ಕೆಕೆಆರ್ಗೆ 10 ವಿಕೆಟ್ ಜಯ; ಗಂಭೀರ್ 76, ಕ್ರಿಸ್ ಲಿನ್ 93 ಅಜೇಯ
Team Udayavani, Apr 8, 2017, 8:03 AM IST
ರಾಜ್ಕೋಟ್: ನಾಯಕ ಗೌತಮ್ ಗಂಭೀರ್ ಮತ್ತು ಕ್ರಿಸ್ ಲಿನ್ ಅವರ ಸ್ಫೋಟಕ ಆಟದಿಂದಾಗಿ ಕೋಲ್ಕತಾ ನೈಟ್ರೈಡರ್ ತಂಡವು ಐಪಿಎಲ್ 10ರ ಶುಕ್ರವಾರ ನಡೆದ ಪಂದ್ಯದಲ್ಲಿ ಗುಜರಾತ್ ಲಯನ್ಸ್ ತಂಡವನ್ನು 10 ವಿಕೆಟ್ಗಳಿಂದ ಭರ್ಜರಿಯಾಗಿ ಸೋಲಿಸಿ ಶುಭಾರಂಭಗೈದಿದೆ.
ಬೌಂಡರಿ ಮತ್ತು ಸಿಕ್ಸರ್ಗಳ ಸುರಿ ಮಳೆಗೈದ ಗಂಭೀರ್ ಮತ್ತು ಲಿನ್ ಅವರು ಕೇವಲ 14.5 ಓವರ್ಗಳಲ್ಲಿ ಯಾವುದೇ ವಿಕೆಟ್ ಕಳೆದುಕೊಳ್ಳದೇ 184 ರನ್ ಗಳಿಸಿ ಜಯಭೇರಿ ಬಾರಿಸಿತು. ಇದು ಕೆಕೆಆರ್ ಮೊದಲ ವಿಕೆಟಿಗೆ ಪೇರಿಸಿದ ಗರಿಷ್ಠ ಜತೆಯಾಟವಾಗಿದೆ. ಈ ಮೊದಲು ಗುಜರಾತ್ ಲಯನ್ಸ್ 4 ವಿಕೆಟಿಗೆ 183 ರನ್ ಗಳಿಸಿತ್ತು.
ಕೇವಲ 19 ಎಸೆತಗಳಲ್ಲಿ ಅರ್ಧಶತಕ ಪೂರ್ತಿಗೊಳಿಸಿದ ಆಸ್ಟ್ರೇಲಿಯದ ಕ್ರಿಸ್ ಲಿನ್ ಗೆಲುವಿನ ರನ್ ಹೊಡೆದರು. 41 ಎಸೆತ ಎದುರಿಸಿದ ಅವರು 6 ಬೌಂಡರಿ ಮತ್ತು 8 ಸಿಕ್ಸರ್ ನೆರವಿನಿಂದ 93 ರನ್ ಗಳಿಸಿ ಅಜೇಯರಾಗಿ ಉಳಿದರು. ಇನ್ನೊಂದು ಓವರ್ ಸಿಕ್ಕಿದರೆ ಅವರು ಶತಕ ದಾಖಲಿಸುವ ಸಾಧ್ಯತೆಯಿತ್ತು. ಲಿನ್ ಅವರು ಕೆಕೆಆರ್ ಪರ ಜಂಟಿಯಾಗಿ ಎರಡನೇ ಅತೀವೇಗದ ಅರ್ಧಶತಕ ಹೊಡೆದರು. ಅರ್ಹವಾಗಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಲಿನ್ಗೆ ಉತ್ತಮ ಬೆಂಬಲ ನೀಡಿದ ಗಂಭೀರ್ 48 ಎಸೆತಗಳಿಂದ 12 ಬೌಂಡರಿ ಸಹಿತ 76 ರನ್ ಗಳಿಸಿದರು.
ರೈನಾ ಅರ್ಧಶತಕ: ಬ್ರೆಂಡನ್ ಮೆಕಲಮ್ 24 ಎಸೆತ ಎದುರಿಸಿ 35 ರನ್ ಗಳಿಸಿದರೆ ಚೊಚ್ಚಲ ಐಪಿಎಲ್ ಆಡಿದ ಜಾಸನ್ ರಾಯ್ 14 ರನ್ ಗಳಿಸಿ ಔಟಾ ದರು. ಮೊದಲ ವಿಕೆಟ್ ಪತನದ ಬಳಿಕ ಕ್ರೀಸ್ಗೆ ಆಗಮಿಸಿದ ನಾಯಕ ರೈನಾ ಅವರು ಬ್ರೆಂಡನ್ ಮೆಕಲಮ್ ಮತ್ತು ದಿನೇಶ್ ಕಾರ್ತಿಕ್ ಜತೆ ಉತ್ತಮ ಜತೆಯಾಟದಲ್ಲಿ ಪಾಲ್ಗೊಂಡು ತಂಡದ ಉತ್ತಮ ಮೊತ್ತಕ್ಕೆ ಕಾರಣರಾದರು. ಮೆಕಲಮ್ ಜತೆ 50 ಮತ್ತು ದಿನೇಶ್ ಕಾರ್ತಿಕ್ ಜತೆ 87 ರನ್ನುಗಳ ಜತೆಯಾಟ ನಡೆಸಿದ ರೈನಾ ಕೊನೆಗೂ 68 ರನ್ ಗಳಿಸಿ ಅಜೇಯರಾಗಿ ಉಳಿದರು. 51 ಎಸೆತ ಎದುರಿಸಿದ ಅವರು 7 ಬೌಂಡರಿ ಬಾರಿಸಿದರು. ದಿನೇಶ್ ಕಾರ್ತಿಕ್ 25 ಎಸೆತಗಳಿಂದ 47 ರನ್ ಹೊಡೆದರು. 6 ಬೌಂಡರಿ ಮತ್ತು 2 ಸಿಕ್ಸರ್ ಬಾರಿಸಿದರು.
ಸ್ಕೋರ್ ಪಟ್ಟಿ
ಗುಜರಾತ್ ಲಯನ್ಸ್
ಜಾಸನ್ ರಾಯ್ ಸಿ ಪಠಾಣ್ ಬಿ ಚಾವ್ಲಾ 14
ಬ್ರೆಂಡನ್ ಮೆಕಲಮ್ ಎಲ್ಬಿಡಬ್ಲ್ಯು ಬಿ ಕುಲದೀಪ್ 35
ಸುರೇಶ್ ರೈನಾ ಔಟಾಗದೆ 68 ಆರನ್ ಫಿಂಚ್ ಸಿ ಯಾದವ್ ಬಿ ಕುಲದೀಪ್ 15
ದಿನೇಶ್ ಕಾರ್ತಿಕ್ ಸಿ ಯಾದವ್ ಬಿ ಬೌಲ್ಟ್ 47
ಡ್ವೇನ್ ಸ್ಮಿತ್ ಔಟಾಗದೆ 0
ಇತರ: 4
ಒಟ್ಟು (20 ಓವರ್ಗಳಲ್ಲಿ 4 ವಿಕೆಟಿಗೆ) 183
ವಿಕೆಟ್ ಪತನ: 1-22, 2-72, 3-92, 4-179
ಬೌಲಿಂಗ್:
ಟ್ರೆಂಟ್ ಬೌಲ್ಟ್ 4-0-40-1
ಪೀಯೂಷ್ ಚಾವ್ಲಾ 4-0-33-1
ಸುನೀಲ್ ನಾರಾಯಣ್ 4-0-33-0
ಕ್ರಿಸ್ ವೋಕ್ಸ್ 3-0-35-0
ಕುಲದೀಪ್ ಯಾದವ್ 4-0-25-2
ಯೂಸುಫ್ ಪಠಾಣ್ 1-0-15-0
ಕೋಲ್ಕತಾ ನೈಟ್ರೈಡರ್
ಗೌತಮ್ ಗಂಭೀರ್ ಔಟಾಗದೆ 76
ಕ್ರಿಸ್ ಲಿನ್ ಔಟಾಗದೆ 93
ಇತರ: 15
ಒಟ್ಟು (14.5 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ) 184
ಬೌಲಿಂಗ್: ಪ್ರವೀಣ್ ಕುಮಾರ್ 2-0-13-0
ಧವಳ್ ಕುಲಕರ್ಣಿ 2.5-0-42-0
ಮನ್ಪ್ರೀತ್ ಗೋನಿ 2-0-32-0
ಶಿವಿಲ್ ಕೌಶಿಕ್ 4-0-40-0
ಡ್ವೇನ್ ಸ್ಮಿತ್ 1-0-23-0
ಶಾದಾಬ್ ಜಕಾತಿ 3-0-30-0
ಪಂದ್ಯಶ್ರೇಷ್ಠ: ಕ್ರಿಸ್ ಲಿನ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
Yadgir BJP ಬೃಹತ್ ರೋಡ್ ಶೋ; ದೇಶದ ರಕ್ಷಣೆಗಾಗಿ ಮತ್ತೆ ಬೆಂಬಲಿಸಿ: ನಡ್ಡಾ
Vote; ಕರ್ನಾಟಕ ಮೊದಲ ಹಂತ: ಶೇಕಡಾವಾರು ಮತದಾನದ ವಿವರ
Chamarajanagar; ಮತದಾನ ಮಾಡಬೇಕೋ ಬೇಡವೋ ಎಂದು EVM ಗಳೇ ಧ್ವಂಸ !
EVM ಕುರಿತು ಸುಪ್ರೀಂ ತೀರ್ಪು ಪ್ರತಿಪಕ್ಷಗಳಿಗೆ ಕಪಾಳ ಮೋಕ್ಷ: ಪ್ರಧಾನಿ ಮೋದಿ
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ