2018ಕ್ಕೆ ಹೊರಟ ವಿಮಾನ ತಲುಪಿದ್ದು 2017ರಲ್ಲಿ !!
Team Udayavani, Jan 3, 2018, 5:27 AM IST
2018ರಲ್ಲಿ ಹೊರಟ ವಿಮಾನವೊಂದು ತನ್ನ ಗಮ್ಯಸ್ಥಳ 2017ರಲ್ಲಿ ತಲುಪಿದೆ. ಕಾಲ ಹಿಮ್ಮುಖವಾಗಿ ಚಲಿಸಿತೇ ಎಂದು ಗೊಂದಲಕ್ಕೀಡಾಗಬೇಡಿ. ಇದು ನಮ್ಮ ಅಂತಾರಾಷ್ಟ್ರೀಯ ಕಾಲಮಾನ ಮಾಡುವ ಮ್ಯಾಜಿಕ್. ಒಂದು ದೇಶದ ಕಾಲಮಾನದಿಂದ ಮತ್ತೂಂದು ದೇಶದ ಕಾಲಮಾನಕ್ಕೆ ಸಾಕಷ್ಟು ಗಂಟೆಗಳ ವ್ಯತ್ಯಾಸ ಇರುತ್ತದೆ. ಈ ವಿಮಾನದ ವಿಷಯದಲ್ಲಿ ಆಗಿದ್ದೂ ಅದೇ.
ನ್ಯೂಜಿಲೆಂಡ್ನಿಂದ ಹವಾಯಿಗೆ ಹೊರಡಬೇಕಿದ್ದ ವಿಮಾನ ಡಿ.31ರಂದು ಆಕ್ಲೆಂಡ್ನಿಂದ 11:55ಕ್ಕೆ ಹೊರಡಬೇಕಿತ್ತು. ಆದರೆ ಟೇಕ್ಆಫ್ 10 ನಿಮಿಷ ತಡವಾದ ಕಾರಣ ಅದು 2018ರ ಜ.1ರ ಹೊರಟಿತು. 8 ಗಂಟೆಗಳ ದೀರ್ಘ ಚಾಲನೆ ಬಳಿಕ ಹವಾಯಿಯ ಹೊನಲುಲು ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಯಿತು. ಆಗ ಹವಾಯಿ ಕಾಲಮಾನದ ಪ್ರಕಾರ 2017 ಡಿ.31. ನ್ಯೂಜಿಲ್ಯಾಂಡ್ಗೂ ಹವಾಯಿಗೂ ಇರುವ ಕಾಲಮಾನದ ವ್ಯತ್ಯಾಸ ಬರೋಬ್ಬರಿ 23 ಗಂಟೆಗಳು. ಎರಡೆರಡು ಬಾರಿ ಹೊಸ ವರ್ಷವನ್ನು ಸ್ವಾಗತಿಸಿದ ಪ್ರಯಾಣಿಕರು ತಮ್ಮ ಅಪರೂಪದ ಅನುಭವವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ.