Asian Para Games: ಭಾರತದಿಂದ ಮತ್ತೆ 24 ಪದಕಗಳ ಬೇಟೆ
Team Udayavani, Oct 25, 2023, 11:46 PM IST
ಹ್ಯಾಂಗ್ಝೂ (ಚೀನ): ಏಷ್ಯನ್ ಪ್ಯಾರಾ ಗೇಮ್ಸ್ನ ಬುಧವಾರದ ಸ್ಪರ್ಧೆಗಳಲ್ಲಿ ಭಾರತ ಎರಡು ಡಜನ್ ಪದಕಗಳನ್ನು ಬೇಟೆಯಾಡಿದೆ. ಇದರಲ್ಲಿ 6 ಚಿನ್ನದ ಪದಕಗಳಿದ್ದವು. ಈ ಆರೂ ಚಿನ್ನಗಳು ಆ್ಯತ್ಲೆಟಿಕ್ಸ್ನಲ್ಲಿ ಒಲಿದವು. ಭಾರತದ ಪದಕಗಳ ಸಂಖ್ಯೆ 58ಕ್ಕೆ ಏರಿತು (15 ಚಿನ್ನ, 20 ಬೆಳ್ಳಿ, 23 ಕಂಚು).
ಹಾಲಿ ಪ್ಯಾರಾಲಿಂಪಿಕ್ಸ್ ಚಾಂಪಿಯನ್ ಸುಮಿತ್ ಅಂತಿಲ್ ಎಫ್64 ಜಾವೆಲಿನ್ ತ್ರೋ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದರು. ಅವರ 73.29 ಮೀಟರ್ಗಳ ಸಾಧನೆ ನೂತನ ವಿಶ್ವದಾಖಲೆ ಆಗಿತ್ತು. ಇದರೊಂದಿಗೆ ಅವರು ತಮ್ಮದೇ ದಾಖಲೆಯನ್ನು ಮುರಿದರು (70.83 ಮೀ.).
ಅಂಕುರ್ ಧಾಮ ಏಷ್ಯನ್ ಪ್ಯಾರಾ ಗೇಮ್ಸ್ ಒಂದರಲ್ಲಿ ಅವಳಿ ಚಿನ್ನ ಗೆದ್ದ ಭಾರತದ ಮೊದಲ ಕ್ರೀಡಾಪಟು ಎನಿಸಿದರು. ಬುಧವಾರ ಅವರು ಪುರುಷರ ಟಿ11 1,500 ಮೀ. ರೇಸ್ನಲ್ಲಿ ಬಂಗಾರ ಗೆದ್ದರು. ಇದಕ್ಕೂ ಮೊದಲು ಟಿ11 5,000 ಮೀ. ರೇಸ್ನಲ್ಲೂ ಸ್ವರ್ಣಸಾಧನೆಗೈದಿದ್ದರು.
ಪುರುಷರ ಎಫ್46 ಜಾವೆಲಿನ್ ಎಸೆತದಲ್ಲಿ ಸುಂದರ್ ಸಿಂಗ್ ಗುರ್ಜಾರ್ ಕೂಡ ವಿಶ್ವದಾಖಲೆ ಸ್ಥಾಪಿಸಿದರು (68.60 ಮೀ.). ಈ ಸಂದರ್ಭದಲ್ಲಿ ಅವರು ಶ್ರೀಲಂಕಾದ ದಿನೇಶ್ ಮುದಿಯನ್ಸೆಲಗೆ ಅವರ ದಾಖಲೆ ಮುರಿದರು (67.79 ಮೀ.).
ವನಿತೆಯರ ಟಿ11 1,500 ಮೀ. ರೇಸ್ನಲ್ಲಿ ರಕ್ಷಿತಾ ರಾಜು ಚಿನ್ನ ಗೆದ್ದರು. ರಕ್ಷಿತಾ 2018ರ ಏಷ್ಯನ್ ಪ್ಯಾರಾ ಗೇಮ್ಸ್ನಲ್ಲೂ ಸ್ವರ್ಣ ಸಾಧನೆಗೈದಿದ್ದರು. ಪುರುಷರ ಎಫ್37/38 ಜಾವೆಲಿನ್ ಸ್ಪರ್ಧೆಯಲ್ಲಿ ಹ್ಯಾನಿ ನೂತನ ಕೂಟ ದಾಖಲೆಯೊಂದಿಗೆ ಬಂಗಾರಕ್ಕೆ ಕೊರಳೊಡ್ಡಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024; ಅತಿಯಾದ ಸಂಭ್ರಮಾಚರಣೆ ಮಾಡಿದ ಹರ್ಷಿತ್ ರಾಣಾಗೆ ಭಾರಿ ಶಿಕ್ಷೆ
T20 World Cup; ಭಾರತ ತಂಡ ಪ್ರಕಟ; ಅವಕಾಶ ಪಡೆದ ಪಾಂಡ್ಯ, ಪಂತ್, ಸ್ಯಾಮ್ಸನ್
T20 ವಿಶ್ವಕಪ್ ಇಂಗ್ಲೆಂಡ್ ತಂಡ ಪ್ರಕಟ: ವರ್ಷದ ಬಳಿಕ ಸ್ಟಾರ್ ಬೌಲರ್ ತಂಡಕ್ಕೆ ಕಂಬ್ಯಾಕ್
ಬ್ಯಾಟಿಂಗ್ – ಬೌಲಿಂಗ್ ಎರಡರಲ್ಲೂ ಬಲಿಷ್ಠ: T20 ವಿಶ್ವಕಪ್ಗೆ ದಕ್ಷಿಣ ಆಫ್ರಿಕಾ ಪ್ರಕಟ
Mumbai Indians ವಿರುದ್ಧ ತವರಿನ ಅಂಗಳ: ರಾಹುಲ್ಗೆ ಮಹತ್ವದ ಪಂದ್ಯ