ಜೋಶ್ನಾ, ಸೌರವ್ ರಾಷ್ಟ್ರೀಯ ಚಾಂಪಿಯನ್ಸ್
Team Udayavani, Feb 16, 2020, 6:05 AM IST
ಚೆನ್ನೈ: ಸ್ಟಾರ್ ಆಟಗಾರ್ತಿ ಜೋಶ್ನಾ ಚಿನ್ನಪ್ಪ 18ನೇ ಬಾರಿಗೆ ರಾಷ್ಟ್ರೀಯ ಸ್ಕ್ವಾಷ್ ಚಾಂಪಿಯನ್ ಪ್ರಶಸ್ತಿ ಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಪುರುಷರ ವಿಭಾಗದಲ್ಲಿ ಸೌರವ್ ಘೋಷಲ್ 13ನೇ ಪ್ರಶಸ್ತಿಯನ್ನೆತ್ತಿದರು.
ಚೆನ್ನೈಯಲ್ಲಿ ನಡೆದ 77ನೇ ಸೀನಿಯರ್ ನ್ಯಾಶನಲ್ ಚಾಂಪಿಯನ್ಶಿಪ್ ವನಿತಾ ಫೈನಲ್ನಲ್ಲಿ ಜೋಶ್ನಾ ಚಿನ್ನಪ್ಪ 8-11, 11-6, 11-4, 11-7 ಅಂತರದಿಂದ ತನ್ವಿ ಖನ್ನಾ ಅವರನ್ನು ಪರಾಭವಗೊಳಿಸಿದರು.
ಕಳೆದ ವರ್ಷ ಪುಣೆ ಪಂದ್ಯಾ ವಳಿಯಲ್ಲಿ ಭುವನೇಶ್ವರಿ ಕುಮಾರ್ ಅವರ 16 ಪ್ರಶಸ್ತಿಗಳ ದಾಖಲೆಯನ್ನು ಜೋಶ್ನಾ ಮುರಿದಿದ್ದರು.
ಪುರುಷರ ಸಿಂಗಲ್ಸ್ನಲ್ಲಿ ಸೌರವ್ ಘೋಷಲ್ 11-6, 11-5, 11-6 ಅಂತರದಿಂದ ಅಭಿಷೇಕ್ ಪ್ರಧಾನ್ ಅವರಿಗೆ ಸೋಲುಣಿಸಿದರು.