ಅಮೆರಿಕ, ಚೀನ ಕೈಹಾಕಿದರೆ ಕಾಶ್ಮೀರ ಸಿರಿಯಾ ಆದೀತು: ಮುಫ್ತಿ ಎಚ್ಚರಿಕೆ
Team Udayavani, Jul 22, 2017, 5:50 PM IST
ಶ್ರೀನಗರ : ಕಾಶ್ಮೀರ ಪ್ರಶ್ನೆಯನ್ನು ಇತ್ಯರ್ಥಪಡಿಸಲು ಅಮೆರಿಕದ ಮಧ್ಯಸ್ಥಿಕೆಯ ಪರವಾಗಿ ನ್ಯಾಶನಲ್ ಕಾನ್ಫರೆನ್ಸ್ ಅಧ್ಯಕ್ಷ ಫಾರೂಕ್ ಅಬ್ದುಲ್ಲ ವ್ಯಕ್ತಪಡಿಸಿರುವ ಅಭಿಪ್ರಾಯವನ್ನು ತೀವ್ರವಾಗಿ ಟೀಕಿಸಿರುವ ಜಮ್ಮು ಕಾಶ್ಮೀರದ ಮುಖ್ಯಮಂತ್ರಿ ಮೆಹಬೂಬ ಮುಫ್ತಿ ಅವರು, “ಒಂದೊಮ್ಮೆ ಅಮೆರಿಕ ಕಾಶ್ಮೀರ ವಿಷಯದಲ್ಲಿ ಮಧ್ಯಸ್ಥಿಕೆ ನಡೆಸಿದರೆ ಕಾಶ್ಮೀರದ ಪರಿಸ್ಥಿತಿಯು ಸಿರಿಯ ಮತ್ತು ಅಫ್ಘಾನಿಸ್ಥಾನದ ರೀತಿ ಆಗುವುದು ನಿಶ್ಚಿತ’ ಎಂದು ಹೇಳಿದ್ದಾರೆ.
“ಚೀನ, ಅಮೆರಿಕ ದೇಶಗಳು ತಮ್ಮದನ್ನು ತಾವು ನೋಡಿಕೊಂಡಿದ್ದರೆ ಸಾಕು; ಅಫ್ಘಾನಿಸ್ಥಾನವೇ ಇರಲಿ, ಸಿರಿಯಾ ಅಥವಾ ಇರಾಕ್ ಇರಲಿ – ಅವು ಹಸ್ತಕ್ಷೇಪ ನಡೆಸಿದ ದೇಶಗಳಲ್ಲಿ ಈಗ ಯಾವ ಪರಿಸ್ಥಿತಿ ಇದೆ ಎಂಬುದು ಎಲ್ಲರಿಗೂ ಗೊತ್ತಿದೆ’ ಎಂದು ಮೆಹಬೂಬ ಹೇಳಿದರು.
“ಕಾಶ್ಮೀರ ಪ್ರಶ್ನೆಯನ್ನು ಭಾರತ ಮತ್ತು ಪಾಕಿಸ್ಥಾನದ ನಡುವಿನ ದ್ವಿಪಕ್ಷೀಯ ಮಾತುಕತೆಯಿಂದ ಮಾತ್ರವೇ ಬಗೆಹರಿಸಲು ಸಾಧ್ಯ’ ಎಂದು ಮೆಹಬೂಬ ಹೇಳಿದರು.
“ಲಾಹೋರ್ ಘೋಷಣೆಯಲ್ಲಿ ವಾಜಪೇಯಿ ಹೇಳಿರುವಂತೆ ಕಾಶ್ಮೀರ ಪ್ರಶ್ನೆಯನ್ನು ಭಾರತ ಮತ್ತು ಪಾಕಿಸ್ಥಾನ ಪರಸ್ಪರ ಮಾತುಕತೆಯ ಮೂಲಕವೇ ಬಗೆಹರಿಸಿಕೊಳ್ಳಬೇಕಾಗಿದೆ. ಸಿರಿಯ ಮತ್ತು ಅಫ್ಘಾನಿಸ್ಥಾನದಲ್ಲಿ ಈಗ ಏನಾಗಿದೆ ಎಂಬುದು ಫಾರೂಕ್ ಅವರಿಗೆ ಗೊತ್ತಿಲ್ಲವೇ ?’ ಎಂದು ಮೆಹಬೂಬ ಪ್ರಶ್ನಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Mangaluru: ಕಪಿತಾನಿಯೋ ಮತದಾನ ಕೇಂದ್ರದ ಬಳಿ ಪೊಲೀಸರೊಂದಿಗೆ ಕಾರ್ಯಕರ್ತರ ಘರ್ಷಣೆ…
Congress ನಿಂದ ಸ್ಮಾರ್ಟ್ ಕಾರ್ಡ್ ಹಂಚಿಕೆ: ರೆಡ್ಹ್ಯಾಂಡ್ ಆಗಿ ಹಿಡಿದ ಮೈತ್ರಿ ಕಾರ್ಯಕರ್ತರು
Baramasagara: ತಾನು ಕಲಿತ ಶಾಲೆಯಲ್ಲೇ ಮೊದಲ ಬಾರಿಗೆ ಮತ ಚಲಾಯಿಸಿದ ಯುವತಿ…
ಅರಂತೋಡು: ಬೈಕ್ – ಕಾರು ನಡುವೆ ಅಪಘಾತ… ಓರ್ವ ಮೃತ್ಯು
LS Polls: ಉಡುಪಿ, ದಕ್ಷಿಣ ಕನ್ನಡದಲ್ಲಿ ಶಾಂತಿಯುತ ಮತದಾನ… ಹಲವೆಡೆ ಕೈಕೊಟ್ಟ ಮತಯಂತ್ರ