ಇಂದಿನ ಗ್ರಹಬಲ: ನಿಮ್ಮ ಅಭಿವೃದ್ಧಿಗೆ ಹಿತಶತ್ರುಗಳು ಅಸೂಯೆ ಪಟ್ಟಾರು!

Team Udayavani, Mar 20, 2021, 7:42 AM IST

20-03-2021

ಮೇಷ: ಹಂತಹಂತವಾಗಿ ಗೊಂದಲಗಳು ತಿಳಿಯಾಗಲಿವೆ. ಕೆಲವೊಮ್ಮೆ ಅದೃಷ್ಟದ ಆಸರೆಯು ಗೋಚರಕ್ಕೆ ಬರುತ್ತವೆ. ಬಂದ ಸಮಸ್ಯೆಗಳನ್ನು ಗುರುತಿಸಿಕೊಂಡು ಬುದ್ಧಿವಂತಿಕೆಯಿಂದ ಪರಿಹರಿಸಿಕೊಳ್ಳುವುದು.

ವೃಷಭ: ಸಾಂಸಾರಿಕವಾಗಿ ಹೊಂದಾಣಿಕೆಯು ಗಟ್ಟಿಯಾಗಿರಲಿ. ಹಿರಿಯರ ಹಾಗೂ ಮಕ್ಕಳ ಆರೋಗ್ಯದ ಬಗ್ಗೆ ಜಾಗ್ರತೆ ಮಾಡುವುದು. ಆರ್ಥಿಕ ಪರಿಸ್ಥಿತಿಯು ನಿಮ್ಮ ಲೆಕ್ಕಾಚಾರವನ್ನು ಹೊಂದಿಕೊಂಡು ಇರುವುದು.

ಮಿಥುನ: ದೂರ ಸಂಚಾರ ಹಾಗೂ ಚಾಲನೆಯಲ್ಲಿ ನಿಮ್ಮ ಗಮನವು ಸರಿಯಾಗಿರಲಿ. ವಿಲಾಸೀ ಸಾಮಾಗ್ರಿಗಳ ಖರೀದಿ, ಚಿನ್ನ, ಬೆಳ್ಳಿ ಸಾಮಗ್ರಿಗಳ ಖರೀದಿಗೆ ಖರ್ಚು ಬರಲಿದೆ. ಆದರೆ ಸಂತೋಷ ಸಮಾಧಾನವಿರುತ್ತದೆ.

ಕರ್ಕ: ಶಾಸ್ತ್ರ ಪ್ರವೃತ್ತಿ ಹಾಗೂ ಶೈಕ್ಷಣಿಕ ವರ್ಗದವರಿಗೆ ಹೆಚ್ಚಿನ ಧನ ಸಂಗ್ರಹವಾಗಲಿದೆ. ಮನೆಯಲ್ಲಿ ಗೃಹಿಣಿಗೆ ಬಿಡುವೇ ದೊರಕದು. ಮಕ್ಕಳ ಅಭಿವೃದ್ಧಿಯಿಂದ ಸಂತಸವಾಗಲಿದೆ. ಸಹನೆ, ತಾಳ್ಮೆಯ ಅಗತ್ಯವಿದೆ.

ಸಿಂಹ: ಸರಕಾರೀ ಕೆಲಸ ಕಾರ್ಯಗಳಲ್ಲಿ ಮತ್ತು ಕಡತ ವಿಲೇವಾರಿಯಲ್ಲಿ ಒತ್ತಡ ಕಂಡುಬಂದೀತು. ದೂರಸಂಚಾರ ಸಂತಸ ಹಾಗೂ ಕೆಲಸದಲ್ಲಿ ಜಯ ತರಲಿದೆ. ಮನಸ್ಸು ನಿಗ್ರಹಿಸುವ ಅಗತ್ಯವಿದೆ. ಯೋಗ ಮಾಡಿರಿ.

ಕನ್ಯಾ: ನಿಮ್ಮ ಅಭಿವೃದ್ಧಿಗೆ ಹಿತಶತ್ರುಗಳು ಅಸೂಯೆ ಪಟ್ಟಾರು. ರಾಜಕೀಯ ವೃತ್ತಿಯವರಿಗೆ ಸಮಾಧಾನ ಸಿಗಲಿದೆ. ವಿದ್ಯಾರ್ಥಿಗಳಿಗೆ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಪರದೇಶದ ಪ್ರಯಾಣ ಕೂಡಿಬಂದೀತು. ಪ್ರಯತ್ನಕ್ಕೆ ತಕ್ಕ ಪ್ರತಿಫ‌ಲವಿದೆ.

ತುಲಾ: ಕೌಟುಂಬಿಕ ಸಮಸ್ಯೆಗಳನ್ನು ಬದಿಗೊತ್ತಿ ನೆಮ್ಮದಿ ಯನ್ನು ಕಾಪಾಡಿಕೊಳ್ಳಿರಿ. ಪತ್ನಿಯ ಸಮಾಧಾನಕ್ಕಾಗಿ ಖರ್ಚು ಮಾಡಬೇಕಾಗಿ ಬರಬಹುದು. ವ್ಯಾಪಾರಸ್ಥರಿಗೆ ಆರ್ಥಿಕವಾಗಿ ಪ್ರಗತಿ ತೋರಿ ಬರಲಿದೆ. ಶುಭವಿರುತ್ತದೆ.

ವೃಶ್ಚಿಕ: ಪ್ರವಾಸದಿಂದ ಸಂತಸವಾಗಲಿದೆ. ಪ್ರಯತ್ನ ಬಲದಲ್ಲಿ, ವಿಶೇಷ ರೂಪದಲ್ಲಿ ಯಶಸ್ಸು ನಿಶ್ಚಿತವಾಗಲಿದೆ. ಆಗಾಗ ಸಣ್ಣಪುಟ್ಟ ಸಮಸ್ಯೆಗಳು ಎದುರಾದರೂ ಸಂತೃಪ್ತಿ ಜೀವನ ನಿಮ್ಮದು. ಭೂವ್ಯವಹಾರದಲ್ಲಿ ಲಾಭವಿದೆ.

ಧನು: ವಿದ್ಯಾಭ್ಯಾಸದಲ್ಲಿ ಅಭಿವೃದ್ಧಿ ತೋರಿಬಂದು ಹೆಸರು ಗಳಿಸಬಹುದು. ಶೇರು ವ್ಯವಹಾರದಲ್ಲಿ ಹಣ ತೊಡಗಿಸದಿರಿ. ಮಂಗಲ ಕಾರ್ಯದ ಸಂಭ್ರಮವು ತೋರಿ ಬರಲಿದೆ. ಸಾಮಾಜಿಕವಾಗಿ ಮನ್ನಣೆ, ಪುರಸ್ಕಾರ ಲಭಿಸಲಿದೆ.

ಮಕರ: ವಿದ್ಯಾರ್ಥಿಗಳ ಕುಶಲತೆಗೆ ಉತ್ತಮ ಫ‌ಲಿತಾಂಶ ಹಾಗೂ ಅವಕಾಶಗಳು ಒದಗಿಬರಲಿದೆ. ಸಾಂಸಾರಿಕವಾಗಿ ಹಿರಿಯರ ಮಾರ್ಗದರ್ಶನ, ಸೂಕ್ತಸಲಹೆಗಳು ಉಪಯುಕ್ತವೆನಿಸಲಿದೆ. ಬೇಸಾಯಗಾರರಿಗೆ ಲಾಭಾಂಶ ಕಡಿಮೆ.

ಕುಂಭ: ಮಾನಸಿಕವಾಗಿ ನೆಮ್ಮದಿ ಕಡಿಮೆಯಾಗಲಿದೆ. ವೃತ್ತಿರಂಗದಲ್ಲಿ ನಿಮ್ಮ ದಬ್ಟಾಳಿಕೆಯನ್ನು ಕಡಿಮೆ ಮಾಡಿರಿ. ಪ್ರತಿಯೊಬ್ಬರೊಡನೆ ಪ್ರೀತಿ, ಸ್ನೇಹ ಸೌಹಾರ್ದದಿಂದ ಬೆರೆಯಿರಿ. ಸೂಕ್ತ ಮಾರ್ಗದರ್ಶನ ಪಡೆದು ಮುನ್ನಡೆಯಿರಿ.

ಮೀನ: ಅವಿವಾಹಿತರಿಗೆ ವೈವಾಹಿಕ ಭಾಗ್ಯಕ್ಕೆ ಹೊಸ ಸಂಬಂಧಗಳು ಒದಗಿ ಬರಲಿವೆ. ನಿರುದ್ಯೋಗಿಗಳ ಅಲೆದಾಟವು ಮುಕ್ತಾಯವಾಗಲಿದೆ. ಧನಾಗಮನವು ಉತ್ತಮವಿದ್ದರೂ ಸ್ವಪ್ರತಿಷ್ಠೆಗಾಗಿ ಧನವ್ಯಯವು ಕಂಡುಬಂದೀತು.

ಎನ್‌.ಎಸ್‌. ಭಟ್‌