ಗಣೇಶನಿಗೆ ಒಂದು ಲಕ್ಷ ರೂ. ಅಮಾನ್ಯ ನೋಟುಗಳ ಕಾಣಿಕೆ!

Team Udayavani, Sep 11, 2017, 5:46 AM IST

ಜನ ಮೋಸ ಮಾಡಲೇಬೇಕು ಅಂತ ಎದ್ದು ನಿಂತ್ರೆ ಎದುರಿಗಿರೋದು ದೇವ್ರು ಅಂತಾನೂ ನೋಡ್ದೆ ಯಾಮಾರಿಸಿ ಬಿಡ್ತಾರೆ. ಇದನ್ನು ಸಾಬೀತುಪಡಿಸುವಂಥ ಘಟನೆಯೊಂದು ಮುಂಬೈನ ಸುಪ್ರಸಿದ್ಧ ಗಣೇಶ ಪೆಂಡಾಲ್‌ನಲ್ಲಿ ನಡೆದಿದೆ. ಮುಂಬೈನ ವಿಶ್ವವಿಖ್ಯಾತ “ಲಾಲ್‌ಬೌಚಾ ರಾಜ’ ಗಣೇಶ ಉತ್ಸವ (ಪೆಂಡಾಲ್‌) ಸಮಿತಿ ಈ ಬಾರಿ ಆರು ಕೋಟಿಗಿಂತ ಹೆಚ್ಚು ದೇಣಿಗೆ ಸಂಗ್ರಹಿಸಿದೆ. ವಿಶೇಷ ಅದಲ್ಲ. ಹೀಗೆ ಬಂದ ದೇಣಿಗೆಯಲ್ಲಿ ಬರೋಬ್ಬರಿ ಒಂದು ಲಕ್ಷ ಮೌಲ್ಯದಷ್ಟು ಅಮಾನ್ಯಗೊಂಡ ಸಾವಿರ ರೂ. ಮುಖಬೆಲೆಯ ನೋಟುಗಳಿವೆ! ಕಾಣಿಕೆ ಹುಂಡಿಯಲ್ಲಿ 1000 ಮುಖಬೆಲೆಯ 105 ನೋಟುಗಳಿದ್ದು, ಅದರಲ್ಲಿ ಒಂದು ಕಿತ್ತೋಗಿದೆ. ಉಳಿದಂತೆ ಅಮಾನ್ಯಗೊಂಡಿರುವ 500 ರೂ. ನೋಟುಗಳೂ ಸಾಕಷ್ಟು ಸಂಖ್ಯೆಯಲ್ಲಿವೆ. ಈ ನೋಟು ತಮಗಂತೂ ಉಪ ಯೋಗವಾಗೋಲ್ಲ, ಕನಿಷ್ಠ ದೇವರಾದ್ರೂ ಉಪಯೋಗಿಸಿಕೊಳ್ಳಲಿ ಅನ್ನೋ ಉದ್ದೇಶದಿಂದ, ಯಾರೋ ವಿಶಾಲ ಹೃದಯದವರು ಈ ನೋಟುಗಳನ್ನ ಹಾಕಿರಬಹುದು ಅನ್ಸುತ್ತೆ!