ಸತತ 25 ಪಂದ್ಯಗಳಲ್ಲಿ ಜೊಕೋ ಅಜೇಯ ಓಟ
Team Udayavani, Sep 3, 2020, 6:41 PM IST
ನ್ಯೂಯಾರ್ಕ್: ವಿಶ್ವದ ನಂ.1 ಟೆನಿಸಿಗ ನೊವಾಕ್ ಜೊಕೋವಿಕ್ ಈ ವರ್ಷದ ತಮ್ಮ ಸತತ ಗೆಲುವಿನ ಓಟವನ್ನು 25 ಪಂದ್ಯಗಳಿಗೆ ವಿಸ್ತರಿಸಿದ್ದಾರೆ. ಯುಎಸ್ ಓಪನ್ ಪಂದ್ಯಾವಳಿಯ ತೃತೀಯ ಸುತ್ತು ಪ್ರವೇಶಿಸುವ ಮೂಲಕ ಸರ್ಬಿಯನ್ ಟೆನಿಸಿಗ ಈ ಹೆಗ್ಗಳಿಕೆಗೆ ಪಾತ್ರರಾದರು.
ಬುಧವಾರ ರಾತ್ರಿಯ ದ್ವಿತೀಯ ಸುತ್ತಿನ ಮುಖಾಮುಖಿಯಲ್ಲಿ ಜೊಕೋವಿಕ್ ಬ್ರಿಟನ್ನಿನ ಕೈಲ್ ಎಡ್ಮಂಡ್ಸ್ ಅವರನ್ನು 6-7 (5-7), 6-3, 6-4, 6-2 ಅಂತರದಿಂದ ಮಣಿಸುವಲ್ಲಿ ಯಶಸ್ವಿಯಾದರು. ಅವರಿನ್ನು ಜರ್ಮನಿಯ ಜಾನ್ ಲೆನಾರ್ಡ್ ಸ್ಟ್ರಫ್ ಸವಾಲನ್ನು ಎದುರಿಸುವರು. ಸ್ಟ್ರಫ್ ಅಮೆರಿಕದ ಮೈಕಲ್ ಮೋ ವಿರುದ್ಧ 6-2, 6-2, 7-5 ಅಂಕಗಳಿಂದ ಗೆದ್ದು ಬಂದರು.
ವರ್ಷವೊಂದರಲ್ಲಿ ಸತತ 25 ಪಂದ್ಯಗಳನ್ನು ಗೆದ್ದದ್ದು ಜೊಕೋವಿಕ್ ಅವರ 2ನೇ ಅತ್ಯುತ್ತಮ ಸಾಧನೆಯಾಗಿದೆ. 2011ರಲ್ಲಿ ಅವರು ಸತತ 41 ಪಂದ್ಯಗಳಲ್ಲಿ ಗೆದ್ದು ಬಂದಿದ್ದರು. ಕೆನಡಾದ ಡೆನ್ನಿಸ್ ಶಪೊವಲೋವ್, ಗ್ರೀಸ್ನ ಸ್ಟೆಫನಸ್ ಸಿಸಿಪಸ್ 3ನೇ ಸುತ್ತು ಪ್ರವೇಶಿಸಿದ ಉಳಿದಿಬ್ಬರು ಪ್ರಮುಖ ಆಟಗಾರರು. ಶಪೊವಲೋವ್ ದಕ್ಷಿಣ ಕೊರಿಯಾದ ನೋನ್ ಸೂನ್ ವೂ ಅವರನ್ನು 6-7 (5-7), 6-4, 6-4, 6-2ರಿಂದ ಪರಾಭವಗೊಳಿಸಿದರೆ, ಸಿಸಿಪಸ್ ಅಮೆರಿಕದ ಮ್ಯಾಕ್ಸಿಮ್ ಕ್ರೇಸಿ ವಿರುದ್ಧ 7-6 (7-2), 6-3, 6-4 ಅಂತರದ ಮೇಲುಗೈ ಸಾಧಿಸಿದರು.
ಸಿಸಿಪಸ್ ಅವರ ಮುಂದಿನ ಸುತ್ತಿನ ಎದುರಾಳಿ ಕ್ರೊವೇಶಿಯಾದ ಬೋರ್ನ ಕೊರಿಕ್. ಅವರು ಆರ್ಜೆಂಟೀನಾದ ಜುವಾನ್ ಇಗ್ನೇಸಿಯೊ ಲೊಂಡೆರೊ ವಿರುದ್ಧ 5 ಸೆಟ್ಗಳ ಸೆಣಸಾಟದಲ್ಲಿ ಗೆದ್ದು ಬಂದರು. ಶಪೊವಲೋವ್ ಅಮೆರಿಕದ ಟೇಲರ್ ಫ್ರಿಟ್ಜ್ ವಿರುದ್ಧ ಆಡಲಿದ್ದಾರೆ. ಅವರು ಫ್ರಾನ್ಸ್ನ ಗಿಲ್ಲೆಸ್ ಸಿಮೋನ್ಗೆ ಸೋಲುಣಿಸಿದರು.
ದಿವಿಜ್ ಜೋಡಿಗೆ ಸೋಲು
ಭಾರತದ ದಿವಿಜ್ ಶರಣ್-ಸರ್ಬಿಯಾದ ನಿಕೋಲ ಕ್ಯಾಸಿಕ್ ಜೋಡಿ ಪುರುಷರ ಡಬಲ್ಸ್ ಸ್ಪರ್ಧೆಯ ಪ್ರಥಮ ಸುತ್ತಿನಲ್ಲೇ ಸೋಲನುಭವಿಸಿದೆ. ಕ್ರೊವೇಶಿಯಾದ ಮೆಕ್ಟಿಕ್-ಕೂಲೋಫ್ ಜೋಡಿ ಇವರೆದುರಿನ ಪಂದ್ಯವನ್ನು 6-4, 3-6, 6-3 ಅಂತರದಿಂದ ಜಯಿಸಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
Dakshina kannada: ದ.ಕ.: 18,18,127 ಮತದಾರರ ಕೈಯಲ್ಲಿ 9 ಅಭ್ಯರ್ಥಿಗಳ ಭವಿಷ್ಯ
ಹಣ ಹಂಚಿ ಚುನಾವಣೆ ನಡೆಸಲು ಅವಕಾಶ ಮಾಡಿಕೊಡಿ… ಚುನಾವಣಾ ಆಯೋಗದ ವಿರುದ್ಧ HDK ಕಿಡಿ
ದೇಶದ ಭದ್ರತೆ, ಅಭಿವೃದ್ಧಿ, ಆರ್ಥಿಕತೆಗಾಗಿ ಮೋದಿ ಬೆಂಬಲಿಸಲು ಕೋಟ ಗೆಲ್ಲಿಸಿ:ಕಿಶೋರ್ಕುಮಾರ್
Bantwal: ಮದುವೆ ಮುಹೂರ್ತಕ್ಕೂ ಮೊದಲೇ ಮತದಾನ ಹಕ್ಕು ಚಲಾಯಿಸಿದ ನವವಧು
Election: ಮತದಾನ ಆರಂಭವಾದ 2 ಗಂಟೆಯಲ್ಲೇ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದಲ್ಲಿ 12.82% ಮತದಾನ