Indian-American ಬಾಲಕಿ ಪ್ರೀಶಾಗೆ ‘ವಿಶ್ವದ ಬುದ್ಧಿವಂತ ವಿದ್ಯಾರ್ಥಿನಿ’ ಪಟ್ಟ
Team Udayavani, Jan 16, 2024, 5:25 AM IST
ವಾಷಿಂಗ್ಟನ್: ಭಾರತೀಯ-ಅಮೆರಿಕನ್ ಶಾಲಾ ಬಾಲಕಿ, 9 ವರ್ಷದ ಪ್ರೀಶಾ ಚಕ್ರವರ್ತಿ “ವಿಶ್ವದ ಅತ್ಯಂತ ಬುದ್ಧಿವಂತ ವಿದ್ಯಾರ್ಥಿನಿ’ ಎಂಬ ಖ್ಯಾತಿಗೆ ಪಾತ್ರಳಾಗಿದ್ದಾಳೆ. ಅಮೆರಿಕದ ಪ್ರತಿಷ್ಠಿತ ಜಾನ್ಸ್ ಹಾಪ್ಕಿನ್ಸ್ ಸೆಂಟರ್ ಫಾರ್ ಟ್ಯಾಲೆಂಟೆಡ್ ಯೂತ್ ಸಂಸ್ಥೆಯು 90 ದೇಶಗಳ ಸುಮಾರು 16 ಸಾವಿರ ವಿದ್ಯಾರ್ಥಿಗಳನ್ನು ಪರೀಕ್ಷಿಸಿ ಈ ಪಟ್ಟಿ ತಯಾರಿಸಿದೆ. ಅದರಂತೆ, ಕ್ಯಾಲಿಫೋರ್ನಿಯಾದ ವಾರ್ಮ್ ಸ್ಪ್ರಿಂಗ್ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿನಿಯಾಗಿರುವ ಪ್ರೀಶಾ, ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡುವ ಮೂಲಕ ಜಗತ್ತಿನಲ್ಲೇ ಅತೀ ಬುದ್ಧಿವಂತೆಯಾಗಿ ಹೊರಹೊಮ್ಮಿದ್ದಾಳೆ.