ಏಷ್ಯಾ ಕಪ್ ರೋಮಾಂಚನಕ್ಕೆ ಭಾರತ-ಪಾಕಿಸ್ತಾನ ಸಿದ್ಧ; ಕ್ರಿಕೆಟ್ ಜಗತ್ತಿನ ರೋಚಕ ಕಾದಾಟ
ನಾಳೆ ಟಿ20 ಕೂಟದಲ್ಲಿ ಎದುರಾಗಲಿವೆ ಇತ್ತಂಡಗಳು
Team Udayavani, Aug 27, 2022, 7:10 AM IST
ದುಬೈ: ಭಾರತ-ಪಾಕಿಸ್ತಾನ ಕ್ರಿಕೆಟ್ ಪಂದ್ಯವೆಂದರೆ ಅಲ್ಲೊಂದು ರೋಮಾಂಚನವಿರುತ್ತದೆ, ಕಾತುರ, ಕಳವಳಗಳು ಹೆಪ್ಪುಗಟ್ಟಿರುತ್ತವೆ ಎನ್ನುವುದನ್ನು ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಅಂತಹದ್ದೊಂದು ರೋಮಾಂಚಕ ಪಂದ್ಯ ಭಾನುವಾರ (ಆ.28) ದುಬೈನಲ್ಲಿ ನಡೆಯಲಿದೆ.
ಏಷ್ಯಾ ಕಪ್ ಟಿ20ಯಲ್ಲಿ ಬಾಬರ್ ಆಜಂ ನೇತೃತ್ವದ ಪಾಕಿಸ್ತಾನ, ರೋಹಿತ್ ಶರ್ಮ ನೇತೃತ್ವದ ಭಾರತ ಮುಖಾಮುಖೀಯಾಗಲಿವೆ.
ಭಾರತವೇ ಫೇವರಿಟ್
ಕಳೆದ ವರ್ಷ ನಡೆದ ಟಿ20 ವಿಶ್ವಕಪ್ನಲ್ಲಿ ಭಾರತ, ಪಾಕಿಸ್ತಾನದೆದುರು ಸೋತಿತ್ತು. ಹಾಗಿದ್ದರೂ ಪ್ರಸ್ತುತ ಪಂದ್ಯದಲ್ಲಿ ಭಾರತವೇ ಮೆಚ್ಚಿನ ತಂಡವೆನಿಸಿಕೊಂಡಿದೆ. ಅದನ್ನು ನಿಜ ಮಾಡುವ ಗುರುತರ ಹೊಣೆ ರೋಹಿತ್, ಕೊಹ್ಲಿ, ರಾಹುಲ್ ಅವರಿರುವ ತಂಡಕ್ಕಿದೆ.
ಗಡಿಯಾಚೆಯಿಂದ ಪಾಕಿಸ್ತಾನ ಭಯೋತ್ಪಾದನೆ ರಫ್ತು ಮಾಡುವುದನ್ನು ತೀವ್ರಗೊಳಿಸಿದ ನಂತರ, ಎರಡೂ ರಾಷ್ಟ್ರಗಳ ನಡುವೆ ದ್ವಿಪಕ್ಷೀಯ ಕ್ರಿಕೆಟ್ ನಿಂತುಹೋಗಿದೆ. ಹಾಗಾಗಿ ಏಷ್ಯಾ ಕಪ್, ಟಿ20, ಏಕದಿನ ವಿಶ್ವಕಪ್ಗ್ಳಲ್ಲೇ ಈ ಎರಡೂ ತಂಡಗಳು ಮುಖಾಮುಖಿಯಾಗಬೇಕಿದೆ!
ಪಾಕಿಸ್ತಾನಕ್ಕೆ ವೇಗಿ ಶಾಹೀನ್ ಅಫ್ರಿದಿ ಗೈರು ದೊಡ್ಡ ಹೊಡೆತವಾಗಿದೆ. ಆದರೆ ಭಾರತ ತಂಡಕ್ಕೆ ಖ್ಯಾತ ವೇಗಿ ಜಸ್ಪ್ರೀತ್ ಬುಮ್ರಾ ಅವರ ಗೈರು ಕಾಡಲಿಕ್ಕಿಲ್ಲ.
ಏಷ್ಯಾ ಕಪ್ನಲ್ಲಿ
ಒಟ್ಟು ಪಂದ್ಯಗಳು 14
ಭಾರತ ಜಯ 8
ಪಾಕಿಸ್ತಾನ ಜಯ 5
ರದ್ದು 1
ಟಿ20 ವಿಶ್ವಕಪ್ನಲ್ಲಿ
ಒಟ್ಟು ಪಂದ್ಯಗಳು 06
ಭಾರತ ಜಯ 5
ಪಾಕಿಸ್ತಾನ ಜಯ 1
ಏಕದಿನ ವಿಶ್ವಕಪ್ನಲ್ಲಿ
ಒಟ್ಟು ಪಂದ್ಯಗಳು 7
ಭಾರತ ಜಯ 7
ಪಾಕಿಸ್ತಾನ ಜಯ 0