ಆರ್ಥರ್ ರೋಡ್ ಜೈಲ್ ವೀಡಿಯೋ ಕೊಡಿ
Team Udayavani, Aug 1, 2018, 10:52 AM IST
ಲಂಡನ್: ದೇಶದ ಜೈಲುಗಳ ಸ್ಥಿತಿಗತಿ, ವಿಶೇಷವಾಗಿ ಮುಂಬಯಿಯ ಆರ್ಥರ್ ರೋಡ್ ಸೆರೆಮನೆ ಬಗ್ಗೆ ವಿಡಿಯೋ ಚಿತ್ರೀಕರಣ ನಡೆಸಿ ಮೂರು ವಾರಗಳ ಒಳಗಾಗಿ ಸಲ್ಲಿಸುವಂತೆ ಲಂಡನ್ನ ವೆಸ್ಟ್ಮಿನಿಸ್ಟರ್ನಲ್ಲಿರುವ ಮ್ಯಾಜಿಸ್ಟ್ರೇಟ್ ಕೋರ್ಟ್ ಕೇಂದ್ರ ತನಿಖಾ ಸಂಸ್ಥೆಗಳಿಗೆ ಆದೇಶಿಸಿದೆ.
ಬ್ಯಾಂಕ್ಗಳಿಗೆ 9 ಸಾವಿರ ಕೋಟಿ ರೂ. ವಂಚಿಸಿದ ವಿಜಯ ಮಲ್ಯ ಅವರನ್ನು ಭಾರತ ಕ್ಕೆ ಗಡಿಪಾರು ಮಾಡುವ ಬಗೆ ಗಿನ ಪ್ರಕರಣದ ವಿಚಾರಣೆ ವೇಳೆ ಮಲ್ಯ ಪರ ನ್ಯಾಯವಾದಿ “ಭಾರತದ ಜೈಲುಗಳಲ್ಲಿ ಪ್ರಾಕೃತಿಕವಾಗಿ ಬೆಳಕು ಮತ್ತು ಗಾಳಿ ಸಂಚಾರ ಇರುವುದಿಲ್ಲ’ ಎಂದು ವಾದಿಸಿದರು. ಈ ಹಿನ್ನೆಲೆಯಲ್ಲಿ ಜಡ್ಜ್ ಎಮ್ಮಾ ಆರ್ಬತ್ನಾಟ್, ಆರ್ಥರ್ ರೋಡ್ನ ಜೈಲಿನ ಬ್ಯಾರೆಕ್ ಸಂಖ್ಯೆ 12ರ ವಿಡಿಯೋ ಚಿತ್ರೀ ಕರಣ ನಡೆಸುವಂತೆ ಆದೇಶಿಸಿದರು. ಮುಂ ದಿನ ವಿಚಾರಣೆ ಸೆ.12ರಂದು ನಡೆಯಲಿದೆ.
ಇದಕ್ಕೂ ಮುನ್ನ ಸಿಬಿಐ, ಇ.ಡಿ. ಅಧಿ ಕಾರಿಗಳು ಕಾರಾಗೃಹದ ಫೋಟೋ ಸಲ್ಲಿಸಿ ದಾಗ ಮಲ್ಯ ವಕೀಲರ ತಂಡ ಅದಕ್ಕೆ ಆಕ್ಷೇಪಿ ಸಿತು. ಅದಕ್ಕೆ ಸಹಮತ ವ್ಯಕ್ತಪಡಿ ಸಿದ ಜಡ್ಜ್ “ಮಧ್ಯಾಹ್ನದ ಅವಧಿಯಲ್ಲಿ ಚಿತ್ರೀಕರಣ ನಡೆಸಲು ಸಾಧ್ಯವೇ? ಕಿಟಕಿ ಮೂಲಕ ಸಹಜವಾಗಿ ಬೆಳಕು-ಗಾಳಿ ಬರುತ್ತದೆಯೋ ಎಂದು ನನಗೂ ನೋಡಬೇಕು’ ಎಂದರು.
ಸಾಲ ಪಾವತಿಗೆ ಸಿದ್ಧ: ವಿಚಾರಣೆ ಆರಂಭಕ್ಕೆ ಮುನ್ನ ಪತ್ರಕರ್ತರ ಜತೆಗೆ ಮಾತನಾಡಿದ್ದ ಮಲ್ಯ “ನನ್ನ ವಿರುದ್ಧ ಇರುವ ಆರೋಪಗಳೆಲ್ಲ ಸುಳ್ಳು. ಬ್ಯಾಂಕ್ಗಳಿಗೆ ಬಾಕಿ ಮೊತ್ತ ಪಾವತಿ ಮಾಡಲು ಸಿದ್ಧನಿದ್ದೇನೆ. ಅದಕ್ಕಾಗಿ 14 ಸಾವಿರ ಕೋಟಿ ರೂ. ಮೌಲ್ಯದ ಆಸ್ತಿ ಮಾರಲು ಸಿದ್ಧ’ ಎಂದು ಹೇಳಿದ್ದರು.
ಆರ್ಥರ್ ರಸ್ತೆ ಜೈಲು ಅತ್ಯುತ್ತಮ ಕಾರಾಗೃಹ
ಗಡೀಪಾರು ಬಳಿಕ ಮಲ್ಯ ಅವರನ್ನು ಇರಿಸಲು ಉದ್ದೇಶಿಸಲಾಗಿರುವ ಮುಂ ಬೈನ ಆರ್ಥರ್ ರಸ್ತೆ ಜೈಲು ದೇಶದಲ್ಲೇ ಅತ್ಯುತ್ತಮ ಕಾರಾಗೃಹ ಎಂದು ಕೇಂದ್ರ ಗೃಹ ಇಲಾಖೆ ಹೇಳಿದೆ. ಯುಕೆ ಕೋರ್ಟ್ ನಲ್ಲಿನ ಬೆಳವಣಿಗೆ ಕುರಿತು ಪ್ರತಿಕ್ರಿಯಿ ಸಿರುವ ಇಲಾಖೆ, ಇತರೆ ದೇಶಗಳಂತೆ ಭಾರತದ ಜೈಲುಗಳೂ ಚೆನ್ನಾಗಿವೆ. ಇಲ್ಲಿ ಕೈದಿಗಳ ಹಕ್ಕುಗಳನ್ನು ರಕ್ಷಿಸಲಾಗುತ್ತಿದೆ. ಜೈಲಿನಲ್ಲಿ ಜೀವಕ್ಕೆ ಅಪಾಯವಿದೆ ಎಂಬ ಮಲ್ಯ ಅವರ ವಾದವು ದಾರಿತಪ್ಪಿಸು ವಂಥದ್ದು ಎಂದೂ ಹೇಳಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ