ಎನ್‌ಎಂಎಂಸಿಗೆ ಸಿಡ್ಕೊ ಆರ್ಥಿಕ ಸಹಾಯ

Team Udayavani, May 14, 2021, 11:03 AM IST

ನವಿಮುಂಬಯಿ: ನವಿಮುಂಬಯಿ ಮಹಾನಗರ ಪಾಲಿಕೆ ಕೈಗೆತ್ತಿಕೊಳ್ಳಲಿರುವ ಪಾಮ್‌ಬೀಚ್‌ ರೋಡ್‌ ಅನ್ನು ಘನ್ಸೋಲಿಯಿಂದ ಐರೋಲಿಗೆ
ವಿಸ್ತರಿಸಲು ಸಿಡ್ಕೊ ಎನ್‌ಎಂಎಂಸಿಗೆ ಆರ್ಥಿಕವಾಗಿ ಸಹಾಯ ಮಾಡಲು ಮುಂದಾಗಿದೆ.

ಇದಕ್ಕಾಗಿ ನಗರ ಮತ್ತು ಕೈಗಾರಿಕಾ ಅಭಿವೃದ್ಧಿ ನಿಗಮ (ಸಿಡ್ಕೊ) ಗರಿಷ್ಠ 125 ಕೋಟಿ ರೂ. ಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ. ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆ ಮತ್ತು ನಗರಾಭಿವೃದ್ಧಿ ಸಚಿವ ಏಕನಾಥ್‌ ಶಿಂಧೆ ಅವರ ನಿರ್ದೇಶನದ ಮೇರೆಗೆ ಸಿಡ್ಕೊ ಈ ನಿರ್ಧಾರ ಕೈಗೊಂಡಿದೆ. ನಿರ್ಧಾರದ ಪ್ರಕಾರ ಎನ್‌ಎಂಎಂಸಿ ಮತ್ತು ಸಿಡ್ಕೊ ಸಂಯುಕ್ತವಾಗಿ ಯೋಜನೆಯ ವೆಚ್ಚವನ್ನು ಭರಿಸಲಿದ್ದು, ಸಿಡ್ಕೊ ಪಾಲು ಶೇ. 50ರಷ್ಟಿದ್ದು, ಗರಿಷ್ಠ 125 ಕೋಟಿ ರೂ. ಗಳನ್ನು ನೀಡಲು ನಿರ್ಧರಿಸಿದೆ.

ಸಿಡ್ಕೊ ಉಪಾಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಡಾ| ಸಂಜಯ್‌ ಮುಖರ್ಜಿ ಮಾಹಿತಿ ನೀಡಿ, ಪಾಮ್‌ಬೀಚ್‌ ರಸ್ತೆಯನ್ನು ಘನ್ಸೋಲಿಯಿಂದ ಐರೋಲಿಗೆ ವಿಸ್ತರಿಸಲು ಉದ್ದೇಶಿಸಲಾಗಿದೆ. ಟ್ರಾಫಿಕ್‌ ದಟ್ಟಣೆಯನ್ನು ಕಡಿಮೆ ಮಾಡಲು ಮತ್ತು ಸಿಬಿಡಿ ಬೆಲಾಪುರದಿಂದ ಮುಂಬಯಿ ಅಥವಾ ಥಾಣೆವರೆಗಿನ ಪ್ರಯಾಣಿಕರಿಗೆ ಅನುಕೂಲವಾಗಲಿದ್ದು, ಈ ಯೋಜನೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಸಿಡ್ಕೊ ಯೋಜನೆಯ ವೆಚ್ಚವನ್ನು ಭಾಗಶಃ ನೀಡುವ ಮೂಲಕ ಎನ್‌ಎಂಎಂಸಿಗೆ ಸಹಾಯ ಮಾಡಲು ನಿರ್ಧರಿಸಿದೆ ಎಂದರು.