ಗೂಗಲ್ ಸ್ಟ್ರೀಟ್ ವ್ಯೂ ಏನಿದರ ಪ್ರಯೋಜನ? ಏನಿದು ಗೂಗಲ್ ಸ್ಟ್ರೀಟ್ ವ್ಯೂ?
Team Udayavani, Jul 30, 2022, 6:30 AM IST
2007ರಲ್ಲೇ ಗೂಗಲ್ ಸಂಸ್ಥೆ ಈ ಸ್ಟ್ರೀಟ್ ವ್ಯೂ ಎಂಬ ಫೀಚರ್ ಅನ್ನು ಇಡೀ ಜಗತ್ತಿನಲ್ಲಿ ಪರಿಚಯಿಸಿತ್ತು. ಆದರೆ ಭಾರತದಲ್ಲಿ ಮಾತ್ರ ಇದಕ್ಕೆ ಒಪ್ಪಿಗೆ ಕೊಟ್ಟಿರಲಿಲ್ಲ. ಈಗ ಇಲ್ಲಿಯೂ ಬೆಂಗಳೂರು ಸೇರಿದಂತೆ ಕೆಲವು ನಗರಗಳಲ್ಲಿ ಈ ಸ್ಟ್ರೀಟ್ ವ್ಯೂಗೆ ಅವಕಾಶ ನೀಡಲಾಗಿದೆ. ಹಾಗಾದರೆ, ಏನಿದು ಸ್ಟ್ರೀಟ್ ವ್ಯೂ? ಇದರಿಂದ ಉಪಯೋಗವೇನು? ಅಪಾಯಗಳೇನಾದರೂ ಇವೆಯೇ? ಇಲ್ಲಿದೆ ಮಾಹಿತಿ.
ಏನಿದು ಗೂಗಲ್ ಸ್ಟ್ರೀಟ್ ವ್ಯೂ?
360 ಡಿಗ್ರಿಯಲ್ಲಿ ವಿಶೇಷ ಕೆಮೆರಾದಲ್ಲಿ ನಿಗದಿತ ಸ್ಥಳವೊಂದನ್ನು ಸೆರೆಹಿಡಿದು, ಗೂಗಲ್ ಮ್ಯಾಪ್ನ ಸ್ಟ್ರೀಟ್ ವ್ಯೂಗೆ ಸೇರಿಸಲಾಗುತ್ತದೆ. ಸ್ಥಳಗಳು ಅಥವಾ ಬೀದಿಗಳನ್ನು ಸೆರೆಹಿಡಿಯಲು ವಿಶೇಷ ವಾಹನದಲ್ಲಿ ಅಳವಡಿಸಲಾಗಿರುವ ಕೆಮೆರಾ ಅಥವಾ ಬ್ಯಾಕ್ಪ್ಯಾಕ್ ಕೆಮೆರಾ ಬಳಕೆ ಮಾಡಲಾಗುತ್ತದೆ.
ಈಗ ಅವಕಾಶ ಸಿಕ್ಕಿದ್ದು ಹೇಗೆ?
ಭಾರತದಲ್ಲಿ ಇದುವರೆಗೆ ಗೂಗಲ್ ಸ್ಟ್ರೀಟ್ ವ್ಯೂಗೆ ಅವಕಾಶವಿರಲಿಲ್ಲ. 2011ರಲ್ಲಿ ಬೆಂಗಳೂರಿನಲ್ಲಿ ಗೂಗಲ್ ಸಂಸ್ಥೆಯ ವಾಹನಗಳು ಸ್ಟ್ರೀಟ್ವ್ಯೂ ಸೆರೆಹಿಡಿಯಲು ಹೋಗಿದ್ದಾಗ, ಪೊಲೀಸರೇ ತಡೆಹಿಡಿದಿದ್ದರು. ಈಗ ರಾಷ್ಟ್ರೀಯ ಭೌಗೋಳಿಕ ನೀತಿ 2021ರ ಪ್ರಕಾರವಾಗಿ ಭಾರತದ ಕಂಪೆನಿಗಳಿಗೆ ಇಂಥ ದೃಶ್ಯಗಳನ್ನು ಸೆರೆ ಹಿಡಿಯಲು ಅವಕಾಶ ನೀಡಲಾಗಿದೆ. ಸದ್ಯ ಗೂಗಲ್ ಟೆಕ್ ಮಹೀಂದ್ರಾ ಮತ್ತು ಮುಂಬಯಿಯ ಜೆನೆಸಿಸ್ ಇಂಟರ್ನ್ಯಾಶನಲ್ ಎಂಬ ಕಂಪೆನಿ ಜತೆಗೂಡಿ ಈ ಸೌಲಭ್ಯ ಒದಗಿಸುತ್ತಿದೆ. ಎಲ್ಲ ದತ್ತಾಂಶಗಳು ಭಾರತದಲ್ಲೇ ಸೇವ್ ಆಗಬೇಕು.
ಎಲ್ಲ ಕಡೆ ಸಿಗುತ್ತದೆಯೇ?
ಇಲ್ಲ. ಸದ್ಯ ದೇಶದ 10 ನಗರಗಳಲ್ಲಿ ಮಾತ್ರ ಈ ಸೌಲಭ್ಯ ಸಿಗಲಿದೆ. ಹಾಗೆಯೇ, ಬೆಂಗಳೂರಿನಲ್ಲಿ ಈ ಸೌಲಭ್ಯವಿದ್ದರೂ, ರಕ್ಷಣ ಇಲಾಖೆಯ ಸ್ಥಳಗಳು, ಸರಕಾರಿ ಆಸ್ತಿಗಳು, ಮಿಲಿಟರಿ ಪ್ರದೇಶಗಳಲ್ಲಿ ಸ್ಟ್ರೀಟ್ ವ್ಯೂಗೆ ಅವಕಾಶವಿಲ್ಲ.
ಖಾಸಗಿತನಕ್ಕೆ ಧಕ್ಕೆಯಾಗಲಿದೆಯೇ?
ಇದುವರೆಗೆ ಇದ್ದ ಅಪಾಯವೇ ಇದಾಗಿತ್ತು. ಅಂದರೆ ಸ್ಟ್ರೀಟ್ ವ್ಯೂ ವೇಳೆ ಸೆರೆಹಿಡಿಯುವಾಗ ಕಾರಿನ ನಂಬರ್ಗಳು, ಮನೆ ನಂಬರ್ಗಳು, ವ್ಯಕ್ತಿಯ ಚಹರೆಗಳು ಇದರಲ್ಲಿ ದಾಖಲಾಗುತ್ತವೆ. ಇದರಿಂದ ಖಾಸಗಿತನಕ್ಕೆ ಧಕ್ಕೆಯಾಗಲಿದೆ ಎಂದೇ ಹೇಳಲಾಗುತ್ತಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
Reliance Jio Profit; ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
History TV18ನಲ್ಲಿ ವಿಶ್ವದ ಮೊದಲ ಬ್ರೈಲ್ ಸಾಹಿತ್ಯ ಸಾಧನ “ಬೆಂಗಳೂರಿನ ಆನಿ” ಪ್ರಸಾರ
HP ಯಿಂದ AI ಆಧಾರಿತ ಎರಡು ಹೊಸ ಲ್ಯಾಪ್ ಟಾಪ್ ಬಿಡುಗಡೆ
Digital: ಇನ್ನು ಯುಪಿಐ ಮೂಲಕ ನಗದು ಜಮೆಗೆ ಅವಕಾಶ