ಬಸ್‌ ಹೈಜಾಕ್‌ ಮಾಡಿ 40 ನಿಮಿಷ ಓಡಿಸಿದ 12ರ ಪೋರ! Watch

Team Udayavani, Jul 5, 2017, 4:25 AM IST

ದಕ್ಷಿಣ ಚೀನಾದ ಮುಖ್ಯ ನಗರ ಗುವಾಂಗ್‌ನ ಬ್ಯುಸಿ ರಸ್ತೆಗಳಲ್ಲಿ ಅಚ್ಚರಿಯೊಂದು ನಡೆಯಿತು. ಇದನ್ನು ನೋಡಿ ಅಲ್ಲಿಯ ಜನ ಬೆಚ್ಚಿಬಿದ್ದಿದ್ದಾರೆ. 12 ವರ್ಷ ವಯಸ್ಸಿನ ಪುಟ್ಟ ಬಾಲಕನೊಬ್ಬ ನಗರದ ಜನನಿಬಿಡ ಬೀದಿಗಳಲ್ಲಿ ಬಸ್ಸು ಚಾಲನೆ ಮಾಡಿದ್ದಾನೆ. ಅದೂ ಕೂಡ ಬರೋಬ್ಬರಿ 40 ನಿಮಿಷಗಳ ಕಾಲ.

ಮತ್ತೊಂದು  ಆಸಕ್ತಿಕರ ವಿಷಯವೆಂದರೆ, ಆ ಬಸ್ಸನ್ನು ಆತ ಜಾಲಿ ರೈಡ್‌ಗಾಗಿಯೇ ಬಸ್‌ ನಿಲ್ದಾಣದಿಂದ ಹೈಜಾಕ್‌ ಮಾಡಿದ್ದ. ಚಿಕ್ಕ ಹುಡುಗ ಬಸ್ಸನ್ನು ಓಡಿಸುತ್ತಿದ್ದದ್ದನ್ನು ನೋಡಿದ ಜನರು ಹೆದರಿ ಪೊಲೀಸರಿಗೆ ತಿಳಿಸಿದ್ದಾರೆ. ಪೊಲೀಸರು ಕೂಡಲೇ ಆ ಬಸ್ಸನ್ನು ನಿಲ್ಲಿಸಲು ಪ್ರಯತ್ನಿಸಿದ್ದಾರೆ. ಆದರೆ 40 ನಿಮಿಷಗಳ ಕಾಲ ಬಸ್ಸು ನಿಲ್ಲಿಸಲು ಅವರಿಂದ ಸಾಧ್ಯವಾಗಲಿಲ್ಲ.

ಪೊಲೀಸರು ಆತನನ್ನು ತಡೆಯುವ ವೇಳೆಗಾಗಲೇ ಆತ 10 ಕಿ.ಮೀ. ಬಸ್ಸು ಓಡಿಸಿದ್ದ.ದಾರಿಹೋಕರ ಪ್ರಕಾರ, ಆತ ಪುಟ್ಟ ಬಾಲಕನಾದರೂ ತುಂಬಾ ಚೆನ್ನಾಗಿ ಬಸ್ಸು ಓಡಿಸಿದ್ದ. ಎಲ್ಲಿಯೂ ತೊಂದರೆ ಮಾಡಿಲ್ಲ. ಆತನ ವಯಸ್ಸಿನ ಕಾರಣ ಆತನಿಗೆ ಯಾವ ಶಿಕ್ಷೆಯನ್ನೂ ವಿಧಿಸಿಲ್ಲ.

Video Courtesy : msvtuber