ನೈಟಿ ತೊಟ್ಟರೆ 2 ಸಾವಿರ ರೂಪಾಯಿ ದಂಡ!

Team Udayavani, Nov 11, 2018, 6:00 AM IST

ರಾಜಮಂಡ್ರಿ (ಆಂಧ್ರಪ್ರದೇಶ): ಈ ಹಳ್ಳಿಯಲ್ಲಿ ಹೆಂಗಸರು ಹಗಲು ಹೊತ್ತಿನಲ್ಲಿ ನೈಟಿ ಧರಿಸಿದರೆ ಅವರಿಗೆ 2 ಸಾವಿರ  ರೂ. ದಂಡ ವಿಧಿಸಲಾಗುತ್ತದೆ!  ಪಶ್ಚಿಮ ಗೋದಾವರಿ ಜಿಲ್ಲೆಯ ತೋಕಲ ಪಲ್ಲಿ ಎಂಬ ಗ್ರಾಮದಲ್ಲಿ 9 ತಿಂಗಳಿಂದ ಇಂಥದ್ದೊಂದು ನಿಯಮ  ಜಾರಿ ಯಲ್ಲಿದೆ. ಈ ಊರಿನ ಮುಖ್ಯಸ್ಥೆ ಫ್ಯಾಂಟ ಸಿಯಾ ಮಹಾಲಕ್ಷ್ಮೀ ಅವರೇ ಈ ಆದೇಶ ನೀಡಿದ್ದಾರೆ.  ನಿಯಮದಂತೆ, ಬೆಳಗ್ಗೆ 7ರಿಂದ ಸಂಜೆ 7ರವರೆಗೆ ಹೆಂಗಸರು ನೈಟಿ ತೊಟ್ಟು ಹೊರಬಂದರೆ ದಂಡ ಹಾಕಲಾಗುತ್ತದೆ. ದಂಡ ಕಟ್ಟದಿದ್ದರೆ ಬಹಿಷ್ಕಾರ ವಿಧಿಸಲಾಗುತ್ತದೆ. ಅಲ್ಲದೆ, ಈ ನಿಯಮ ಮೀರುವ ಹೆಂಗಸನ್ನು ಎಳೆದು ತಂದು ಪಂಚಾಯ್ತಿ ಹಾಕಬಹುದು. ಈ ಕೆಲಸ ಮಾಡಿದಾತನಿಗೆ 1 ಸಾವಿರ  ರೂ. ಪುರಸ್ಕಾರ ನೀಡಲಾಗುತ್ತದೆ!  ಹಳ್ಳಿಗರಿಗೆ ಈ ನಿಯಮ ಬೇಸರ ತಂದಿಲ್ಲ. ಇತ್ತೀಚಿನ ದಿನಗಳಲ್ಲಿ ಮೊಬೈಲ್‌ ಅಥವಾ ವಿಲಕ್ಷಣ ಬಟ್ಟೆ ಬರೆ ಮಹಿಳೆಯರ ಪಾಲಿಗೆ ಅಪಾಯ ಎಂದೆನಿಸಿವೆ. ಹಳ್ಳಿಯ ಸ್ವಾಸ್ಥ್ಯ ಕಾಪಾಡುವ ನಿಟ್ಟಿನಲ್ಲಿ ಈ ಅವಶ್ಯಕವಿದೆ ಎಂದು ಹೆಂಗಸರೇ ಹೇಳಿದ್ದಾರೆ.