ಟಾಪ್‌ ಗೇರ್‌; ರಿನಾಲ್ಟ್ ಕಿಗರ್‌ ಅನಾವರಣ ಭಾರೀ ನಿರೀಕ್ಷೆ

Team Udayavani, Feb 2, 2021, 3:39 PM IST

ಹುಟ್ಟಿಸಿರುವ ರಿನಾಲ್ಟ್ ಕಿಗರ್‌ ಸಬ್‌ ಕಂಪ್ಯಾಕ್ಟ್ ಎಸ್ ಯುವಿಯನ್ನು ಅನಾವರಣ ಮಾಡಲಾಗಿದೆ. ಅದು, ಮಾರ್ಚ್‌ ನಲ್ಲಿ ಮಾರುಕಟ್ಟೆಗೆ ಪ್ರವೇಶಿಸಲಿದ್ದು, ಅದಕ್ಕೂ ಮುನ್ನವೇ ಕಾರಿನ ಪರಿಚಯ ಮಾಡಿಕೊಡಲಾಗಿದೆ. ಮಾರುತಿ ವಿಟಾರಾ ಬ್ರಿಝಾ, ಹುಂಡೈ ವೆನ್ಯು, ಮಹೀಂದ್ರಾ ಎಕ್ಸ್ಯುವಿ 300, ಟಾಟಾ ನಿಕ್ಸಾನ್‌, ಫೋರ್ಡ್‌ ಎಕೋಸ್ಫೋರ್ಟ್‌, ಟೋಯೋಟಾ ಅರ್ಬನ್‌ ಕ್ರೂಸರ್‌ಗೆ ಈ ಕಾರು ಸ್ಪರ್ಧೆ ನೀಡಲಿದೆ.

ಇದನ್ನೂ ಓದಿ:ಮಂಗಳೂರು: ಎಸಿಬಿ ದಾಳಿ‌ ಅಂತ್ಯ; ಕೋಟ್ಯಾಂತರ ರೂಪಾಯಿ ಆಸ್ತಿ ಪತ್ತೆ ?

ವಿಶೇಷವೆಂದರೆ, ಈಗಾಗಲೇ ಲಾಂಚ್‌ ಆಗಿರುವ ನಿಸಾನ್‌ ಕಂಪನಿಯ ಮ್ಯಾಗ್ನೆಟ್‌ನ ತಂತ್ರಜ್ಞಾನದಡಿಯಲ್ಲೇ ಇದನ್ನೂ ರೂಪಿಸಲಾಗಿದೆ. ಅಂದರೆ, ಸಿಎಂಎಫ್ -ಎ+ ವೇದಿಕೆಯಡಿ ಯಲ್ಲಿ ರಿನಾಲ್ಟ್ ಮತ್ತು ನಿಸಾನ್‌ ಕಂಪನಿಗಳು ಜಂಟಿಯಾಗಿ ಈ ಕಾರುಗಳನ್ನು ರೂಪಿಸಿವೆ.

ಈ ಕಾರು ನೋಡಲು ಸದ್ಯ ಇರುವ ರಿನಾಲ್ಟ್ ಕ್ವಿಡ್‌ನ‌ ಇನ್ನೊಂದು ರೂಪದಂತೆ ಕಾಣುತ್ತದೆ ಎಂಬುದು ತಜ್ಞರ ಮಾತು. ವಿನ್ಯಾಸದ ವಿಚಾರದಲ್ಲೂ ಅತ್ಯುತ್ಕೃಷ್ಟವಾಗಿ ಮೂಡಿಬಂದಿದ್ದು, ಸ್ಪ್ಲಿಟ್‌ ಎಲ್ ಇಡಿ ಲ್ಯಾಂಪ್ ಗಳು, ಎಲ್ಇ ಡಿ ಡಿಆರ್‌ಎಲ್‌ಗ‌ಳು ಕಾರಿನ ಮುಂಬದಿಗೆ ಮೆರಗು ತಂದಿವೆ. ಇದಕ್ಕೆ 16 ಇಂಚಿನ ಅಲಾಯ್‌ ವೀಲ್‌ ಇದೆ.

ಈ ಕಾರಿನ ಗ್ರೌಂಡ್‌ ಕ್ಲಿಯರೆನ್ಸ್ 205 ಮಿ.ಮೀ. ಇದೆ. 8 ಇಂಚಿನ ಫೋ›ಟಿಂಗ್‌ ಇನ್ಫೋಟೈನ್‌ಮೆಂಟ್‌ ವ್ಯವಸ್ಥೆ ಇದೆ. ಹಾಗೆಯೇ, ಕ್ಲೆçಮೆಟ್‌ ಕಂಟ್ರೋಲ್ , ಎಂಜಿನ್‌ ಸ್ಟಾರ್ಟ್‌- ಸ್ಟಾಪ್‌ ಮತ್ತು ಸ್ಟೀರಿಂಗ್‌ ಕಂಟ್ರೋಲ್‌ ಈ ಕಾರಿನ ವಿಶೇಷ. ಅಂದ ಹಾಗೆ, ಈ ಕಾರಿನ ಬೂಟ್‌ ಸ್ಪೇಸ್‌ 405 ಲೀ.ನಷ್ಟಿದೆ. ಕ್ಯಾಬಿನ್‌ನಲ್ಲಿ 29 ಲೀ. ಸ್ಪೇಸ್‌ ಉಂಟು. ಇದು 1.0 ಲೀ. ಎಂಜಿನ್‌ ಸಾಮರ್ಥ್ಯದ ಕಾರ್‌ ಆಗಿದ್ದು, 3 ಸಿಲಿಂಡರ್‌ಗಳನ್ನು ಒಳಗೊಂಡಿದೆ.

ಸೋಮಶೇಖರ ಸಿ.ಜೆ.