ಕಾಸರಗೋಡಿನ ನಾಲ್ವರು ಐಸಿಸ್ ಉಗ್ರರ ಸಾವು
Team Udayavani, Mar 31, 2018, 6:00 AM IST
ಕಾಸರಗೋಡು: ಐಸಿಸ್ಗೆ ಸೇರ್ಪಡೆಗೊಂಡ ಕಾಸರಗೋಡಿನ ನಾಲ್ವರು ಅಫ್ಘಾನಿಸ್ಥಾನದಲ್ಲಿ ಅಮೆರಿಕ ಸೇನೆಯ ಬಾಂಬ್ ದಾಳಿಗೆ ಬಲಿಯಾಗಿದ್ದಾರೆ. ಕಾಸರಗೋಡು ಪಡನ್ನದ ನಿವಾಸಿಗಳಾದ ಶಿಹಾಬ್, ಪತ್ನಿ ಅಜ್ಮಲಾ, ಅವರ ಮಗು ಮತ್ತು ತೃಕ್ಕರಿಪುರದ ಮುಹಮ್ಮದ್ ಮನ್ಸಾದ್ ಮೃತಪಟ್ಟವರು ಎಂದು ವರದಿಯಾಗಿದೆ. ನಂಗರ ಹಾರ್ ಪ್ರದೇಶದ ಐಸಿಸ್ ಶಿಬಿರದ ಮೇಲೆ ಅಮೆರಿಕದ ವಾಯುಪಡೆ ನಡೆಸಿದ ಬಾಂಬ್ ದಾಳಿಯಲ್ಲಿ ಇವರು ಸಾವಿಗೀಡಾಗಿದ್ದಾರೆ. ಕೇರಳದಿಂದ ನಾಪತ್ತೆಯಾಗಿದ್ದ ಇವರು ಅಫ್ಘಾನ್ ತಲುಪಿದ್ದರು.
ಕೇರಳದಿಂದ 22 ಮಂದಿ ಐಸಿಸ್ ಸೇರ್ಪಡೆಯಾಗಿದ್ದಾರೆಂದು ಪೊಲೀಸ್ ವರದಿ ಮಾಡಿತ್ತು. ಕೇರಳದಲ್ಲಿ ಐಸಿಸ್ ಚಟುವಟಿಕೆ ನೇತೃತ್ವ ವಹಿಸಿದ್ದ ಶಜೀರ್ ಮಂಗಲಶೆರಿ ಸಹಿತ 14 ಮಂದಿ ಕಳೆದ ವರ್ಷ ಸಿರಿಯಾದಲ್ಲಿ ಸೇನೆ ಯೊಂದಿಗೆ ನಡೆದ ಗುಂಡಿನ ಚಕಮಕಿಯಲ್ಲಿ ಸಾವಿಗೀಡಾಗಿದ್ದರು ಎಂದು ರಹಸ್ಯ ತನಿಖಾ ವಿಭಾಗ ಖಚಿತಪಡಿಸಿತ್ತು. ಕಾಸರಗೋಡಿನ ನಿವಾಸಿಗಳನ್ನು ಐಸಿಸ್ ಕೇಂದ್ರಕ್ಕೆ ತಲುಪಿಸಲು ನೆರವಾದ ಪ್ರಕರಣದಲ್ಲಿ ಬಿಹಾರ್ ನಿವಾಸಿ ಯಾಸ್ಮಿನ್ ಅಹಮ್ಮದ್ಗೆ ಎನ್ಐಎ ನ್ಯಾಯಾಲಯ ಏಳು ವರ್ಷ ಸಜೆ ವಿಧಿಸಿತ್ತು. 2016ರ ಜು.30ರಂದು ಪುತ್ರನೊಂದಿಗೆ ವಿದೇಶಕ್ಕೆ ಪಲಾಯನಗೈಯಲು ಯತ್ನಿಸುತ್ತಿದ್ದಾಗ ದಿಲ್ಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಯಾಸ್ಮಿನ್ಳನ್ನು ಬಂಧಿಸಲಾಗಿತ್ತು.
ಕಾಸರಗೋಡು ನಿವಾಸಿಗಳಾದ 15 ಮಂದಿ ಯನ್ನು ಭಯೋತ್ಪಾದಕ ಸಂಘಟನೆಯಾದ ಐಸಿಸ್ಗೆ ಸೇರ್ಪಡೆಗೊಳಿಸಲು ವಿದೇಶಕ್ಕೆ ಸಾಗಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಯಾಸ್ಮಿನ್ ವಿರುದ್ಧ ಕೇಸು ದಾಖಲಿಸಲಾಗಿತ್ತು. ನಿಗೂಢ ರೀತಿಯಲ್ಲಿ ಕಾಸರಗೋಡಿನ ತೃಕ್ಕರಿಪುರದಿಂದ ನಾಪತ್ತೆಯಾಗಿದ್ದವರಲ್ಲಿದ್ದ ಅಬ್ದುಲ್ ರಶೀದ್ ಅಬ್ದುಲ್ಲನೊಂದಿಗೆ ಯಾಸ್ಮಿನ್ ನಿಕಟ ಸಂಪರ್ಕ ವಿತ್ತೆಂದು ತನಿಖೆಯಿಂದ ತಿಳಿದು ಬಂದಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
CBI ತನಿಖೆ; ಸಂದೇಶಖಾಲಿಯಲ್ಲಿ ಬೀಡುಬಿಟ್ಟ ಕಮಾಂಡೋಗಳು; ಸುಪ್ರೀಂ ಮೆಟ್ಟಿಲೇರಿದ ಸರಕಾರ
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!
MUST WATCH
ಹೊಸ ಸೇರ್ಪಡೆ
Chamarajanagar; ಮತದಾನ ಮಾಡಬೇಕೋ ಬೇಡವೋ ಎಂದು EVM ಗಳೇ ಧ್ವಂಸ !
EVM ಕುರಿತು ಸುಪ್ರೀಂ ತೀರ್ಪು ಪ್ರತಿಪಕ್ಷಗಳಿಗೆ ಕಪಾಳ ಮೋಕ್ಷ: ಪ್ರಧಾನಿ ಮೋದಿ
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
Minority ತುಷ್ಟೀಕರಣದಿಂದ ನೇಹಾಳ ಹತ್ಯೆಯಾಗಿದೆ :ಜಗದೀಶ್ ಶೆಟ್ಟರ್
Davanagere; ಪ್ರಧಾನಿ ಮೋದಿ ರ್ಯಾಲಿಗೆ ಅನುಮತಿ ನೀಡಬಾರದು:ಕಾಂಗ್ರೆಸ್ ಮನವಿ