ದ್ವಿತೀಯ ಟೆಸ್ಟ್ : ಗ್ರ್ಯಾಂಡ್ಹೋಮ್ ಶತಕ; ನ್ಯೂಜಿಲ್ಯಾಂಡ್ ಹೋರಾಟ
Team Udayavani, Feb 27, 2022, 11:04 PM IST
ಕ್ರೈಸ್ಟ್ಚರ್ಚ್: ಕಾಲಿನ್ ಡಿ ಗ್ರ್ಯಾಂಡ್ಹೋಮ್ ಅವರ ಅಜೇಯ ಶತಕದ ನೆರವಿನಿಂದ ದಕ್ಷಿಣ ಆಫ್ರಿಕಾ ಎದುರಿನ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ಹೋರಾಟ ಮುಂದುವರಿಸಿದೆ.
ದಕ್ಷಿಣ ಆಫ್ರಿಕಾದ 364 ರನ್ನುಗಳ ಮೊದಲ ಇನ್ನಿಂಗ್ಸಿಗೆ ಉತ್ತರವಾಗಿ ನ್ಯೂಜಿಲ್ಯಾಂಡ್ 293 ರನ್ ಮಾಡಿತು. ಇದರಲ್ಲಿ ಗ್ರ್ಯಾಂಡ್ಹೋಮ್ ಕೊಡುಗೆ ಅಜೇಯ 120 ರನ್. ಇದು ಅವರ 2ನೇ ಶತಕ ಹಾಗೂ ಜೀವನಶ್ರೇಷ್ಠ ಗಳಿಕೆ. 158 ಎಸೆತ ಎದುರಿಸಿ “ಗ್ರ್ಯಾಂಡ್ ಬ್ಯಾಟಿಂಗ್’ ಒಂದಕ್ಕೆ ಸಾಕ್ಷಿಯಾದ ಅವರು 12 ಬೌಂಡರಿ, 3 ಸಿಕ್ಸರ್ ಬಾರಿಸಿದರು.
ದ್ವಿತೀಯ ಇನ್ನಿಂಗ್ಸ್ನಲ್ಲಿ ಕುಸಿತ ಕಂಡಿರುವ ದಕ್ಷಿಣ ಆಫ್ರಿಕಾ 5 ವಿಕೆಟ್ ನಷ್ಟಕ್ಕೆ 140 ರನ್ ಮಾಡಿದೆ. ಹರಿಣಗಳ ಸದ್ಯದ ಮುನ್ನಡೆ 211 ರನ್. ಸರಣಿಯನ್ನು ಸಮಬಲಕ್ಕೆ ತರಬೇಕಾದರೆ ಡೀನ್ ಎಲ್ಗರ್ ಬಳಗ ಗೆಲುವು ಕಾಣಲೇಬೇಕಿದೆ.
ಇದನ್ನೂ ಓದಿ:ಲಂಕೆಗೂ ವೈಟ್ವಾಶ್ ಮಾಡಿದ ಟೀಮ್ ಇಂಡಿಯಾ