ಬಾಂಗ್ಲಾದೇಶಕ್ಕೆ ಏಕದಿನ ಸರಣಿ
Team Udayavani, Dec 15, 2018, 12:17 PM IST
ಸಿಲ್ಹೆಟ್: ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಅಂತಿಮ ಏಕದಿನ ಪಂದ್ಯವನ್ನು 8 ವಿಕೆಟ್ಗಳಿಂದ ಗೆದ್ದ ಬಾಂಗ್ಲಾ ದೇಶ 2-1ರಿಂದ ಸರಣಿ ವಶಪಡಿಸಿಕೊಂಡಿದೆ.
ಶುಕ್ರವಾರ ನಡೆದ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ವೆಸ್ಟ್ ಇಂಡೀಸ್ ಶೈ ಹೋಪ್ ಅವರ 108 ರನ್ನುಗಳ ಹೊರತಾಗಿಯೂ ಗಳಿಸಿದ್ದು 9ಕ್ಕೆ 198 ರನ್ ಮಾತ್ರ. ಜವಾಬಿತ್ತ ಬಾಂಗ್ಲಾದೇಶ 38.3 ಓವರ್ಗಳಲ್ಲಿ 2 ವಿಕೆಟಿಗೆ 202 ರನ್ ಪೇರಿಸಿ ಗೆದ್ದು ಬಂದಿತು. ತಮಿಮ್ ಇಕ್ಬಾಲ್ ಅಜೇಯ 81 ರನ್ (104 ಎಸೆತ, 9 ಬೌಂಡರಿ) ಹಾಗೂ ಸೌಮ್ಯ ಸರ್ಕಾರ್ 80 ರನ್ (81 ಎಸೆತ, 5 ಬೌಂಡರಿ, 5 ಸಿಕ್ಸರ್) ಬಾರಿಸಿ ಬಾಂಗ್ಲಾ ಗೆಲುವನ್ನು ಸುಲಭಗೊಳಿಸಿದರು.
ಇನ್ನಿಂಗ್ಸ್ ಆರಂಭಿಸಿದ ಶೈ ಹೋಪ್ ವಿಕೆಟ್ ಪತನಗಳಿಗೆಲ್ಲ ಸಾಕ್ಷಿಯಾಗುತ್ತ ನಿಂತು ಅಜೇಯ 108 ರನ್ ಹೊಡೆದರು (131 ಎಸೆತ, 9 ಬೌಂಡರಿ, 1 ಸಿಕ್ಸರ್). ಇದು ಪ್ರಸಕ್ತ ಸರಣಿಯಲ್ಲಿ ಹೋಪ್ ಬಾರಿಸಿದ ಸತತ 2ನೇ ಶತಕ. ದ್ವಿತೀಯ ಪಂದ್ಯದಲ್ಲಿ ಅವರು ಅಜೇಯ 146 ರನ್ ಸಿಡಿಸಿದ್ದರು. ಈ ಸಾಧನೆಗಾಗಿ ಅವರಿಗೆ ಸರಣಿಶ್ರೇಷ್ಠ ಪ್ರಶಸ್ತಿ ಒಲಿಯಿತು. 29 ರನ್ನಿಗೆ 4 ವಿಕೆಟ್ ಕಿತ್ತು ಕೆರಿಬಿಯನ್ನರನ್ನು ಕಾಡಿದ ಮೆಹೆದಿ ಹಸನ್ ಮಿರಾಜ್ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.