ಪಂತ್ಗೆ ಕೀಪಿಂಗ್ ಸಲಹೆ ನೀಡಿದ ಸಂಗಕ್ಕರ
Team Udayavani, Nov 9, 2019, 5:29 AM IST
ಹೊಸದಿಲ್ಲಿ: ಭಾರತ ಕ್ರಿಕೆಟ್ ತಂಡದ ಯುವ ಕೀಪರ್ ರಿಷಭ್ ಪಂತ್ಗೆ ಲಂಕಾದ ಮಾಜಿ ನಾಯಕ ಕುಮಾರ ಸಂಗಕ್ಕರ ಕೀಪಿಂಗ್ ಸಲಹೆ ನೀಡಿದ್ದಾರೆ.
ಪಂತ್ ಮೊದಲ ಪಂದ್ಯದಲ್ಲಿ ಕೆಲವು ಎಡವಟ್ಟು ಮಾಡಿ ಟೀಕೆಗೆ ಗುರಿಯಾಗಿದ್ದರು. ದ್ವಿತೀಯ ಪಂದ್ಯದಲ್ಲೂ ಇಂತಹ ಎಡವಟ್ಟು ಮುಂದುವರಿಸಿ ಮತ್ತೆ ಟೀಕೆಗೊಳಗಾಗಿದ್ದಾರೆ. ಚೆಂಡನ್ನು ಸ್ಟಂಪ್ ರೇಖೆಗಿಂತ ಬಹಳ ಮುಂದೆ “ಕಲೆಕ್ಟ್’ ಮಾಡಿ ಲಿಟನ್ ದಾಸ್ ಅವರಿಗೆ “ಸ್ಟಂಪ್ಡ್ ಲೈಫ್’ ನೀಡಿದರು. ನಿಯಮ ಪ್ರಕಾರ ಇದಕ್ಕೆ ನೋಬಾಲ್ ಹಾಗೂ ಫ್ರೀ ಹಿಟ್ ನೀಡಲಾಯಿತು.
“ಪಂತ್ ತಮ್ಮ ಅವಸರದ ಆಟವಾಡುವುದನ್ನು ನಿಲ್ಲಿಸಿ ತಾಳ್ಮೆಯುತ ಆಟವಾಡಬೇಕು ಮತ್ತು ಇತರರ ಶೈಲಿಯನ್ನು ಅನುಕರಣೆ ಮಾಡಲು ಹೋಗುವುದರಿಂದ ಅವರು ಕೀಪಿಂಗ್ನಲ್ಲಿ ಎಡವುತ್ತಿದ್ದಾರೆ’ ಎಂದು ಸಂಗಕ್ಕರ ಸಲಹೆ ನೀಡಿದ್ದಾರೆ.