ಸಿರಿಂಜ್‌ಗಳ ರಾಶಿಯ ಮಧ್ಯೆ ನವಜಾತ ಶಿಶು

Team Udayavani, Aug 20, 2018, 9:45 AM IST

ವಿವಿಧ ವೈದ್ಯಕೀಯ ಪ್ರಯೋಗಗಳು, ಹಲವು ಗರ್ಭಪಾತಗಳ ನಂತರ ಜನಿಸಿದ ಮಗುವನ್ನು ಸಿರಿಂಜುಗಳ ಮಧ್ಯೆಯೇ ಮಲಗಿಸಿ ಫೋಟೋ ತೆಗೆದರೆ ಹೇಗಿರುತ್ತದೆ? ಅಮೆರಿಕದ ಅರಿಜೋನಾ ದಂಪತಿಗೆ ಅನಿಸಿದ್ದೂ ಇದೆ. 4 ವರ್ಷಗಳವರೆಗೆ ಐವಿಎಫ್ ಸೇರಿದಂತೆ ವಿವಿಧ ಸಂತಾನ ಚಿಕಿತ್ಸೆ ಪಡೆದ ದಂಪತಿ ಕೊನೆಗೂ ಮಗುವನ್ನು ಪಡೆದಿದ್ದಾರೆ. ಈ ಪ್ರಕ್ರಿಯೆಯಲ್ಲಿ ಪ್ಯಾಟ್ರೀಸಿಯಾ ಚುಚ್ಚಿಸಿಕೊಂಡ ಚುಚ್ಚುಮದ್ದುಗಳ ಸಿರಿಂಜಿನ ಸಂಖ್ಯೆ 1616. ಈ ಸಿರಿಂಜುಗಳಷ್ಟನ್ನೂ ಕಾದಿಟ್ಟುಕೊಂಡ ಆಕೆ ಮಗು ಜನಿಸಿದ ನಂತರ ಅದನ್ನು ಹೃದಯದ ಆಕೃತಿಯಲ್ಲಿ ಇಟ್ಟು ಮಧ್ಯೆ ಮಗುವನ್ನು ಮಲಗಿಸಿ ಫೋಟೊ ತೆಗೆಸಿಕೊಂಡಿದ್ದಾರೆ. ಆರಂಭದಲ್ಲಿ ಇದನ್ನು ಮನೆಯಲ್ಲಿಟ್ಟುಕೊಳ್ಳೋಣ ಎಂದುಕೊಂಡಿದ್ದರೂ, ಅದು ಹೇಗೋ ಸೋಷಿಯಲ್‌ ಮೀಡಿಯಾದ ಕೈಗೆ ಸಿಕ್ಕು ವೈರಲ್‌ ಆಗಿದೆ.