ಬೋಪಣ್ಣ ಜೋಡಿಗೆ ಸೋಲು

Team Udayavani, Jul 8, 2017, 2:50 AM IST

ಪುರುಷರ ಡಬಲ್ಸ್‌ನಲ್ಲಿ ಭಾರತದ ರೋಹನ್‌ ಬೋಪಣ್ಣ ಮತ್ತು ಫ್ರಾನ್ಸ್‌ನ ಎಡ್ವರ್ಡ್‌ ರೋಜರ್‌ ವ್ಯಾಸೆಲಿನ್‌ ಜೋಡಿ 6-7(6-8), 3-6, 7-6(6-5), 3-6ರಿಂದ ಇಂಗ್ಲೆಂಡ್‌ ಜೋಡಿ ಕೆನ್‌ ಸ್ಕಾಪ್‌ಸ್ಕಿ ಮತ್ತು ನೀಲ್‌ ಸ್ಕಾಪ್‌ಸ್ಕಿ ವಿರುದ್ಧ ಸೋಲುಂಡರು. ಮೊದಲನೇ ಮತ್ತು 3ನೇ ಸೆಟ್‌ನಲ್ಲಿ ಎರಡೂ ಜೋಡಿಗಳ ನಡುವೆ ಜಿದ್ದಾಜಿದ್ದಿನ ಹೋರಾಟ ನಡೆಯಿತು.

ರಾಜ, ಶರಣ್‌ ಜೋಡಿಗೂ ಸೋಲು: ಭಾರತೀಯ ಡಬಲ್ಸ್‌ ಜೋಡಿ ಪುರವ್‌ ರಾಜ ಮತ್ತು ದಿವಿಜ್‌ ಶರಣ್‌ 3 -6, 4-6, 6-4, 7-6(8-6), 8-10 ರಿಂದ ದಕ್ಷಿಣ ಆಫ್ರಿಕಾದ ರೇವನ್‌ ಕ್ಲಾಸೆನ್‌ ಮತ್ತು ಅಮೆರಿಕದ ರಾಜೀವ್‌ ರಾಮ್‌ ವಿರುದ್ಧ ಹೋರಾಟದ ಸೋಲು ಕಂಡರು. ನಿರ್ಣಾಯಕವಾಗಿದ್ದ 5ನೇ ಸೆಟ್‌ನಲ್ಲಿ ತೀವ್ರ ಸ್ಪರ್ಧೆ ಕಂಡುಬಂತು. ಅಂತಿಮವಾಗಿ ದಕ್ಷಿಣ ಆಫ್ರಿಕಾ ಮತ್ತು ಅಮೆರಿಕ ಜೋಡಿ ವಶಪಡಿಸಿಕೊಂಡು ಪ್ರೀಕ್ವಾರ್ಟರ್‌ಗೆ ಪ್ರವೇಶಿಸಿದರು.