ಹತ್ತೇ ನಿಮಿಷಕ್ಕೆ ಕೋಟ್ಯಧಿಪತಿಯಾದಳು ಬೋಸ್ಟನ್‌ನ ಯುವತಿ

Team Udayavani, Jul 21, 2018, 3:41 AM IST

ಏಕಾಏಕಿ ಭಾರಿ ಮೊತ್ತದ ದುಡ್ಡು ಅದು ತಮ್ಮದಲ್ಲ ಎಂದು ಗೊತ್ತಾದಾಗ ಆಗುವ ಅನುಭವ ಹೇಗಾಗುತ್ತದೆ? ಇದು ಅಚ್ಚರಿಯಾದರೂ ಸತ್ಯ. ಅಮೆರಿಕದ ಬೋಸ್ಟನ್‌ನಲ್ಲಿ ಎಲೆನ್‌ ಫ್ಲೆಮಿಂಗ್‌ (26) ಎಂಬ ಯುವತಿಗೆ ಆದದ್ದೂ ಅದೆ. ಅವರ ಬ್ಯಾಂಕ್‌ ಖಾತೆಯಲ್ಲಿದ್ದದ್ದು 3,187.5 ರೂ. ಮಾತ್ರ. ಅವರ ಮೊಬೈಲ್‌ನಲ್ಲಿದ್ದ ಆ್ಯಪ್‌ನ ಮೂಲಕ ಅವರಿಗೆ ಮೆಸೇಜ್‌ ಬಂದಿತು. ಅದರ ಪ್ರಕಾರ ಯುವತಿಯ ಖಾತೆಗೆ 7.50 ಕೋಟಿ ರೂ. (1.1 ಮಿಲಿಯನ್‌ ಡಾಲರ್‌) ಜಮೆಯಾದ ಬಗ್ಗೆ ಮೆಸೇಜ್‌ ಬಂದಿತ್ತು. ನಾನು ಮಾಡಿರುವ ಶಿಕ್ಷಣ ಸಾಲ ಮರು ಪಾವತಿ ಮಾಡಬಹುದು, ಸದ್ಯ ನಾನು ಹೊಂದಿರುವ ಉದ್ಯೋಗ ಬಿಡಬಹುದು ಎಂದು ಹೇಳಿಕೊಂಡಿದ್ದಾರೆ.

ಹತ್ತು ನಿಮಿಷಗಳ ಹಿಂದೆ ನನ್ನ ಖಾತೆಯಲ್ಲಿ ಭಾರಿ ಮೊತ್ತ ಇರಲಿಲ್ಲ. ಈಗ ಶ್ರೀಮಂತಳಾಗಿದ್ದೇನೆ ಎಂದು ಪತ್ರಿಕೆಯೊಂದಕ್ಕೆ ಹೇಳಿಕೊಂಡಿದ್ದಾರೆ. ಆದರೆ ಮತ್ತೂಮ್ಮೆ ಖಚಿತವಾಗಿ ಪರಿಶೀಲನೆ ನಡೆಸಿದ ಬಳಿಕ ಮತ್ತೂಬ್ಬ ಎಲೆನ್‌ ಫ್ಲೆಮಿಂಗ್‌ ಖಾತೆಗೆ ಪಾವತಿಯಾಗಬೇಕಾಗಿದ್ದ 7.50 ಕೋಟಿ ರೂ. ಈ ಯುವತಿಗೆ ಪಾವತಿಯಾಗಿತ್ತು