ಲಾರಿ ಹರಿದು 8 ಮಂದಿ ವಿದ್ಯಾರ್ಥಿಗಳ ಸಾವು
Team Udayavani, Nov 9, 2017, 7:10 AM IST
ಭಟಿಂಡಾ: ಪಂಜಾಬ್ನ ಭುಚೊ ಮಂಡಿ ಪ್ರದೇಶದ ಹೆದ್ದಾರಿಯಲ್ಲಿ ಬುಧವಾರ ಬೆಳಗ್ಗೆ ವೇಗವಾಗಿ ಸಾಗುತ್ತಿದ್ದ ಟ್ರಕ್ ಹರಿದು 8 ಮಂದಿ ವಿದ್ಯಾರ್ಥಿಗಳು ಸೇರಿದಂತೆ 9 ಮಂದಿ ಸಾವಿಗೀಡಾಗಿದ್ದಾರೆ.
ಮೃತರ ಪೈಕಿ ಒಬ್ಬ ಶಿಕ್ಷಕಿಯೂ ಸೇರಿದ್ದಾರೆ. ದಟ್ಟ ಮಂಜು ಕವಿದಿದ್ದರಿಂದ ಕಣ್ಣಿಗೆ ಏನೂ ಗೋಚರಿಸುತ್ತಿರಲಿಲ್ಲ. ಇದರಿಂದಾಗಿಯೇ ಈ ಅವಘಡ ಸಂಭವಿಸಿದೆ. ಬೆಳಗ್ಗೆ ಇವರೆಲ್ಲರೂ ಮಿನಿ ಸರಕಾರಿ ಬಸ್ವೊಂದರಲ್ಲಿ ತೆರಳುತ್ತಿದ್ದಾಗ, ಸಣ್ಣ ಮಟ್ಟಿಗಿನ ಅಪಘಾತ ಸಂಭವಿಸಿತು. ಹೀಗಾಗಿ, ಅವರು ಬಸ್ನಿಂದ ಕೆಳಕ್ಕಿಳಿದು ಬೇರೆ ಬಸ್ಗಾಗಿ ರಸ್ತೆ ಬದಿಯಲ್ಲಿ ಕಾಯುತ್ತಿದ್ದರು. ಈ ವೇಳೆ ವೇಗವಾಗಿ ಬಂದ ಟ್ರಕ್ವೊಂದು ಎಸ್ಯುವಿವೊಂದಕ್ಕೆ ಡಿಕ್ಕಿ ಹೊಡೆದು, ನಂತರ ವಿದ್ಯಾರ್ಥಿಗಳಿಗೆ ಡಿಕ್ಕಿ ಹೊಡೆಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.