ಪಂಚಗ್ರಹಗಳ “ಸರಳ ರೇಖಾ’ ಚಿತ್ತಾರ; ಐದು ಗ್ರಹಗಳ ಸಮ್ಮೇಳನ: ಬಾಹ್ಯಾಕಾಶದಿಂದ ನೇರಪ್ರಸಾರ!
ಒಂದೇ ಸರಳ ರೇಖೆಯಲ್ಲಿ ಬರಲಿವೆ ಬುಧ, ಶುಕ್ರ, ಮಂಗಳ ಗುರು, ಶನಿ; ಜೂನ್ ತಿಂಗಳಿಡೀ ನಡೆಯಲಿದೆ ಈ ಅಪರೂಪದ ವಿದ್ಯಮಾನ
Team Udayavani, Jun 6, 2022, 10:15 AM IST
ನವದೆಹಲಿ: ಸುಮಾರು 18 ವರ್ಷಗಳ ನಂತರ, ಬುಧ, ಶುಕ್ರ, ಮಂಗಳ, ಗುರು ಮತ್ತು ಶನಿ ಗ್ರಹಗಳು ಅಂತರಿಕ್ಷದಲ್ಲಿ ತಮ್ಮ ಪರಿಭ್ರಮಣೆಯ ನಡುವೆ ಒಂದೇ ಸರಳ ರೇಖೆಯಲ್ಲಿ ಬಂದು ನಿಲ್ಲಲಿವೆ. ಇದು ಖಗೋಳಾಸಕ್ತರಿಗೆ ವೀಕ್ಷಣೆಯ ರಸದೌತಣ ನೀಡಲಿದೆ ಎಂದು “ಸ್ಕೈ ಆ್ಯಂಡ್ ಟೆಲಿಸ್ಕೋಪ್ಸ್ ಅಬ್ಸರ್ವಿಂಗ್’ ನಿಯತಕಾಲಿಕೆ ತಿಳಿಸಿದೆ.
ಅಂತರಿಕ್ಷದಲ್ಲಿ ಸೂರ್ಯನ ಸುತ್ತಲೂ ಪರಿಭ್ರಮಿಸುತ್ತಿರುವ ಎರಡು ಅಥವಾ ಮೂರು ಗ್ರಹಗಳು ಆಗಾಗ ಹೀಗೆ ಸರಳರೇಖೆಯಲ್ಲಿ ಬಂದು ನಿಲ್ಲುತ್ತವೆ. ಆದರೆ, ಐದು ಗ್ರಹಗಳು ಸಮಾನಾಂತರವಾಗಿ ಕಾಣಿಸಿಕೊಳ್ಳುವುದು ಅಪರೂಪ. ಬುಧ, ಶುಕ್ರ, ಮಂಗಳ, ಗುರು ಮತ್ತು ಶನಿ ಗ್ರಹಗಳ ಬಗ್ಗೆ ಹೇಳುವುದಾದರೆ, 2004ರಲ್ಲಿ ಈ ಐದು ಗ್ರಹಗಳು ಸರಳ ರೇಖೆಯಲ್ಲಿ ಕಾಣಿಸಿಕೊಂಡಿದ್ದವು. ಮತ್ತೊಂದೆ ಹೀಗೆ ಇವು ಸಮಾನಾಂತರವಾಗಿ ನಿಲ್ಲುವುದನ್ನು ನೋಡಬೇಕೆಂದರೆ 2040ರವರೆಗೂ ಕಾಯಬೇಕು.
ಯಾವಾಗ, ಎಲ್ಲಿ ಕಾಣಬಹುದು?
ಜೂನ್ ತಿಂಗಳು ಪೂರ್ತಿ ಈ ವಿದ್ಯಮಾನ ಗೋಚರಿಸುತ್ತದೆ. ಮೋಡ-ಮಳೆ, ಮತ್ಯಾವುದೇ ಪ್ರತಿಕೂಲ ಹವಾಮಾನವಿಲ್ಲದ ನಿಚ್ಚಳ ಆಕಾಶದಲ್ಲಿ ಬೆಳಗಿನ ಜಾವ ಇವು ಸ್ಪಷ್ಟವಾಗಿ ಕಾಣಿಸುತ್ತವೆ. ಸರಳರೇಖೆಯಲ್ಲಿರುವ ಗ್ರಹಗಳಲ್ಲಿ ಬುಧ ಗ್ರಹ ಕೆಲ ದಿನಗಳವರೆಗೆ ಬರಿಗಣ್ಣಿಗೆ ಕಾಣಿಸದಿರಬಹುದು, ಆದರೆ ಬೈನಾಕ್ಯುಲರ್ನಲ್ಲಿ ಇದು ಕಾಣಸಿಗುತ್ತದೆ. ದಿನಗಳೆದಂತೆ, ಬುಧ ಗ್ರಹ, ದೊಡ್ಡದಾಗಿ ಸ್ಪಷ್ಟವಾಗಿ ಕಾಣಿಸುತ್ತದೆ ಎಂದು ಹೇಳಲಾಗಿದೆ.
ಜೂ. 27ರಂದು ಹೊಸ ಅತಿಥಿ ಸೇರ್ಪಡೆ!
ಐದು ಗ್ರಹಗಳ ಸಮ್ಮೇಳನಕ್ಕೆ ಜೂ. 27ರಂದು ಹೊಸ ಅತಿಥಿಯೊಬ್ಬರು ಸೇರ್ಪಡೆಯಾಗಲಿದ್ದಾರೆ. ಅದು ನಮ್ಮ ಭೂಮಿಯ ಚಂದ್ರ! ಹೌದು. ಸಾಲಾಗಿ ನಿಂತಿರುವಂತೆ ಕಾಣುವ ಈ ಐದು ಗ್ರಹಗಳಲ್ಲಿ ಮಂಗಳ ಹಾಗೂ ಬುಧ ಗ್ರಹಗಳ ನಡುವೆ ನಮ್ಮ ಚಂದ್ರ ಕೂಡ ಅರ್ಧ ಚಂದ್ರಾಕೃತಿಯಲ್ಲಿ ಸೇರ್ಪಡೆಯಾಗಲಿದ್ದಾನೆ.
ಖಗೋಳಾಸಕ್ತಿಯುಳ್ಳವರಿಗೆ ಇದೊಂದು ಹಬ್ಬದ ಸಮಯ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!
Lok Sabha 2ನೇ ಹಂತ; ದಾಖಲೆ ಸಂಖ್ಯೆಯಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಕನ್ನಡದಲ್ಲಿ ಮನವಿ
JEE; ಮಹಾರಾಷ್ಟ್ರ ರೈತನ ಮಗ ಮೇನ್ ಟಾಪರ್
Kerala: ಗಲ್ಲು ಶಿಕ್ಷೆಗೆ ಗುರಿಯಾದ ಮಗಳನ್ನು11 ವರ್ಷಗಳ ಬಳಿಕ ಭೇಟಿಯಾದ ತಾಯಿ!
MUST WATCH
ಹೊಸ ಸೇರ್ಪಡೆ
Lok Sabha Polls: ಉಡುಪಿ: ಕುಟುಂಬ ಸಮೇತರಾಗಿ ಬಂದು ಮತದಾನ ಮಾಡಿದ ನಟ ರಕ್ಷಿತ್ ಶೆಟ್ಟಿ
Kadaba: ಬಿಳಿನೆಲೆ ಮತದಾನ ಕೇಂದ್ರದಲ್ಲಿ ಕಾಂಗ್ರೆಸ್-ಬಿಜೆಪಿ ಕಾರ್ಯಕರ್ತರ ಮಾತಿನ ಚಕಮಕಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…
Belthangady: ದಿಬ್ಬಣದಲ್ಲೇ ಮತಗಟ್ಟೆಗೆ ಬಂದು ಮತ ಚಲಾಯಿಸಿದ ವಧು
LS Polls: ಚಿಕ್ಕಮಗಳೂರು… ವಿದೇಶದಿಂದ ಬಂದು ಮತದಾನ ಮಾಡಿ ಮಾದರಿಯಾದ ದಂಪತಿ…