ಶೋಭರಾಜ್ ಊದುವ ಪೆಪ್ಪೆರೆರೆ ಪೆರೆರೆರೆ..!
Team Udayavani, Sep 20, 2018, 2:10 PM IST
‘ಏಸ’ರ್ದ್ ಬೊಕ್ಕ ಕುಡೊಂಜಿ ಪೊಸ ನಮುನೆದ ಏಸ ಎಂಬ ಟಿಪ್ಪಣಿಯೊಂದಿಗೆ ಫೇಸ್ಬುಕ್ನಲ್ಲಿ ಕೋಸ್ಟಲ್ವುಡ್ನ ಭರವಸೆಯ ನಟ ಶೋಭರಾಜ್ ಪಾವೂರು ಸುದ್ದಿಯಲ್ಲಿದ್ದಾರೆ. ಅಂದಹಾಗೆ, ತುಳು ರಂಗ ಭೂಮಿ ಹಾಗೂ ಸಿನೆಮಾ ರಂಗದಲ್ಲಿ ಸಾಕಷ್ಟು ಹೆಸರು ಮಾಡಿದ ಶೋಭರಾಜ್ ಸದ್ಯ ಕನ್ನಡ ಧಾರವಾಹಿ ಹಾಗೂ ಕನ್ನಡ ಸಿನೆಮಾದಲ್ಲಿ ಕೂಡ ಕಾಣಿಸುತ್ತಿದ್ದಾರೆ. ದೇವದಾಸ್ ಕಾಪಿಕಾಡ್ ಗರಡಿಯಲ್ಲಿ ಪಳಗಿದ ಶೋಭರಾಜ್ ಅವರ ನೇತೃತ್ವದಲ್ಲಿ ಇತ್ತೀಚೆಗೆ ಬಂದಿದ್ದ ‘ಏಸ’ ಸಿನೆಮಾ ಕೋಸ್ಟಲ್ವುಡ್ನಲ್ಲಿ ಹೊಸ ಸಾಹಸಗಾಥೆಯನ್ನು ಬರೆಯುವಲ್ಲಿ ಯಶಸ್ವಿಯಾಗಿತ್ತು.
ಆ ಬಳಿಕ ಕನ್ನಡದತ್ತ ಮುಖ ಮಾಡಿದ್ದ ಶೋಭರಾಜ್ ಮತ್ತೆ ಕೋಸ್ಟಲ್ ವುಡ್ಗೆ ಯಾವಾಗ ಬರಲಿದ್ದಾರೆ ಎಂಬ ಕುತೂಹಲವಿತ್ತು. ಆದರೆ ಈಗ ಮತ್ತೊಂದು ಏಸ ಸಿದ್ಧಗೊಳಿಸಲು ಶೋಭರಾಜ್ ರೆಡಿಯಾಗಿರುವುದು ಪಕ್ಕಾ. ಅಂದಹಾಗೆ ಈ ಸಿನೆಮಾಕ್ಕೆ ಟೈಟಲ್ ‘ಪೆಪ್ಪೆರೆರೆ ಪೆರೆರೆರೆ’ ಎಂದು ಫಿಕ್ಸ್ ಮಾಡಿದ್ದಾರೆ ಎಂಬುದು ಸದ್ಯದ ಮಾಹಿತಿ. ‘ನಲಿಪುನಕುಲೆ ಉರಿಪೆರೆ’ ಎಂಬ ಸಬ್ಟೈಟಲ್ ಕೂಡ ಇದೆ. ಇದರಲ್ಲಿ ಯಾರೆಲ್ಲ ಇದ್ದಾರೆ? ಕಥೆ ಏನು? ಯಾವಾಗ ಶೂಟಿಂಗ್? ಎಂಬ ಯಾವ ಮಾಹಿತಿ ಸದ್ಯಕ್ಕಿಲ್ಲ.