಶದಲ್ಲಿ ಕ್ರಮವಾಗಿ ಶೇ 4.4ರಷ್ಟು ಹಾಗೂ ಶೇ 2.6ರಷ್ಟು ಕಡಿತವಾಗಿದೆ.

ದಿನದಿಂದ ದಿನಕ್ಕೆ ಸಾರ್ವಜನಿಕ ವಲಯದ ಕಂಪನಿಗಳ ಪ್ರಾಮುಖ್ಯತೆಯು ಕುಗ್ಗುತ್ತಿದ್ದು, ಉದ್ಯೋಗಾವಕಾಗಳು ಕಡಿಮೆಯಾಗುತ್ತಿವೆ. 2007ರ ವಿತ್ತೀಯ ವರ್ಷದಲ್ಲಿ ಪಟ್ಟಿ ಮಾಡಲಾದ ಒಟ್ಟು ಸಂಸ್ಥೆಗಳಲ್ಲಿ ಶೇ.50ರಷ್ಟು ಉದ್ಯೋಗ ಅವಕಾಶಗಳಿದ್ದು, ಅದರ ಮಟ್ಟ ಇದೀಗ ಶೇ.25ಕ್ಕೆ ತಲುಪಿದೆ ಎಂದು ವಿದೇಶಿ ದಲ್ಲಾಳಿ ಸಂಸ್ಥೆ ಕ್ರೆಡಿಟ್‌ ಲಿಯೊನೈಸ್‌ ಸೆಕ್ಯುರಿಟೀಸ್‌ ಏಷ್ಯಾ (ಸಿಎಲ್ಎಸ್‌ಎ) ಮಾಹಿತಿ ನೀಡಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ