ಜೂ. 6: ನೆರೂಲ್‌ ಶನೀಶ್ವರ ಮಂದಿರದಲ್ಲಿ ಶ್ರೀರಾಮ ದರ್ಶನ ಯಕ್ಷಗಾನ

Shri Rama Darshana Yakshagana at Nerul Shaneeswara Mandir

Team Udayavani, Jun 5, 2019, 5:04 PM IST

ಮುಂಬಯಿ: ನೆರೂಲ್‌ ಶ್ರೀ ಶನೀಶ್ವರ ಮಂದಿರದ ವಿಶ್ವಸ್ತ ಮಂಡಳಿ ಹಾಗೂ ಕಲಾಭಿಮಾನಿಗಳ ಸಹಯೋಗದೊಂದಿಗೆ ಉಡುಪಿ ಚೇರ್ಕಾಡಿ ಕಲಾಶ್ರೀ ಬಾಲಕಿಯರ ಯಕ್ಷಗಾನ ಮೇಳದವರಿಂದ ಶ್ರೀರಾಮ ದರ್ಶನ ಯಕ್ಷಗಾನ ಪ್ರದರ್ಶನವು ಜೂ. 6 ರಂದು ಸಂಜೆ 5.30ಕ್ಕೆ ನೆರೂಲ್‌ ಶ್ರೀ ಶನೀಶ್ವರ ಮಂದಿರದ ವಠಾರದಲ್ಲಿ ಜರಗಲಿದೆ.

ಮಂಜುನಾಥ ಪ್ರಭು ಚೇರ್ಕಾಡಿ ಅವರ ನಿರ್ದೇಶನದಲ್ಲಿ ನಡೆಯ
ಲಿರುವ ಈ ಯಕ್ಷಗಾನ ಪ್ರಸಂಗದಲ್ಲಿ ಭಾಗವತರಾಗಿ ಶಶಿಕಲಾ ಪ್ರಭು ಚೇರ್ಕಾಡಿ, ಮದ್ದಳೆಯಲ್ಲಿ ಮಂಜು ನಾಥ ಪ್ರಭು ಚೇರ್ಕಾಡಿ, ಚೆಂಡೆವಾದಕರಾಗಿ ಬಸವ ಮರಕಾಲ ಮುಂಡಾಡಿ ಇವರು ಸಹಕರಿಸಲಿದ್ದಾರೆ. ಕಲಾವಿದರಾಗಿ ಕು| ವೈಷ್ಣವಿ,
ಕು| ನಿಮಿಷಾ, ಕು| ಶ್ರೀನಿಧಿ, ಕು| ವೃಂದಾ, ಕು| ಕೃತಿ, ಕು| ಸ್ಮಿತಾ, ಕು| ಪ್ರಣಮ್ಯ ಭಾಗವಹಿಸಲಿದ್ದಾರೆ.

ಡಾ| ಕೆ. ಶಿವರಾಮ ಕಾರಂತರಿಂದ 1992ರಲ್ಲಿ ಸ್ಥಾಪನೆಗೊಂಡ ಈ ಯಕ್ಷಗಾನ ಮೇಳವು ನಡುಬಡಗಿನ ಶುದ್ಧ ಸಾಂಪ್ರದಾಯಿಕ ಯಕ್ಷಗಾನ ಮೇಳವಾಗಿದೆ. ಹಾರಾಡಿ ಹಾಗೂ ಮಟ್ಟಾಡಿ ತಿಟ್ಟಿನ ಶೈಲಿಯನ್ನು ಉಳಿಸಿ ಕೊಂಡು ಇದುವರೆಗೆ ದೇಶದಾದ್ಯಂತ 2000ಕ್ಕೂ ಅಧಿಕ ಪ್ರದರ್ಶನ ನೀಡಿದ ಹೆಗ್ಗಳಿಕೆ ಈ ಮೇಳಕ್ಕಿದೆ.

ಉಚಿತ ಪ್ರವೇಶವಿರುವ ಈ ಕಾರ್ಯಕ್ರಮ ದಲ್ಲಿ ಕಲಾಭಿಮಾನಿಗಳು ಅಧಿಕ ಸಂಖ್ಯೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸು ವಂತೆ ಪ್ರಕಟನೆ ತಿಳಿಸಿದೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ