ಮೆಕ್ಸಿಕೊ ಓಪನ್‌ ಟೆನಿಸ್‌: ಕಿರ್ಗಿಯೋಸ್‌-ಜ್ವರೇವ್‌ ಪ್ರಶಸ್ತಿ ಕಾದಾಟ

Team Udayavani, Mar 3, 2019, 12:30 AM IST

ಅಕಾಪುಲ್ಕೊ: ಆಸ್ಟ್ರೇಲಿಯದ ನಿಕ್‌ ಕಿರ್ಗಿಯೋಸ್‌ “ಮೆಕ್ಸಿಕೊ ಓಪನ್‌’ ಕೂಟದ ಫೈನಲ್‌ ಪ್ರವೇಶಿಸಿದ್ದಾರೆ. ಫೈನಲ್‌ನಲ್ಲಿ ಅವರು ವಿಶ್ವದ 3ನೇ ರ್‍ಯಾಂಕಿನ ಅಲೆಕ್ಸಾಂಡರ್‌ ಜ್ವರೇವ್‌ ಅವರನ್ನು ಎದುರಿಸಲಿದ್ದಾರೆ.

ಮೊದಲ ಸೆಮಿಫೈನಲ್‌ನಲ್ಲಿ ಕಿರ್ಗಿಯೋಸ್‌ 3ನೇ ಶ್ರೇಯಾಂಕಿತ ಜಾನ್‌ ಇಸ್ನರ್‌ ವಿರುದ್ಧ 7-5, 5-7, 7-6 (9/7) ಸೆಟ್‌ಗಳಿಂದ ಗೆಲುವು ದಾಖಲಿಸಿದರು. ಈ ಪಂದ್ಯ 2 ಗಂಟೆ, 21 ನಿಮಿಷಗಳ ತನಕ ನಡೆಯಿತು. ಹಿಂದಿನೆರಡು ಪಂದ್ಯಗಳಲ್ಲಿ ಕಿರ್ಗಿಯೋಸ್‌ ಸ್ಟಾರ್‌ ಆಟಗಾರ ರಫೆಲ್‌ ನಡಾಲ್‌, ಸ್ಟಾನ್‌ ವಾವ್ರಿಂಕ ಅವರನ್ನು ಸೋಲಿಸಿ ಮೆರೆದಿದ್ದರು.

ಕಿರ್ಗಿಯೋಸ್‌ 2018ರ ಜನವರಿಯಲ್ಲಿ ಬ್ರಿಸ್ಬೇನ್‌ನಲ್ಲಿ ವೃತ್ತಿಜೀವನದ 4ನೇ ಪ್ರಶಸ್ತಿ ಜಯಿಸಿದ ಬಳಿಕ ಎಟಿಪಿ ಕೂಟದ ಫೈನಲ್‌ ಪ್ರವೇಶಿಸಿದ್ದು ಇದೇ ಮೊದಲು.

ಇನ್ನೊಂದು ಸೆಮಿಫೈನಲ್‌ನಲ್ಲಿ 2ನೇ ಶ್ರೇಯಾಂಕಿತ, ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೇವ್‌ ಬ್ರಿಟನಿನ ಕ್ಯಾಮರೂನ್‌ ನೂರೀ ಅವರನ್ನು 7-6 (7-0), 6-3 ಸೆಟ್‌ಗಳಿಂದ ಸೋಲಿಸಿದರು.

ವಾಂಗ್‌-ಕೆನ್ನಿನ್‌ ಎದುರಾಳಿ
ವನಿತಾ ಸಿಂಗಲ್ಸ್‌ ವಿಭಾಗದ ಮೊದಲ ಸೆಮಿಫೈನಲ್‌ನಲ್ಲಿ ಚೀನದ ವಾಂಗ್‌ ಯೂಫಾನ್‌ ಕ್ರೊವೇಶಿಯಾದ ಡೋನಾ ವೆಕಿಕ್‌ ಅವರನ್ನು 2-6, 6-3, 6-1 ಸೆಟ್‌ಗಳಿಂದ ಸೋಲಿಸಿ ಚೊಚ್ಚಲ ಡಬ್ಲ್ಯುಟಿಪಿ ಟೂರ್‌ ಫೈನಲ್‌ ಪ್ರವೇಶಿಸಿದರು.  ಫೈನಲ್‌ನಲ್ಲಿ ಅವರು ಅಮೆರಿಕದ ಸೋಫಿಯಾ ಕೆನ್ನಿನ್‌ ವಿರುದ್ಧ ಆಡಲಿದ್ದಾರೆ. ಇನ್ನೊಂದು ಸೆಮಿಸ್‌ನಲ್ಲಿ ಕೆನ್ನಿನ್‌ ಕೆನಡಾದ ಬಿಯಾಂಕಾ ಆ್ಯಂಡ್ರಿಸ್ಕೂ ವಿರುದ್ಧ 6-4, 3-6, 7-5ರಿಂದ ಜಯ ಸಾಧಿಸಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ