ರೆಹಾಮ್ ಜತೆಗಿನ ಎರಡನೇ ಮದುವೆ ನನ್ನ ಮಹಾ ಪ್ರಮಾದ: ಇಮ್ರಾನ್
Team Udayavani, Jul 23, 2018, 12:14 PM IST
ಇಸ್ಲಾಮಾಬಾದ್ : ‘ನಾನು ಬದುಕಿನಲ್ಲಿ ಕೆಲವು ತಪ್ಪುಗಳನ್ನು ಮಾಡಿದ್ದೇನೆ; ಆದರೆ ಅವುಗಳಲ್ಲಿ ಅತೀ ದೊಡ್ಡ ಪ್ರಮಾದವೆಂದರೆ ರೆಹಾಮ್ ಜತೆಗಿನ ನನ್ನ ಎರಡನೇ ಮದುವೆ’ ಎಂದು ಮಾಜಿ ಕ್ರಿಕೆಟಿಗ ಹಾಗೂ ಪಾಕಿಸ್ಥಾನ್ ತೆಹರೀಕ್ ಎ ಇನ್ಸಾಫ್ ಪಕ್ಷದ ಮುಖ್ಯಸ್ಥ ಇಮ್ರಾನ್ ಖಾನ್ ಹೇಳಿದ್ದಾರೆ.
ಇಮ್ರಾನ್ ಖಾನ್ ಮಾಜಿ ಪತ್ನಿ ರೆಹಾಮ್ ಬರೆದಿದ್ದ ತನ್ನ ಹೆಸರಿನ ಶೀರ್ಷಿಕೆಯುಳ್ಳ ಪುಸ್ತಕ ಈಗ ಪಾಕಿಸ್ಥಾನದಲ್ಲಿ ಮಾತ್ರವಲ್ಲ; ವಿದೇಶಗಳಲ್ಲೂ ಭಾರೀ ಸುದ್ದಿ ಮಾಡಿದೆ. ಇಮ್ರಾನ್ ಖಾನ್ ಒಬ್ಬ ಲಂಪಟ, ಪತ್ನಿ ಹಿಂಸಕ, ದ್ವಿಲಿಂಗ ಕಾಮಿ, ಡ್ರಗ್ ಅಡಿಕ್ಟ್, ಆನೇಕ ಭಾರತೀಯ ಮಹಿಳೆಯರಿಗೆ ಹುಟ್ಟಿರುವ (ಕನಿಷ್ಠ ಐದು) ಮಕ್ಕಳ ಅಪ್ಪ ಎಂದೆಲ್ಲ ರೆಹಾಮ್ ತನ್ನ ಪುಸ್ತಕರದಲ್ಲಿ ಇಮ್ರಾನ್ ಖಾನ್ ಲೀಲೆಯನ್ನು ರಸವತ್ತಾಗಿ ವರ್ಣಿಸಿರುವುದು ಭಾರೀ ವಿವಾದಕ್ಕೆ ಕಾರಣವಾಗಿದೆ.
ಪಾಕ್ ಚುನಾವಣೆ ಈಗ ಸನ್ನಿಹಿತವಾಗಿರುವಾಗಲೇ ಬಿಡುಗಡೆಯಾಗಿರುವ ಇಮ್ರಾನ್ ಮಾಜಿ ಪತ್ನಿ, ಬ್ರಿಟಿಷ್ ಪತ್ರಕರ್ತೆ, ರೆಹಾಮ್ ಬರೆದಿರುವ ಈ ಪುಸ್ತಕಲ್ಲಿನ ಇಮ್ರಾನ್ ಕುರಿತ ವಿಷಯಗಳೆಲ್ಲ “ಮಹಾ ಸುಳ್ಳುಗಳ ಕಂತೆ’ ಎಂದು ಇಮ್ರಾನ್ ರಾಜಕೀಯ ಪಕ್ಷದವರು ಬೊಬ್ಬಿಟ್ಟಿದ್ದಾರೆ. ರಾಜಕೀಯ ಅಸ್ಥಿರತೆಯಿಂದ ನಲುಗುತ್ತಿರುವ ಪಾಕಿಸ್ಥಾನದಲ್ಲೀಗ ರೆಹಾಮ್ ಪುಸ್ತಕ ಮಹಾ ಸಂಚಲನ ಉಂಟುಮಾಡಿದೆ.
“ನನ್ನ ಖಾಸಗಿ ಬದುಕನ್ನು ನಾನು ಎಂದೂ ಬಹಿರಂಗಗೊಳಿಸಿದ್ದಿಲ್ಲ; ಅದನ್ನು ಸಾಕಷ್ಟು ಜಾಗ್ರತೆಯಿಂದ ಮುಚ್ಚಿದ ಪುಸ್ತಕವಾಗಿ ಇಟ್ಟುಕೊಂಡಿದ್ದೇನೆ; ಹಾಗೆಯೇ ರೆಹಾಮ್ ಬಗ್ಗೆಯೂ ನಾನು ಎಂದೂ ಏನನ್ನೂ ಬಹಿರಂಗವಾಗಿ ಹೇಳಿಲ್ಲ’ ಎಂದು ಇಮ್ರಾನ್ ಹೇಳಿದ್ದಾರೆ.
ಕೇವಲ ಹತ್ತು ತಿಂಗಳಿಗೇ ಮುಗಿದ ಹೋದ ತನ್ನ ಎರಡನೇ ವಿವಾಹದ ಬಗ್ಗೆ ಮತ್ತು ರೆಹಾಮ್ ಬಗ್ಗೆ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಹೀಗೆ ಹೇಳಿದ್ದಾರೆ : ಮದುವೆ ಆಗುವ ವರೆಗೂ ನಾನು ಆಕೆಯ ಮುಖವನ್ನೇ ಕಂಡಿರಲಿಲ್ಲ. ಪೂರ್ತಿ ಮುಖ ಪರದೆ ಹಾಕಿಕೊಳ್ಳುತ್ತಿದ್ದ ಆಕೆಯನ್ನು ನಾನು ಮದುವೆಗೆ ಮೊದಲು ಮುಖ ಪರದೆ ಇಲ್ಲದ ಆಕೆಯನ್ನು ಎಂದೂ ನೋಡಿಯೇ ಇರಲಿಲ್ಲ; ಅಂತೆಯೇ ನಾನು ಆಕೆಯನ್ನು ವಿವಾಹಕ್ಕೆ ಪ್ರಪೋಸ್ ಮಾಡಿದೆ. ಆಕೆ ಇಸ್ಲಾಮಿನ ಸೂಫಿ ಪಂಥದ ಆಧ್ಯಾತ್ಮಿಕ ಮಾರ್ಗದರ್ಶಿಯಾಗಿದ್ದಳು. ಮದುವೆಯ ಬಳಿಕವೇ ಆಕೆಯ ಮುಖವನ್ನು ನೋಡಿದ ನನಗೆ ನಿರಾಶೆಯಾಗಿರಲಿಲ್ಲ.
ರೆಹಾಮ್ ಪುಸ್ತಕ ಉಂಟು ಮಾಡಿರುವ ರಾಜಕೀಯ ಅಲ್ಲೋಲ ಕಲ್ಲೋಲದ ಹೊರತಾಗಿಯೂ ಈ ಬಾರಿಯ ಪಾಕ್ ಮಹಾಚುನಾವಣೆಯನ್ನು ಬಹುಮತದೊಂದಿಗೆ ಗೆದ್ದು ಬರುವ ವಿಶ್ವಾಸವನ್ನು ಇಮ್ರಾನ್ ಖಾನ್ ವ್ಯಕ್ತಪಡಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
MUST WATCH
ಹೊಸ ಸೇರ್ಪಡೆ
ಚನ್ನಮ್ಮನ ಕಿತ್ತೂರು: ಮಹಾನ್ ಯೋಗಿಗಳು-ಸೂಫಿ ಸಂತರ ನಾಡಿದು- ಶಿಲೇದಾರ
Sringeri Sharadamba Temple; ಪ್ರಧಾನಿ ಮೋದಿ ಹೆಸರಲ್ಲಿ ಸಹಸ್ರನಾಮ ಪೂಜೆ
ಮೊದಲ ಬಾರಿ ಕುಂದಾನಗರಿಯಲ್ಲಿ ಪ್ರಧಾನಿ ಮೋದಿ ವಾಸ್ತವ್ಯ; 28ಕ್ಕೆ ಸಮಾವೇಶ
ಬಿಸಿಲ ಝಳದಿಂದ ಮೈದಾನಗಳು ಖಾಲಿ; ಮಕ್ಕಳ ಆಟಕ್ಕೂ ಉರಿ ಬಿಸಿಲು ಅಡ್ಡಿ!
Mangaluru: ಸಂಪರ್ಕ ಸೇತುವೆ ಇಲ್ಲದೆ ಬೋಟ್ ಮೂಲಕ ಬಂದು ಮತ ಚಲಾಯಿಸಿದ ಜನ