ಪ್ಯಾಂಟ್‌ ಒಳಗೆ 4 ಬೆಕ್ಕಿನ ಮರಿಗಳನ್ನು ಇರಿಸಿದ್ದ ಭೂಪ

Team Udayavani, Jan 9, 2019, 10:35 AM IST

ಸಿಂಗಾಪುರ ಇಮಿಗ್ರೇಷನ್‌ ಅಧಿಕಾರಿಗಳು ವ್ಯಕ್ತಿಯೊಬ್ಬ ಅಕ್ರಮವಾಗಿ 4 ಬೆಕ್ಕಿನ ಮರಿಗಳನ್ನು ಸಾಗಿಸುತ್ತಿದ್ದದ್ದನ್ನು ಪತ್ತೆಮಾಡಿ ಅತನನ್ನು ಸೆರೆಹಿಡಿದಿದ್ದಾರೆ. ಆತ ನಾಲ್ಕೂ ಬೆಕ್ಕಿನ ಮರಿಗಳನ್ನು ಪ್ಯಾಂಟ್‌ ಒಳಗೆ ಇರಿಸಿಕೊಂಡು ಮಲೇಷ್ಯಾ ಗಡಿ ದಾಡಿ ಸಿಂಗಾಪುರಕ್ಕೆ ಕಾರಿನಲ್ಲಿ ಬರುವಾಗ ಚೆಕ್‌ಪೋಸ್ಟ್‌ ನಲ್ಲಿ ಅಧಿಕಾರಿಗಳು ಕಾರನ್ನು ತಡೆದು ತಪಾಸಣೆ ನಡೆಸಲು ಆರಂಭಿಸಿದರು. ಆ ವೇಳೆ ಬೆಕ್ಕುಗಳು ಮಿಯಾವ್‌ ಎಂಬ ಶಬ್ದ ಕೇಳಿತು.

ಕಾರನ್ನು ಶೋಧಿಸದಾಗ ಅಧಿಕಾರಿಗಳಿಗೆ ಆಶ್ಚರ್ಯವಾಯಿತಂತೆ. ಆತ ನಾಲ್ಕು ಬೆಕ್ಕಿನ ಮರಿಗಳನ್ನು ಪ್ಯಾಂಟ್‌ನಲ್ಲಿ ತುರುಕಿಕೊಂಡಿದ್ದ. ಕಳ್ಳ ಸಾಗಣೆಗಾರರು ಮಾದಕ ದ್ರವ್ಯ, ಶಸ್ತ್ರಗಳನ್ನು ಹೀಗೆ ಸಾಗಿಸುವುದನ್ನು ನಾವು ನೋಡಿದ್ದೇವೆ ಆದರೆ ಬೆಕ್ಕನ್ನು ಈ ಮಾದರಿಯಲ್ಲಿ ಸಾಗಿಸುತ್ತಿರುವುದನ್ನು ಇದೇ ಮೊದಲ ಬಾರಿ ನೋಡಿದ್ದು ಎಂದು ಅಧಿಕಾರಿ ಹೇಳಿದ್ದಾರೆ.