ಮಿಲಿಂಡಾಗೆ ಸಿಗಲಿದೆ ಹಲವು ಕೋಟಿ ಮೌಲ್ಯದ ಆಸ್ತಿ, ಸಂಪತ್ತು

Team Udayavani, May 6, 2021, 7:00 AM IST

ವಾಷಿಂಗ್ಟನ್‌: ದಾಂಪತ್ಯ ಜೀವನದಿಂದ ದೂರವಾಗಲಿರುವ ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್‌ ಗೇಟ್ಸ್‌,  ಪತ್ನಿ ಮಿಲಿಂಡಾ ಗೇಟ್ಸ್‌ ಹೆಸರಲ್ಲಿರುವ ಆಸ್ತಿ ಹಂಚಿಕೆ ಬಗ್ಗೆ ಸ್ಪಷ್ಟ ಚಿತ್ರಣ ಲಭಿಸಲಿದೆ.

ಮೈಕ್ರೋಸಾಫ್ಟ್ ಜತೆಗೇ ಗೇಟ್ಸ್‌ ಹುಟ್ಟುಹಾಕಿದ್ದ ಕ್ಯಾಸ್ಕೇಡ್‌ ಇನ್ವೆಸ್ಟ್‌ಮೆಂಟ್‌ ಸಂಸ್ಥೆ, 13,292 ಕೋಟಿ ರೂ. ಮೊತ್ತದ ಚರಾಸ್ತಿಯನ್ನು ಮಿಲಿಂಡಾಗೆ ವರ್ಗಾಯಿಸ ಲಿದೆ. ಇದರಲ್ಲಿ, ಕೆನಡಿಯನ್‌ ರೈಲ್ವೇ ಇಲಾಖೆಯಲ್ಲಿ ಗೇಟ್ಸ್‌ ಹೊಂದಿರುವ 11,077 ಸಾವಿರ ಕೋಟಿ ರೂ. ಮೊತ್ತದ ಷೇರುಗಳು ಸೇರಿವೆ. ಇದಲ್ಲದೆ, ಆಟೋ ನೇಶನ್‌ ಸಂಸ್ಥೆಯಲ್ಲಿನ 4,500 ಕೋಟಿ ರೂ. ಮೊತ್ತದ ಷೇರುಗಳೂ ಮಿಲಿಂಡಾ ಪಾಲಾಗಲಿವೆ.

ದಾನವಿನ್ನೂ ಬಾಕಿಯಿದೆ!: ಈ ಹಿಂದೆ, ಬಿಲ್‌ ಆ್ಯಂಡ್‌ ಮಿಲಿಂಡಾ ಗೇಟ್ಸ್‌ ಫೌಂಡೇಶನ್‌ ವತಿಯಿಂದ ನೀಡ ಲಾಗುವ  . ಸಾಮಾಜಿಕ ಕಾರ್ಯಕ್ಕೆ ತಮ್ಮ ಆಸ್ತಿಯ ಅರ್ಧಕ್ಕಿಂತ ಹೆಚ್ಚು ಪಾಲನ್ನು ದಾನ ಮಾಡು ವುದಾಗಿ ಈ ಇಬ್ಬರೂ ಘೋಷಿಸಿದ್ದರು. . ಅದರಂತೆ, ಕಾಲಾನು ಕ್ರಮದಲ್ಲಿ ಈ ಫೌಂಡೇಶನ್‌ನ ನಾನಾ ಕಾರ್ಯ ಕ್ರಮಗಳಿಗೆ ಅಪಾರ ಹಣವನ್ನು ದಾನ ಮಾಡುತ್ತಲೇ ಬಂದಿದ್ದಾರೆ. ದೇಣಿಗೆ ಮಾಡುವ ಅವರಿಬ್ಬರ ಹಿಂದಿನ ಹೇಳಿಕೆ ಪರಾಮರ್ಶಿಸುವುದಾದರೆ‌ ಇನ್ನೂ 3.6 ಲಕ್ಷ ಕೋಟಿ ರೂ. ದೇಣಿಗೆಯಾಗಿ ಬರಬೇಕಿದೆ.