ಪಾಕ್ ಐಎಸ್ಐ ಪರ ಬೇಹು: ಭಾರತೀಯ ವಾಯುಪಡೆ ಅಧಿಕಾರಿ ಅರೆಸ್ಟ್
Team Udayavani, Feb 9, 2018, 10:53 AM IST
ಹೊಸದಿಲ್ಲಿ : ಪಾಕಿಸ್ಥಾನದ ಕುಖ್ಯಾತ ಬೇಹು ಸಂಸ್ಥೆ ಐಎಸ್ಐ ಪರ ಬೇಹುಗಾರಿಕೆ ನಡೆಸುತ್ತಿದ್ದ ಆರೋಪದಲ್ಲಿ ದಿಲ್ಲಿ ಪೊಲೀಸರ ವಿಶೇಷ ವಿಭಾಗ ವಾಯುಪಡೆ ಅಧಿಕಾರಿಯೊಬ್ಬರನ್ನು ಬಂಧಿಸಿದೆ.
ಉನ್ನತ ರಹಸ್ಯಗಳ ಮಾಹಿತಿ ಮತ್ತು ದಾಖಲೆಪತ್ರಗಳನ್ನು ಪಾಕಿಸ್ಥಾನಕ್ಕೆ ಸೋರಿಕೆ ಮಾಡಿದ ಆರೋಪದ ಮೇಲೆ ಗ್ರೂಪ್ ಕ್ಯಾಪ್ಟನ್ ಅರುಣ್ ಮಾರ್ವಾ ಅವರನ್ನು ದಿಲ್ಲಿ ಪೊಲೀಸರು ಬಂಧಿಸಿದರು. ಈ ರಹಸ್ಯ ದಾಖಲೆಪತ್ರಗಳು ಭಾರತೀಯ ವಾಯು ಪಡೆಯ ಕಾರ್ಯಾಚರಣೆಗಳ ವರ್ಗೀಕೃತ ವಿವರಗಳನ್ನು ಹೊಂದಿವೆ.
ಬಂಧಿತ ವಾಯು ಪಡೆ ಅಧಿಕಾರಿ ಅರುಣ್ ಮಾರ್ವಾ ವಿರುದ್ಧ ಪೊಲೀಸರು ಅಧಿಕೃತ ರಹಸ್ಯಗಳ ಕಾಯಿದೆಯ ವಿವಿಧ ಸೆಕ್ಷನ್ಗಳಡಿ ಎಫ್ಐಆರ್ ದಾಖಲಿಸಿಕೊಂಡಿದ್ದಾರೆ. ಮಾರ್ಮಾ ಅವರ ವಿರುದ್ಧದ ಆರೋಪಗಳು ಸಾಬೀತಾದಲ್ಲಿ ಅವರಿಗೆ ಏಳು ವರ್ಷ ಜೈಲಾಗಲಿದೆ.
ವಾಟ್ಸಾಪ್ನಲ್ಲಿ ಮಹಿಳೆ ಎಂದು ತನ್ನನ್ನು ಬಿಂಬಿಸಿಕೊಂಡಿದ್ದ ಪಾಕ್ ಏಜಂಟ್ ಜತೆಗೆ 51ರ ಹರೆಯದ ಮಾರ್ವಾ ಭಾರತೀಯ ವಾಯು ಪಡೆಯ ಉನ್ನತ ರಹಸ್ಯ ದಾಖಲೆಗಳನ್ನು ಹಂಚಿಕೊಂಡಿದ್ದರು.
ಎರಡು ತಿಂಗಳ ಹಿಂದಷ್ಟೇ ಈ ಐಎಸ್ಐ ಏಜಂಟ್ ಮಾರ್ವಾ ಅವರನ್ನು ಫೇಸ್ ಬುಕ್ನಲ್ಲಿ ದೋಸ್ತಿ ಮಾಡಿಕೊಂಡಿದ್ದರು. ಅನಂತರ ಇವರು ವಾಟ್ಸಾಪ್ನಲ್ಲಿ ದಿನನಿತ್ಯ ಎಂಬಂತೆ ಚ್ಯಾಟ್ ಮಾಡಿಕೊಂಡಿದ್ದರು. ಕೆಲವೊಮ್ಮೆ ಅತ್ಯಂತ ಆತ್ಮೀಯತೆಯ ಸಂದೇಶಗಳನ್ನು ವಿನಿಮಯಿಸಿಕೊಳ್ಳುತ್ತಿದ್ದರು. ಅದೇ ಸಂದರ್ಭದಲ್ಲಿ ಮಾರ್ವಾ ಅವರು ಐಎಸ್ಐ ಏಜಂಟ್ ಜತೆಗೆ ಭಾರತೀಯ ವಾಯು ಪಡೆಯ ಸೈಬರ್ ಸಮರ ಮತ್ತು ವಿಶೇಷ ಕಾರ್ಯಾಚರಣೆಯ ವರ್ಗೀಕೃತ ವಿವರಗಳನ್ನು ಹಂಚಿಕೊಂಡರು.
ವಾಯು ಪಡೆ ಪ್ರಧಾನ ಕಾರ್ಯಾಲಯದೊಳಗೆ ನಿಷಿದ್ಧವಾಗಿದ್ದ ಸೆಲ್ ಫೋನ್ ಜತೆಗೆ ಮಾರ್ವಾ ಪ್ರವೇಶಿಸಿದಾಗ ಅವರನ್ನು ಬಂಧಿಸಲಾಯಿತು ಎಂದು ವರದಿಗಳು ತಿಳಿಸಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
CBI ತನಿಖೆ; ಸಂದೇಶಖಾಲಿಯಲ್ಲಿ ಬೀಡುಬಿಟ್ಟ ಕಮಾಂಡೋಗಳು; ಸುಪ್ರೀಂ ಮೆಟ್ಟಿಲೇರಿದ ಸರಕಾರ
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!