ಅಮೆರಿಕದಲ್ಲಿ ಗೋಟಬಯ ರಾಜಪಕ್ಸ ಪುತ್ರನ ವಿರುದ್ಧ ಲಂಕನ್ನರ ಪ್ರತಿಭಟನೆ

Team Udayavani, Jul 17, 2022, 2:31 PM IST

ಲಾಸ್ ಏಂಜಲೀಸ್‌ : ಅಮೆರಿಕದಲ್ಲಿರುವ ಶ್ರೀಲಂಕಾದವರು ಲಾಸ್ ಏಂಜಲೀಸ್‌ನಲ್ಲಿ ಗೋಟಬಯ ರಾಜಪಕ್ಸ ಅವರ ಪುತ್ರನ ವಿರುದ್ಧ ಪ್ರತಿಭಟನೆ ನಡೆಸಿದ್ದಾರೆ.

ಅಧ್ಯಕ್ಷರಾಗಿದ್ದ ಗೋಟಬಯ ರಾಜಪಕ್ಸ ಪುತ್ರ ಮನೋಜ್ ರಾಜಪಕ್ಸೆ ಅವರ ನಿವಾಸದ ಹೊರಗೆ ಲಂಕನ್ನರ ಪ್ರತಿಭಟನಾಕಾರರ ಸಣ್ಣ ಗುಂಪು ಜಮಾಯಿಸಿ, ಸಿಂಗಾಪುರಕ್ಕೆ ಓಡಿಹೋದ ಅವರ ತಂದೆಯನ್ನು ಮನೆಗೆ ಹಿಂದಿರುಗುವಂತೆ ಹೇಳಲು ಘೋಷಣೆಗಳನ್ನು ಕೂಗಿದರು.

ಜುಲೈ 13 ರಂದು ರಾಜಪಕ್ಸ ರಾಜೀನಾಮೆ ನೀಡುವ ಮುನ್ನ ಪ್ರತಿಭಟನೆ ನಡೆದಿದೆ ಎಂದು ದಿ ಸಂಡೇ ಮಾರ್ನಿಂಗ್ ವರದಿ ಮಾಡಿದೆ. ಅಧ್ಯಕ್ಷ ಗೋಟಬಯ ಸ್ಥಾನದಿಂದ ಕೆಳಗಿಳಿಯಬೇಕು ಮತ್ತು ಅವರು ಹೊಂದಿರುವ ಶ್ರೀಲಂಕಾದ ಹಣವನ್ನು ಹಿಂದಿರುಗಿಸಬೇಕು ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ.

ಸಜಿತ್ ಪ್ರೇಮದಾಸ ಕಳವಳ

ಶ್ರೀಲಂಕಾದ ಪ್ರಮುಖ ವಿರೋಧ ಪಕ್ಷದ ನಾಯಕ ಮತ್ತು ಅಧ್ಯಕ್ಷ ಹುದ್ದೆಯ ರೇಸ್‌ನಲ್ಲಿ ಮುಂಚೂಣಿಯಲ್ಲಿರುವ ಸಜಿತ್ ಪ್ರೇಮದಾಸ ಅವರು ಭಾನುವಾರ ಅಧ್ಯಕ್ಷೀಯ ಚುನಾವಣೆಯ ಬಗ್ಗೆ ತಮ್ಮ ಕಳವಳವನ್ನು ವ್ಯಕ್ತಪಡಿಸಿದ್ದಾರೆ ಮತ್ತು ಪ್ರಸ್ತುತ ಸಂಸತ್ ಗೋಟಬಯ ರಾಜಪಕ್ಸ ಅವರ ಬಹುಮತದ ಅಭಿಪ್ರಾಯವನ್ನು ಪ್ರತಿನಿಧಿಸುವುದಿಲ್ಲ ಎಂದು ಹೇಳಿದ್ದಾರೆ.

ನಮ್ಮ 225 ಸಂಸದರು ಅಧ್ಯಕ್ಷರನ್ನು ಆಯ್ಕೆ ಮಾಡಿದ್ದೇವೆ. ನಾನು ನನ್ನ ಹೆಸರನ್ನು ನೀಡಿದ್ದೇನೆ, ಏನಾಗುತ್ತದೆ ಎಂದು ನೋಡುತ್ತೇನೆ. ನಾವು ಎಲ್ಲಾ ಸದಸ್ಯರೊಂದಿಗೆ ಮಾತನಾಡುತ್ತಿದ್ದೇವೆ ಎಂದು ಸಜಿತ್ ಪ್ರೇಮದಾಸ ಹೇಳಿದ್ದಾರೆ.

Right now we’ve 225 Parliamentarians choosing the President. Parliament composes of Gotabaya Rajapaksa’s Legislative majority & President will be chosen from this composition. I’ve given my name, will see what happens. We’re talking to all members: Sri Lankan LoP Sajith Premadasa pic.twitter.com/b2dhEhjcCS

— ANI (@ANI) July 17, 2022

ನಮ್ಮ ಜನರ ಮೂಲಭೂತ ಅಗತ್ಯಗಳನ್ನು ಪೂರೈಸುವ ವಿಷಯದಲ್ಲಿ ಭಾರತ ಸರ್ಕಾರ ನಮಗೆ ನೀಡಿದ ಅಪಾರ ಬೆಂಬಲಕ್ಕಾಗಿ, ದಯೆಯ ಪ್ರಯತ್ನಗಳನ್ನು ನಾವು ಪ್ರಶಂಸಿಸುತ್ತೇವೆ. ಈ ನಿಟ್ಟಿನಲ್ಲಿ ನಾವು ಭಾರತದ ಸಹಾಯ ಮತ್ತು ಬೆಂಬಲವನ್ನು ಪಡೆಯುವುದನ್ನು ಮುಂದುವರಿಸುತ್ತೇವೆ ಎಂದು ಸಜಿತ್ ಪ್ರೇಮದಾಸ ಹೇಳಿದ್ದಾರೆ.