ಐರಿಶ್‌ ರಾಜನಾಗಿ ಮೇಕೆಗೆ ಪಟ್ಟಾಭಿಷೇಕ!

Team Udayavani, Aug 12, 2017, 6:06 AM IST

ಐರಿಶ್‌ನ ಪುಟ್ಟ ಪಟ್ಟಣವೊಂದರ ರಾಜನಾಗಿ ಕಾಡು ಮೇಕೆಯೊಂದು ಅಧಿಕಾರ ಸ್ವೀಕರಿಸಿತು. ಮೇಲಿನ ಸಾಲನ್ನು ಓದಿದರೆ, ಸುದ್ದಿಯಲ್ಲಿ ಏನೋ ಮಿಸ್‌ ಹೊಡಿತಾ ಇದೆಯಲ್ಲಾ ಅಂತಾ ನಿಮಗನ್ನಿಸಬಹುದು.  ಕಿಲ್ಲೋರ್ಗಿಂಗ್‌ ಪ್ಲಕ್‌ ಎಂಬ ಪಟ್ಟಣದಲ್ಲಿ ಮೇಕೆಯೊಂದಕ್ಕೆ ಪಟ್ಟಾಭಿಷೇಕ ಮಾಡಲಾಗಿದೆ. ಇನ್ನು ಮುಂದೆ ಈ ಮೇಕೆಯೇ ರಾಜ್ಯಭಾರ ಮಾಡಲಿದೆ ಎಂದು ನೀವು ಭಾವಿಸುವಂತಿಲ್ಲ. ಪಟ್ಟಣದ ಬಹುಕಾಲದ ಆಚರಣೆಯಂತೆ ಇದು ನಡೆದಿದೆ.

ವಾರದ ಮಟ್ಟಿಗೆ ಮೇಕೆ ರಾಜನಾಗಿರಲಿದ್ದು, ಸ್ವತಃ ರಾಣಿಯೇ ಇದಕ್ಕೆ ಪಟ್ಟಾಭಿಷೇಕ ಮಾಡಿದ್ದಾಳೆ. ಪಟ್ಟಣದ ತುಂಬಾ ಮೆರವಣಿಗೆ, ಸಿಂಹಾಸನ ಏರುವ ಭಾಗ್ಯವೂ ಈ ಮೇಕೆಗೆ ಒಲಿದಿದೆ. ಆದರೆ ಇದೆಲ್ಲದರಿಂದ ಗಾಬರಿಗೊಂಡ ಮೇಕೆ ಕರ್ಕಶವಾಗಿ ಚೀರಾಡುತ್ತಿದೆಯಂತೆ.