INDvsENG: ಜುರೆಲ್ ಆಕರ್ಷಕ ಬ್ಯಾಟಿಂಗ್; 307 ರನ್ ಗಳಿಗೆ ಆಲೌಟಾದ ಟೀಂ ಇಂಡಿಯಾ
Team Udayavani, Feb 25, 2024, 11:48 AM IST
ರಾಂಚಿ: ಇಂಗ್ಲೆಂಡ್ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ ನಲ್ಲಿ ಭಾರತ ತಂಡವು 307 ರನ್ ಗಳಿಗೆ ಆಲೌಟಾಗಿದೆ. ಇದರೊಂದಿಗೆ ಭಾರತವು ರಾಂಚಿ ಟೆಸ್ಟ್ ನಲ್ಲಿ 46 ರನ್ ಗಳ ಹಿನ್ನಡೆಯಲ್ಲಿದೆ.
7 ವಿಕೆಟ್ ಗೆ 219 ರನ್ ಗಳಿಸಿದ್ದಲ್ಲಿಂದ ಮೂರನೇ ದಿನದಾಟ ಆರಂಭಿಸಿದ ಭಾರತಕ್ಕೆ ವಿಕೆಟ್ ಕೀಪರ್ ಬ್ಯಾಟರ್ ಧ್ರುವ್ ಜುರೆಲ್ ನೆರವಾದರು. ಎಂಟನೇ ವಿಕೆಟ್ ಗೆ ಕುಲದೀಪ್ ಯಾದವ್ ಜತೆಗೆ 76 ರನ್ ಜತೆಯಾಟವಾಡಿದರು. 131 ಎಸೆತ ಎದುರಿಸಿದ ಕುಲದೀಪ್ ಯಾದವ್ 28 ರನ್ ಗಳಿಸಿದರು.
ಕುಲದೀಪ್ ಔಟಾದ ಬಳಿಕ ವೇಗವಾಗಿ ಬ್ಯಾಟ್ ಬೀಸಿದ ಜುರೆಲ್ 90 ರನ್ ಗಳಿಸಿದರು. ಆರು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್ ಬಾರಿಸಿದ ಜುರೆಲ್ ಚೊಚ್ಚಲ ಶತಕವನ್ನು ತಪ್ಪಿಸಿಕೊಂಡರು.
ಇಂಗ್ಲೆಂಡ್ ಪರ ಯುವ ಸ್ಪಿನ್ನರ್ ಶೋಯೆಬ್ ಬಶೀರ್ ಐದು ವಿಕೆಟ್ ಪಡೆದರು. ಟಾಮ್ ಹಾರ್ಟ್ಲಿ ಮೂರು ವಿಕೆಟ್ ಕಿತ್ತರೆ, ಎರಡು ವಿಕೆಟ್ ಜೇಮ್ಸ್ ಆ್ಯಂಡರ್ಸನ್ ಪಾಲಾಯಿತು.
ಈ ಇನ್ನಿಂಗ್ಸ್ನಲ್ಲಿ ಭಾರತದ ನಾಲ್ಕು ಬ್ಯಾಟಿಂಗ್ ರಿವೀವ್ ಗಳು ಅಂಪೈರ್ ಕಾಲ್ ಪರವಾಗಿ ಬಂದವು. (ಗಿಲ್, ಪಾಟಿದಾರ್, ಅಶ್ವಿನ್ ಮತ್ತು ಆಕಾಶ್ ದೀಪ್). ಟೆಸ್ಟ್ ನಲ್ಲಿ ಯಾವುದೇ ಇನ್ನಿಂಗ್ಸ್ನಲ್ಲಿ ಇದು ಅತಿ ಹೆಚ್ಚು.
ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ ನಲ್ಲಿ 353 ರನ್ ಗಳಿಸಿತ್ತು. ಭಾರತ ಸದ್ಯ 46 ರನ್ ಹಿನ್ನಡೆಯಲ್ಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bengaluru: ಕ್ರೈಂ ತಡೆಗೆ ರಾತ್ರಿ ಗಸ್ತು ಹೆಚ್ಚಳ; ದಯಾನಂದ್
Bengaluru: ಮೆಟ್ರೋ ಶೌಚದಲ್ಲಿ ಕ್ಯೂಆರ್ ಕೋಡ್ ಅಂಟಿಸಿದ್ದ ಉದ್ಯಮಿ ಸೆರೆ
Bengaluru: ಗ್ರಾಹಕನ ಗುಪ್ತಾಂಗ ಮುಟ್ಟಿ ಡೆಲಿವರಿ ಬಾಯ್ ನೀಚ ಕೃತ್ಯ
ಚಾಕೋಲೆಟ್ ಕೊಡ್ತೇನೆಂದು ಮನೆಗೆ ಕರೆದು ಬಾಲಕಿಗೆ ಲೈಂಗಿಕ ದೌರ್ಜನ್ಯ: ಇಬ್ಬರು ಬಂಧನ
Bengaluru: ಚೆಕ್ ದುರ್ಬಳಕೆ; ಕ್ಯಾಷಿಯರ್, ಎಲ್ಐಸಿ ಏಜೆಂಟ್ಗೆ ಜೈಲು