ಆರೋಗ್ಯ ಸೇತು ಟೀಕಾಕಾರರಿಗೆ ‘ಓಪನ್ ಸೋರ್ಸ್’ ಸವಾಲು
ಪ್ರತಿಪಕ್ಷಗಳು, ಸಾರ್ವಜನಿಕರ ಒತ್ತಾಯಕ್ಕೆ ಮಣಿದ ಕೇಂದ್ರ ಸರಕಾರ
Team Udayavani, May 28, 2020, 5:21 PM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಹೊಸದಿಲ್ಲಿ: ಕೋವಿಡ್ ಸೋಂಕಿತರ ಇರುವಿಕೆಯನ್ನು ಗುರುತಿಸಬಲ್ಲ ‘ಆರೋಗ್ಯ ಸೇತು’ ಮೊಬೈಲ್ ಅಪ್ಲಿಕೇಶನ್ ಏಪ್ರಿಲ್ನಲ್ಲಿ ಬಿಡುಗಡೆಯಾದಾಗಿನಿಂದ ಅನೇಕ ತಂತ್ರಜ್ಞಾನ ಪರಿಣಿತರು, ಆ್ಯಪ್ ಡೆವಲಪರ್ಗಳು ಆ ಅಪ್ಲಿಕೇಶನ್ನಲ್ಲಿ ನೋಂದಾಯಿಸಲ್ಪಡುವವರ ಮಾಹಿತಿಯು ಸುರಕ್ಷಿತವಾಗಿಲ್ಲ ಎಂಬ ಆತಂಕ ವ್ಯಕ್ತಪಡಿಸಿದ್ದರು.
ಈ ಆತಂಕಗಳಿಗೆ ಇತಿಶ್ರೀ ಹಾಡಲು ನಿರ್ಧರಿಸಿರುವ ಕೇಂದ್ರ ಸರಕಾರ, ಆರೋಗ್ಯ ಸೇತು ಮೊಬೈಲ್ ಆ್ಯಪ್ನ ಓಪನ್ ಸೋರ್ಸ್ ಲಿಂಕ್ ಅನ್ನು ಬಿಡುಗಡೆ ಮಾಡಿದೆ. https://github.com/nic-delhi/AarogyaSetu_Android.git ಎಂಬ ಲಿಂಕ್ ಅನ್ನು ಬಳಸಿಕೊಂಡು ಆರೋಗ್ಯ ಸೇತುವಿನ ಬಗ್ಗೆ ಇರುವ ಅನುಮಾನಗಳನ್ನು ಬಗೆಹರಿಸಿಕೊಳ್ಳುವಂತೆ ಆ್ಯಪ್ ಪರಿಣಿತರಿಗೆ ಸವಾಲೆಸಿದಿದೆ.
ಈಗ ಬಿಡುಗಡೆ ಮಾಡಿರುವ ಓಫನ್ ಸೋರ್ಸ್ ಲಿಂಕ್ ಆ್ಯಂಡ್ರಾಯ್ಡ್ ಮಾದರಿಯ ಆರೋಗ್ಯ ಸೇತು ಆ್ಯಪ್ಗೆ ಸಂಬಂಧಪಟ್ಟಿದ್ದಾಗಿದೆ ಎಂದು ಸರಕಾರ ಹೇಳಿದೆ. ಸದ್ಯಕ್ಕೆ ಆರೋಗ್ಯ ಸೇತು ಬಳಸುತ್ತಿರುವವರಲ್ಲಿ ಶೇ. 98 ಜನರು ಆ್ಯಂಡ್ರಾಯ್ಡ್ ಮಾದರಿಯ ‘ಆರೋಗ್ಯ ಸೇತು’ವನ್ನೇ ಬಳಸುತ್ತಿರುವುದರಿಂದ ಆಂಡ್ರಾಯ್ಡ್ ಮಾದರಿಯ ಓಪನ್ ಸೋರ್ಸ್ ಲಿಂಕ್ ಅನ್ನೇ ಮೊದಲು ಬಿಡುಗಡೆ ಮಾಡಲಾಗಿದೆ.
ಇದನ್ನು ಬಳಸಿಕೊಂಡು ಯಾರಾದರೂ ಸೇತುವಿನ ಸತ್ಯಾಸತ್ಯತೆಯನ್ನು ಪರೀಕ್ಷಿಸಬಹುದು. ಮುಂದಿನ ವಾರ, ಐಒಎಸ್ ಮಾದರಿಯ ‘ಆರೋಗ್ಯ ಸೇತು’ ಆ್ಯಪ್ನ ಓಪನ್ ಸೋರ್ಸ್ ಲಿಂಕ್ ಅನ್ನು ಬಿಡುಗಡೆ ಮಾಡಲಾಗುತ್ತದೆ ಎಂದು ಸರಕಾರ ತಿಳಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
Reliance Jio Profit; ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
History TV18ನಲ್ಲಿ ವಿಶ್ವದ ಮೊದಲ ಬ್ರೈಲ್ ಸಾಹಿತ್ಯ ಸಾಧನ “ಬೆಂಗಳೂರಿನ ಆನಿ” ಪ್ರಸಾರ
HP ಯಿಂದ AI ಆಧಾರಿತ ಎರಡು ಹೊಸ ಲ್ಯಾಪ್ ಟಾಪ್ ಬಿಡುಗಡೆ
Digital: ಇನ್ನು ಯುಪಿಐ ಮೂಲಕ ನಗದು ಜಮೆಗೆ ಅವಕಾಶ