Udayavni Special

ನಿಫಾ ವೈರಸ್‌ ಹಾವಳಿ ಮುನ್ನೆಚ್ಚರಿಕೆಯೇ ಮದ್ದು


Team Udayavani, Jun 7, 2019, 6:00 AM IST

Nipha-Virous

ನಿಫಾ ವೈರಸ್‌ ಮರಳಿ ಕೇರಳಕ್ಕೆ ದಾಳಿಯಿಟ್ಟಿದೆ. ಈಗಾಗಲೇ ಇಬ್ಬರಲ್ಲಿ ಈ ವೈರಾಣು ಇರುವುದು ದೃಢಪಟ್ಟಿದ್ದು, ಸುಮಾರು 350 ಮಂದಿಯನ್ನು ವಿಶೇಷ ನಿಗಾದಲ್ಲಿ ಇರಿಸಲಾಗಿದೆ. ಜೊತೆಗೆ ಕರ್ನಾಟಕದಲ್ಲೂ ನಿಫಾ ವೈರಸ್‌ ಭೀತಿ ಕಾಣಿಸಿಕೊಂಡಿದೆ. ರಾಜ್ಯದ ಎಂಟು ಜಿಲ್ಲೆಗಳಲ್ಲಿ ನಿಫಾ ಕಟ್ಟೆಚ್ಚರ ಘೋಷಿಸಲಾಗಿದೆ. ಕೇರಳದಲ್ಲಿ ನಿಫಾ ವೈರಸ್‌ ಮೊದಲು ಕಾಣಿಸಿಕೊಂಡದ್ದು ಕಳೆದ ವರ್ಷ. 17 ಜನರನ್ನು ಬಲಿತೆಗೆದುಕೊಂಡ ಬಳಿಕ ಈ ರೋಗವನ್ನು ನಿಯಂತ್ರಣಕ್ಕೆ ತರಲು ಸಾಧ್ಯವಾಗಿತ್ತು. ಆದರೆ ಇದೀಗ ಮಳೆ ಶುರುವಾಗುವ ಕಾಲಕ್ಕೆ ಸರಿಯಾಗಿ ಮತ್ತೂಮ್ಮೆ ವೈರಾಣು ಕಾಣಿಸಿಕೊಂಡಿರುವುದು ಆತಂಕಕ್ಕೆ ಕಾರಣವಾಗಿದೆ. ಮಲೇರಿಯಾ, ಡೆಂ , ಚಿಕುನ್‌ಗುನ್ಯಾ ಮುಂತಾದ ವೈರಾಣುಗಳು ತಂಪು ವಾತಾವರಣದಲ್ಲಿ ಹೆಚ್ಚು ಸಕ್ರಿಯವಾಗಿರುತ್ತವೆ. ಮಳೆಗಾಲದಲ್ಲಿ ಈ ವೈರಾಣುಗಳ ಉಪಟಳ ಸಾಮಾನ್ಯ. ಇದರ ಜತೆಗೆ ನಿಫಾ ಕೂಡಾ ಸೇರಿಕೊಂಡರೆ ಪರಿಸ್ಥಿತಿ ಕೈಮೀರಿ ಹೋಗಬಹುದು. ಈ ಕಾರಣಕ್ಕೆ ಈ ಸಲ ಕೇರಳ ಸರಕಾರ ನಿಫಾ ಹಾವಳಿಯನ್ನು ಬಹಳ ಗಂಭೀರವಾಗಿ ಪರಿಗಣಿಸಿದೆ. ಕೇಂದ್ರವೂ ತಕ್ಷಣ ತಜ್ಞರ ತಂಡವೊಂದನ್ನು ಕೇರಳಕ್ಕೆ ರವಾನಿಸಿ ಸಕಾಲಿಕವಾದ ನೆರವು ಒದಗಿಸಿದೆ.

ನಿಫಾ ಹಣ್ಣು ತಿನ್ನುವ ಬಾವಲಿಗಳಿಂದ ಹರಡುವ ಒಂದು ಅಪಾಯಕಾರಿ ವೈರಸ್‌. ಹಂದಿ, ಕೋಳಿಯಂಥ ಸಾಕುಪ್ರಾಣಿಗಳಿಂದಲೂ ಹರಡುವ ಸಾಧ್ಯತೆಯಿದ್ದರೂ ಇದರ ಮುಖ್ಯ ವಾಹಕ ಬಾವಲಿಗಳು. ಹೀಗಾಗಿ ಇದನ್ನು ಬಾವಲಿ ಜ್ವರ ಅಂತಲೂ ಕರೆಯುತ್ತಾರೆ. 1998ರಲ್ಲಿ ಮಲೇಶ್ಯಾ ಮತ್ತು 1999ರಲ್ಲಿ ಸಿಂಗಾಪುರದಲ್ಲಿ ಮೊದಲು ಈ ವೈರಸ್‌ ಕಾಣಿಸಿತ್ತು. 2007ರಲ್ಲಿ ಪಶ್ಚಿಮ ಬಂಗಾಳದ ನಾಡಿಯಾ ಜಿಲ್ಲೆಯಲ್ಲಿ ನಿಫಾ ಕಾಣಿಸಿಕೊಂಡಾಗ ಭಾರತೀಯರು ಇದರ ಹೆಸರನ್ನು ಮೊದಲು ಕೇಳಿದ್ದು. ಅನಂತರ ಕಳೆದ ವರ್ಷ ಕೇರಳದಲ್ಲಿ ಬಹಳಷ್ಟು ಹಾಹಾಕಾರ ಎಬ್ಬಿಸಿದೆ. ಇದೀಗ ಇಲ್ಲಿ ವೈರಸ್‌ ಮರುಕಳಿಸಿರುವುದು ಮಾತ್ರ ಚಿಂತೆಗೆ ಕಾರಣವಾಗಿದೆ.

ನಿಫಾ, ಹಂದಿಜ್ವರ ಸೇರಿದಂತೆ ವಿವಿಧ ರೀತಿಯ ವೈರಾಣುಗಳ ಹಾವಳಿ ಇತ್ತೀಚೆಗಿನ ವರ್ಷಗಳಲ್ಲಿ ಹೆಚ್ಚುತ್ತಿದ್ದರೂ ಇದನ್ನು ಎದುರಿಸಲು ಸಾಕಷ್ಟು ಮೂಲ ಸೌಕರ್ಯಗಳ ನಿರ್ಮಾಣವಾಗುತ್ತಿಲ್ಲ. ದೇಶದಲ್ಲಿ ವೈರಾಣು ಪರೀಕ್ಷೆ ಕೇಂದ್ರವಿರುವುದು ಪುಣೆ ಮತ್ತು ಹೈದರಾಬಾದ್‌ನಲ್ಲಿ ಮಾತ್ರ. ವ್ಯಾಪಕವಾಗಿ ವೈರಾಣು ರೋಗ ಹರಡಿದಾಗ ಈ ಎರಡು ಪ್ರಯೋಗಾಲಯಗಳು ಕೆಲಸದ ಒತ್ತಡದಿಂದ ಬಳಲುತ್ತವೆ. ಸಕಾಲಿಕವಾಗಿ ವರದಿ ಕೈಸೇರದೆ ಸಾಧ್ಯವಾಗದೆ ವೈದ್ಯರು ಒದ್ದಾಡಬೇಕಾಗುತ್ತದೆ. ಇನ್ನಷ್ಟು ಪ್ರಯೋಗಾಲಯಗಳನ್ನು ನಿರ್ಮಿಸುವುದಾಗಿ ಸರಕಾರ ಹೇಳಿದ್ದರೂ ಅದಿನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ.

ಕಳೆದ ವರ್ಷ ಕೇರಳದಲ್ಲಿ ನಿಫಾ ವೈರಸ್‌ ನಿಯಂತ್ರಣಕ್ಕೆ ಬಂದ ಬಳಿಕ ರಾಜ್ಯ ಮತ್ತು ಕೇಂದ್ರ ಸರಕಾರ ಇದೊಂದು ಸ್ಥಳೀಯ ಸಮಸ್ಯೆ ಎಂದು ಪರಿಗಣಿಸಿ ಅದರ ಮೇಲೆ ನಿಗಾ ಇಡುವುದನ್ನು ಬಿಟ್ಟಿದ್ದವು. ದೇಶದಲ್ಲಿ ಬಾವಲಿಗಳು ಎಲ್ಲೆಂದರಲ್ಲಿ ಇವೆ. 58 ಜಾತಿಯ ಬಾವಲಿಗಳು ನಮ್ಮ ದೇಶದಲ್ಲಿಯೇ ಇವೆ. ಈ ಬಾವಲಿಗಳು ಯಾವ ಕಾಲದಲ್ಲೂ ನಿಫಾ ವೈರಸ್‌ ಹರಡಬಲ್ಲವು. ದೇಶದ ಯಾವುದೇ ಕಡೆ ನಿಫಾ ವೈರಸ್‌ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ ಎಂದು ತಜ್ಞರು ಎಚ್ಚರಿಸಿದ್ದು, ನಮ್ಮನ್ನಾಳುವವರು ಈ ಎಚ್ಚರಿಕೆಯನ್ನು ಗಂಭೀರವಾಗಿ ಪರಿಗಣಿಸಬೇಕು.

ಕಳೆದ ವರ್ಷ ನಿಫಾ ವೈರಸ್‌ ಕಾಣಿಸಿಕೊಂಡ ಬಳಿಕ ಸಾವಿರಾರು ಬಾವಲಿಗಳನ್ನು ಸಾಮೂಹಿಕವಾಗಿ ಸಾಯಿಸಲಾಗಿತ್ತು. ತಮ್ಮದಲ್ಲದ ತಪ್ಪಿಗಾಗಿ ಬಾವಲಿಗಳು ಪ್ರಾಣ ತೆರಬೇಕಾಗಿ ಬಂತು. ಹಾಗೇ ನೋಡಿದರೆ ನಿಫಾ ವೈರಸ್‌ ಹರಡಲು ಮೂಲ ಕಾರಣ ಮನುಷ್ಯರು. ಬಾವಲಿಗಳ ವಾಸಸ್ಥಾನಗಳನ್ನು ಅವ್ಯಾಹತವಾಗಿ ನಾಶ ಮಾಡಿದ ಕಾರಣ ಅವುಗಳೀಗ ಮನುಷ್ಯರು ವಾಸವಾಗಿರುವ ಪ್ರದೇಶಗಳಿಗೆ ಅನಿವಾರ್ಯವಾಗಿ ಬರುವಂತಾಗಿದೆ. ಸ್ಥಿತ್ಯಂತರದಿಂದಾಗಿ ಬಾವಲಿಗಳ ಮೂಲ ಸ್ವಭಾವದಲ್ಲೂ ಬದಲಾವಣೆಗಳಾಗಿವೆ. ಹಸಿವು ಮತ್ತು ಒತ್ತಡದಿಂದ ಬಳಲುತ್ತಿರುವ ಅವುಗಳೀಗ ವೈರಸ್‌ಗಳನ್ನು ಸಾಗಿಸುವ ಜೀವಂತ ವಾಹಕಗಳಾಗಿ ಬದಲಾಗಿವೆ. ಅವುಗಳ ರೋಗ ನಿರೋಧಕ ಶಕ್ತಿ ಕಡಿಮೆಯಾಗಿದೆ. ಮೂತ್ರ ಮತ್ತು ಜೊಲ್ಲಿನಲ್ಲಿ ವೈರಾಣುಗಳು ಸುಲಭವಾಗಿ ಮನುಷ್ಯರಿಗೆ ವರ್ಗಾವಣೆಯಾಗುತ್ತವೆ. ಇದು ಬಾವಲಿ ಎಂದಲ್ಲ ಎಲ್ಲ ಪ್ರಾಣಿ ಪಕ್ಷಿಗಳ ಕತೆಯೂ ಹೌದು. ಮಾನವ ಚಟುವಟಿಕೆ ಮಿತಿಮೀರಿದ ಪರಿಣಾಮವಾಗಿ ಪ್ರಾಣಿ ಪಕ್ಷಿಗಳು ನೆಲೆ ಕಳೆದುಕೊಳ್ಳುತ್ತಿವೆ. ತಮ್ಮ ತಾಣಗಳಲ್ಲಿ ನೆಮ್ಮದಿಯಿಂದಿದ್ದ ಅವುಗಳೀಗ ಮನುಷ್ಯರಿರುವ ಪ್ರದೇಶಗಳಿಗೆ ನುಗ್ಗುವ ಅನಿವಾರ್ಯತೆ ಸೃಷ್ಟಿಯಾಗಿದೆ. ಪ್ರಕೃತಿಯ ಸಮತೋಲನ ತಪ್ಪಿದರೆ ಯಾವ್ಯಾವ ರೀತಿಯಲ್ಲಿ ಅನಾಹುತಗಳು ಎದುರಾಗಬಹುದು ಎನ್ನುವುದಕ್ಕೆ ನಿಫಾ ಕೂಡಾ ಒಂದು ಉದಾಹರಣೆಯಾಗಬಲ್ಲದು.

ನಿಫಾಕ್ಕೆ ಇನ್ನೂ ಔಷಧಿ ಕಂಡುಕೊಳ್ಳಲಾಗಿಲ್ಲ. ಆ್ಯಂಟಿ ಬಯೋಟಿಕ್‌ಗಳ ಮೂಲಕವೇ ಇದನ್ನು ನಿಯಂತ್ರಣಕ್ಕೆ ತರುತ್ತಾರೆ. ನಿಫಾ ಸೇರಿದಂತೆ ಯಾವುದೇ ವೈರಸ್‌ ಎಚ್ಚರಿಸಲು ಮುನ್ನೆಚ್ಚರಿಕೆ ವಹಿಸುವುದೊಂದೇ ಮಾರ್ಗ. ಆಡಳಿತದ ಜನರು ಕೂಡಾ ರೋಗ ಹರಡುವುದನ್ನು ತಡೆಯಲು ಸಕ್ರಿಯವಾಗಿ ಸಹಭಾಗಿಗಳಾಗಬೇಕು.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಚಿಕ್ಕೋಡಿ ಅಥವಾ ಗೋಕಾಕ ಜಿಲ್ಲೆ ರಚನೆಗೆ ಸಕಾಲ: ರಮೇಶ್ ಜಾರಕಿಹೊಳಿ

ಬೆಳಗಾವಿ ಜಿಲ್ಲೆ ವಿಭಜನೆ ಅತ್ಯಂತ ಅವಶ್ಯಕ: ಸಚಿವ ರಮೇಶ್ ಜಾರಕಿಹೊಳಿ

ಮೇಘಾಲಯದಲ್ಲಿ ಭರ್ಜರಿ ಬೇಟೆ:1,525ಕೆಜಿ ಸ್ಫೋಟಕ, 6000 ಡಿಟೋನೇಟರ್ಸ್ಸ್ ಪತ್ತೆ, 6 ಮಂದಿ ಸೆರೆ

ಮೇಘಾಲಯದಲ್ಲಿ ಭರ್ಜರಿ ಬೇಟೆ:1,525ಕೆಜಿ ಸ್ಫೋಟಕ, 6000 ಡಿಟೋನೇಟರ್ಸ್ಸ್ ಪತ್ತೆ, 6 ಮಂದಿ ಸೆರೆ

ಬಿಬಿಎಂಪಿ ಚುನಾವಣೆಗೆ ಹೈಕೋರ್ಟ್ ಅನುಮತಿ: 198 ವಾರ್ಡ್ ಗಳಿಗೆ ನಡೆಯಲಿದೆ ಚುನಾವಣೆ

ಬಿಬಿಎಂಪಿ ಚುನಾವಣೆ ನಡೆಸಲು ಹೈಕೋರ್ಟ್ ಸೂಚನೆ: 198 ವಾರ್ಡ್ ಗಳಿಗೆ ನಡೆಯಲಿದೆ ಚುನಾವಣೆ

ವಿಧಾನಪರಿಷತ್ ಚುನಾವಣೆ: ಬಿಜೆಪಿಗೆ ಭಾರೀ ಹಿನ್ನಡೆ, 5 ಕ್ಷೇತ್ರದಲ್ಲಿ ಗೆದ್ದ ಮಹಾಮೈತ್ರಿಕೂಟ

ವಿಧಾನಪರಿಷತ್ ಚುನಾವಣೆ: ಬಿಜೆಪಿಗೆ ಭಾರೀ ಹಿನ್ನಡೆ, 5 ಕ್ಷೇತ್ರದಲ್ಲಿ ಗೆದ್ದ ಮಹಾಮೈತ್ರಿಕೂಟ

ರಾಜ್ಯದಲ್ಲಿ ಕೂಡಲೇ ಗೋಹತ್ಯೆ ನಿಷೇಧವಾಗಬೇಕು: ಪೇಜಾವರ ಶ್ರೀ ಆಗ್ರಹ

ರಾಜ್ಯದಲ್ಲಿ ಕೂಡಲೇ ಗೋಹತ್ಯೆ ನಿಷೇಧವಾಗಬೇಕು: ಪೇಜಾವರ ಶ್ರೀ ಆಗ್ರಹ

vishwanth

ಸಿದ್ದರಾಮಯ್ಯ ಸಿಎಂ ಆಗಲು ನಮ್ಮ ಸಮುದಾಯದವರು ಕುರಿ ಮಾರಿದ್ದಾರೆ: ಎಚ್.ವಿಶ್ವನಾಥ್

ಜೋ ಬೈಡೆನ್ ಟೀಂಗೆ ಭಾರತೀಯ ಮೂಲದ ಡಾ.ವಿವೇಕ್ ಮೂರ್ತಿ, ಸರ್ಜನ್ ಜನರಲ್ ಹುದ್ದೆ

ಜೋ ಬೈಡೆನ್ ಟೀಂಗೆ ಭಾರತೀಯ ಮೂಲದ ಡಾ.ವಿವೇಕ್ ಮೂರ್ತಿ, ಸರ್ಜನ್ ಜನರಲ್ ಹುದ್ದೆ






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

jagada-swasthya

ಮತ್ತೆ ಮರಳಲಿ ಜಗದ ಸ್ವಾಸ್ಥ್ಯ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ  ಸ್ಮತಿ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ ಸ್ಮತಿ

Suryana-neralu

ಸೂರ್ಯನ ನೆರಳು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಕತೆ: ಸಹಯಾತ್ರಿ

ಕತೆ: ಸಹಯಾತ್ರಿ

MUST WATCH

udayavani youtube

ರಾಜ್ಯದಲ್ಲಿ ಗೋಹತ್ಯೆ ನಿಷೇಧ ಕೂಡಲೇ ಆಗಬೇಕು: ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ

udayavani youtube

ಉಡುಪಿಯಲ್ಲಿ ಪ್ರಪ್ರಥಮ ಬಾರಿಗೆ ಪ್ರಾರಂಭವಾಗಿರುವ ದೇಶಿ ಉತ್ಪನ್ನಗಳ ಮಳಿಗೆ

udayavani youtube

ಉಗ್ರಪರ ಗೋಡೆ ಬರಹ ಪ್ರಕರಣದ ಆರೋಪಿಗಳ ಶೀಘ್ರ ಬಂಧನ: ಗೃಹ ಸಚಿವ ಬೊಮ್ಮಾಯಿ

udayavani youtube

Meal of Bakasur | ತುಳುನಾಡಿನ 14ಖಾದ್ಯಗಳನ್ನು ಉಣಬಡಿಸುವ ಬಕಾಸುರನ ಬಾಡೂಟ | FishCampus

udayavani youtube

ಸ್ವಂತ ಉದ್ಯಮ ಪ್ರಾರಂಭಿಸುವ ಮುನ್ನ ಇಲ್ಲೊಮ್ಮೆ ನೋಡಿ

ಹೊಸ ಸೇರ್ಪಡೆ

ರಸ್ತೆ ದಾಟುತ್ತಿದ್ದ ಬಾಲಕನಿಗೆ ಢಿಕ್ಕಿ ಹೊಡೆದ ಕಾರು: ಬಾಲಕನಿಗೆ ಗಂಭೀರ ಗಾಯ

ರಸ್ತೆ ದಾಟುತ್ತಿದ್ದ ಬಾಲಕನಿಗೆ ಢಿಕ್ಕಿ ಹೊಡೆದ ಕಾರು: ಬಾಲಕನಿಗೆ ಗಂಭೀರ ಗಾಯ

ಚಿಕ್ಕೋಡಿ ಅಥವಾ ಗೋಕಾಕ ಜಿಲ್ಲೆ ರಚನೆಗೆ ಸಕಾಲ: ರಮೇಶ್ ಜಾರಕಿಹೊಳಿ

ಬೆಳಗಾವಿ ಜಿಲ್ಲೆ ವಿಭಜನೆ ಅತ್ಯಂತ ಅವಶ್ಯಕ: ಸಚಿವ ರಮೇಶ್ ಜಾರಕಿಹೊಳಿ

ಮೇಘಾಲಯದಲ್ಲಿ ಭರ್ಜರಿ ಬೇಟೆ:1,525ಕೆಜಿ ಸ್ಫೋಟಕ, 6000 ಡಿಟೋನೇಟರ್ಸ್ಸ್ ಪತ್ತೆ, 6 ಮಂದಿ ಸೆರೆ

ಮೇಘಾಲಯದಲ್ಲಿ ಭರ್ಜರಿ ಬೇಟೆ:1,525ಕೆಜಿ ಸ್ಫೋಟಕ, 6000 ಡಿಟೋನೇಟರ್ಸ್ಸ್ ಪತ್ತೆ, 6 ಮಂದಿ ಸೆರೆ

ವಿಶಿಷ್ಟ ಪೊಲೀಸ್‌ ಸ್ಟೋರಿಯಲ್ಲಿ ವಸಿಷ್ಠ

ವಿಶಿಷ್ಟ ಪೊಲೀಸ್‌ ಸ್ಟೋರಿಯಲ್ಲಿ ವಸಿಷ್ಠ

CINEMA-TDY-1

ವರ್ಷಾಂತ್ಯದಲ್ಲಿ ಸಿನಿಮಾ ಕ್ಯೂ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.