ಹುಡುಗಿ ಮನವೊಲಿಸಲು ಈತ ಮಾಡಿದ್ದೇನು ಗೊತ್ತಾ?
Team Udayavani, Aug 19, 2018, 4:57 AM IST
ಮಹಾರಾಷ್ಟ್ರದ ಪಿಂಪ್ರಿ ಚಿಂಚವಾಡದ ಐಶಾರಾಮಿ ಪ್ರದೇಶದ ಹುಡುಗನೊಬ್ಬ ಜಗಳ ಮಾಡಿಕೊಂಡು ದೂರಾದ ತನ್ನ ಹುಡುಗಿಯನ್ನು ಮತ್ತೆ ಒಲಿಸಿಕೊಳ್ಳಲು ಮಾಡಿರುವ ರಚನಾತ್ಮಕ ಪ್ರಯತ್ನವು, ಈಗ ಅವನ ಪಾಲಿಗೆ ಮುಳುವಾಗಿದೆ.
25 ವರ್ಷ ವಯಸ್ಸಿನ ಸ್ಥಳೀಯ ವ್ಯಾಪಾರಿ ನಿಲೇಶ್ ಖೇಡೇಕರ್ ಮತ್ತು ಆತನ ಪ್ರೇಯಸಿ ನಡುವೆ ಯಾವುದೋ ವಿಷಯದಲ್ಲಿ ಜಳವಾಗಿತ್ತು. ಆಕೆ ಈತನ ಜೊತೆ ಮುನಿಸಿಕೊಂಡು ಮಾತು ಬಿಟ್ಟಿದ್ದಳು. ಆಕೆಯನ್ನು ಸಮಾಧಾನಪಡಿಸಿ ಮತ್ತೆ ತಮ್ಮ ಸಂಬಂಧವನ್ನು ಸರಿಮಾಡಿಕೊಳ್ಳಲು ಆತ ಸುಮಾರು 300 ಬ್ಯಾನರ್ಗಳನ್ನು ಏರಿಯಾ ತುಂಬ ರಾತ್ರೋರಾತ್ರಿ ಹಾಕಿದ್ದಾನೆ. ಅದರಲ್ಲಿ ಆ ಹುಡುಗಿಯ ಹೆಸರು ಬರೆದು ಹೃದಯ ಚಿಹ್ನೆಗಳ ಜೊತೆ ನನ್ನನ್ನು ಕ್ಷಮಿಸು ಎಂದೆಲ್ಲಾ ಬರೆದಿದ್ದಾನೆ.
ಏರಿಯಾದ ಜನನಿಬಿಡ ಜಾಗಗಳು, ಮುಖ್ಯ ವೃತ್ತಗಳಲ್ಲೆಲ್ಲಾ ಇವನದೇ ಪೋಸ್ಟರ್ಗಳು. ಇದನ್ನು ನೋಡಿ ಆತನ ಗರ್ಲ್ಫ್ರೆಂಡ್ ರಾಜಿಯಾದಳ್ಳೋ, ಇಲ್ಲವೋ ಗೊತ್ತಿಲ್ಲ. ಆದರೆ ಈ ರೀತಿ ಅಕ್ರಮ ಪೋಸ್ಟರ್ಗಳನ್ನು ಹಾಕಿದ್ದಕ್ಕಾಗಿ ಪೊಲೀಸರ ಕೆಂಗಣ್ಣಿಗೆ ಗುರಿಯಾಗಿದ್ದಾನೆ. ಆತನ ಮೇಲೆ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ಹೇಳಿದ್ದಾರೆ.