ಪೈಸೆ-ಪೈಸೆ ಏರಿಕೆ ಕಂಡು ಮುಂಬೈನಲ್ಲಿ ಶತಕ ಬಾರಿಸಿದ ಪೆಟ್ರೋಲ್ ದರ
Team Udayavani, May 29, 2021, 10:04 AM IST
ಮುಂಬೈ: ಕಳೆದ ಕೆಲವು ದಿನಗಳಿಂದ ಪೈಸೆಗಳ ರೂಪದಲ್ಲಿ ಏರಿಕೆ ಕಾಣುತ್ತಿದ್ದ ಪೆಟ್ರೋಲ್ ದರ ಮುಂಬೈನಲ್ಲಿಂದು ಶತಕ ಬಾರಿಸಿದೆ. ಇಂದು ಪೆಟ್ರೋಲ್ ಲೀಟರ್ ಗೆ 100.19 ರೂ. ಮತ್ತು ಡೀಸಲ್ ಗೆ 92.17 ರೂ. ಇದೆ.
ಥಾಣೆ ಮತ್ತು ನವೀ ಮುಂಬೈನಲ್ಲಿ ಇದಕ್ಕಿಂತಲೂ ದರ ಹೆಚ್ಚಾಗಿದೆ. ಈ ಎರಡು ನಗರಗಳಲ್ಲಿ ಪೆಟ್ರೋಲ್ ಲೀಟರ್ ಗೆ 100.32 ರೂ. ಮತ್ತು ಡೀಸಲ್ ಲೀಟರ್ ಗೆ 92.17 ರೂ. ದರವಿದೆ.
ರಾಷ್ಟ್ರ ರಾಜಧಾನಿ ಹೊಸದಿಲ್ಲಿಯಲ್ಲಿ ಪೆಟ್ರೋಲ್ ಬೆಲೆ ಲೀಟರ್ ಗೆ 93.94 ರೂ. ಇದ್ದು, ಡೀಸಲ್ ಗೆ 91.87 ರೂ. ಇದೆ. ಚೆನ್ನೈನಲ್ಲಿ ಪೆಟ್ರೋಲ್ ಮತ್ತು ಡೀಸಲ್ ಬೆಲೆ ಕ್ರಮವಾಗಿ 95.51 ರೂ. ಮತ್ತು 89.65 ರೂ. ಇದ್ದರೆ, ಕೋಲ್ಕತ್ತಾದಲ್ಲಿ ಪೆಟ್ರೋಲ್ ಗೆ 93.97 ರೂಪಾಯಿಯಿದೆ.
ಮೇ.4ರಿಂದ ಸತತವಾಗಿ ಪೆಟ್ರೋಲ್ ಬೆಲೆಯಲ್ಲಿ ಏರಿಕೆಯಾಗುತ್ತಿದೆ. ರಾಜಸ್ಥಾನ, ಮಧ್ಯಪ್ರದೇಶ ಮತ್ತು ಮಹಾರಾಷ್ಟ್ರದ ಕೆಲವು ನಗರಗಳಲ್ಲಿ ಈಗಾಗಲೇ ಪೆಟ್ರೋಲ್ ಬೆಲೆ ಶತಕ ದಾಟಿದೆ.