ಗಂಗೆಗೆ ನಮೋ ಆರತಿ

ಮೋದಿಯ 7 ಕಿ.ಮೀ. ರೋಡ್‌ ಶೋದಲ್ಲಿ ಲಕ್ಷಾಂತರ ಜನ

Team Udayavani, Apr 26, 2019, 6:00 AM IST

ವಾರಾಣಸಿ: ಪ್ರಧಾನಿ ನರೇಂದ್ರ ಮೋದಿ ಅವರು ಲೋಕಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸುವುದಕ್ಕೆ ಪೂರ್ವಭಾವಿಯಾಗಿ ಗುರುವಾರ ರೋಡ್‌ ಶೋ ನಡೆಸಿದರು.

ಭರ್ಜರಿ ರೋಡ್‌ ಶೋ
ಲೋಕಸಭೆ ಚುನಾವಣೆಗೆ ಮತ್ತೆ ವಾರಾಣಸಿಯಿಂದಲೇ ಸ್ಪರ್ಧಿಸಲು ಮುಂದಾಗಿರುವ ಪ್ರಧಾನಿ ನರೇಂದ್ರ ಮೋದಿ ಕಾಶಿ ವಿಶ್ವನಾಥನ ಕ್ಷೇತ್ರದಲ್ಲಿ ಗುರುವಾರ ಸಂಜೆ ಭರ್ಜರಿ ರೋಡ್‌ ಶೋ ನಡೆಸಿ ದರು. ಶುಕ್ರವಾರ ಇಲ್ಲಿ ನಾಮಪತ್ರ ಸಲ್ಲಿಸ ಲಿದ್ದಾರೆ. 7 ಕಿ.ಮೀ. ರೋಡ್‌ ಶೋ ನಡೆಸಿದ ಮೋದಿ ಅವರಿಗೆ ಅಭೂತಪೂರ್ವ ಸ್ಪಂದನೆಯೂ ವ್ಯಕ್ತವಾಯಿತು. ಬನಾರಸ್‌ ಹಿಂದೂ ವಿವಿ ಬಳಿ ಇರುವ ಮದನ್‌ ಮೋಹನ್‌ ಮಾಳವೀಯ ಪ್ರತಿಮೆಗೆ ಗೌರವಾರ್ಪಣೆ ಮೂಲಕ ಮೋದಿ ರೋಡ್‌ ಶೋ ಆರಂಭಿಸಿದರು. ಇದು ಕೊನೆಗೊಂಡದ್ದು ದಶಾಶ್ವಮೇಧ ಘಾಟ್‌ನಲ್ಲಿ .

ಇಂದು ನಾಮಪತ್ರ ಸಲ್ಲಿಕೆ
ಶುಕ್ರವಾರ ಬೆಳಗ್ಗೆ 9.30ರ ಸುಮಾರಿಗೆ ವಾರಾ ಣಸಿಯ ಬೂತ್‌ ಮಟ್ಟದ ಕಾರ್ಯ ಕರ್ತ  ರೊಂದಿಗೆ ಸಂವಾದ ನಡೆಸಲಿರುವ ಪ್ರಧಾನಿ ಮೋದಿ, ಅನಂತರ ಕಾಲ ಭೈರವೇಶ್ವರ ದೇಗುಲದಲ್ಲಿ ಪೂಜೆ ಸಲ್ಲಿಸ ಲಿದ್ದಾರೆ. ಸುಮಾರು 11.30ರ ವೇಳೆಗೆ ಜಿಲ್ಲಾಧಿಕಾರಿ ಕಚೇರಿಗೆ ತೆರಳಿ ನಾಮಪತ್ರ ಸಲ್ಲಿಸಲಿದ್ದಾರೆ. ನಾಮ ಪತ್ರ ಸಲ್ಲಿಸುವ ವೇಳೆ, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ, ಕೇಂದ್ರದ ಸಚಿವರು, ಎನ್‌ಡಿಎ ನಾಯಕರು ಮೋದಿ ಅವರಿಗೆ ಸಾಥ್‌ ನೀಡಲಿದ್ದಾರೆ.

ಎಲ್ಲೆಲ್ಲೂ ಮೋದಿ
ಕೇಸರಿ ಕುರ್ತಾ, ಕೇಸರಿ ಸ್ಕಾಫ್ ದಿರಿಸಿನಲ್ಲಿ ಕಂಗೊಳಿಸುತ್ತಿದ್ದ ಮೋದಿ ಇದ್ದ ವಾಹನ ಸಾಗು ತ್ತಿದ್ದ ದಾರಿಗಳ ಎರಡೂ ಬದಿಗಳಲ್ಲಿ ಅಪಾರ ಜನಸ್ತೋಮ ನೆರೆದಿತ್ತು. ಎಲ್ಲರತ್ತ ಮೋದಿಯವರು ಕೈ ಬೀಸುತ್ತಾ ಸಾಗುತ್ತಿದ್ದರೆ, ಎಲ್ಲೆಲ್ಲೂ ಮೋದಿ ಯವರ ಜಯಘೋಷ ಮೊಳಗುತ್ತಿತ್ತು. ಅಭಿಮಾನಿಗಳು ಗುಲಾಬಿ ದಳಗಳ ಮಳೆಯನ್ನು ಮೋದಿಯವರ ಮೇಲೆ ಸುರಿಸುತ್ತಿದ್ದುದು ಸಾಮಾನ್ಯ ವಾಗಿತ್ತು. ದಶಾಶ್ವಮೇಧ ಘಾಟ್‌ನಲ್ಲಿ ರ್ಯಾಲಿ ಮುಕ್ತಾಯಗೊಂಡಿತು. ರಾತ್ರಿ ಗಂಗಾ ನದಿ ದಡದಲ್ಲಿ ಗಂಗಾರತಿ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ನವದೆಹಲಿ: ಆರ್ಥಿಕ ಮುಗ್ಗಟ್ಟಿನ ಕಾರಣದಿಂದ ವಾಯು ಯಾನವನ್ನು ಸ್ಥಗಿತಗೊಳಿಸಿರುವ ಜೆಟ್ ಏರ್ ವೇಸ್ ವಿಮಾನಯಾನ ಸಂಸ್ಥೆಯ ಸಿಬ್ಬಂದಿಗಳಿಗೆ ಬದಲೀ ಉದ್ಯೋಗ ಕಂಡುಕೊಳ್ಳಲು...

  • ಹೊಸದಿಲ್ಲಿ: ಎಸ್‌ಪಿ ರಾಜ್ಯಸಭಾ ಸದಸ್ಯತ್ವಕ್ಕೆ ಸೋಮವಾರ ರಾಜೀನಾಮೆ ನೀಡಿದ್ದ ಮಾಜಿ ಪ್ರಧಾನಿ ದಿ| ಚಂದ್ರಶೇಖರ್‌ ಪುತ್ರ ನೀರಜ್‌ ಶೇಖರ್‌ ಮಂಗಳವಾರ ಬಿಜೆಪಿ ಸೇರ್ಪಡೆಯಾಗಿದ್ದಾರೆ....

  • ಹೊಸದಿಲ್ಲಿ: ಮಹತ್ವದ ಬೆಳವಣಿಗೆಯಲ್ಲಿ, ಭಾರತೀಯ ವಿಮಾನಗಳಿಗೆ ತನ್ನ ವಾಯುಪ್ರದೇಶ ಪ್ರವೇಶಿಸದಂತೆ ವಿಧಿಸಿದ್ದ ನಿರ್ಬಂಧವನ್ನು ಪಾಕಿಸ್ಥಾನ ಹಿಂಪಡೆದಿದೆ. ಬಾಲಕೋಟ್‌...

  • ಹೊಸದಿಲ್ಲಿ: ಬೆಂಗಳೂರಿನ ಎಚ್‌ಎಎಲ್‌ ವಿಮಾನ ನಿಲ್ದಾಣದಲ್ಲಿ ಇದೇ ವರ್ಷ ಫೆ. 1ರಂದು ಮಿರಾಜ್‌ 2000 ವಿಮಾನದ ಹಾರಾಟದ ವೇಳೆ ಉಂಟಾದ ಅವಘಡದಲ್ಲಿ ಹುತಾತ್ಮರಾಗಿದ್ದ ಐಎಎಫ್...

  • ಹೊಸದಿಲ್ಲಿ: "ಎಲ್ಲ ಸಂಸದರೂ ಸಂಸತ್‌ ಕಲಾಪಗಳ ವೇಳೆ ಹಾಜರಿರಬೇಕು. ಸುಖಾ ಸುಮ್ಮನೆ ಸದನಕ್ಕೆ ಗೈರಾಗುವುದನ್ನು ನಾನು ಸಹಿಸುವುದಿಲ್ಲ. ಇಂದು ಸಂಜೆಯೊಳಗೆ ನನಗೆ ಗೈರಾದವರ...

ಹೊಸ ಸೇರ್ಪಡೆ