ಗಂಡಸಿನ ವೇಷದಲ್ಲಿ ಬ್ಯಾಂಕ್‌ ದರೋಡೆ ಮಾಡಿದ ಮಹಿಳೆ!

Team Udayavani, May 26, 2017, 5:00 AM IST

ಇತ್ತೀಚಿನ ದಿನಗಳಲ್ಲಿ ಅಮೆರಿಕದಲ್ಲಿ ಬ್ಯಾಂಕ್‌ ದರೋಡೆ ಪ್ರಕರಣಗಳು ಹೆಚ್ಚು ಸುದ್ದಿಯಾಗುತ್ತಿವೆ. ಮಂಗಳವಾರವಷ್ಟೇ ಕ್ಯಾಲಿಫೋರ್ನಿಯಾದ ಬ್ಯಾಂಕೊಂದಕ್ಕೆ ತಲೆಯಿಂದ ಮುಡಿಯವರೆಗೆ ಕಪ್ಪು ವಸ್ತ್ರ ಧರಿಸಿದ್ದ, ಗಡ್ಡಧಾರಿಯೊಬ್ಬ ಸಂಶಯಾಸ್ಪದ ರೀತಿಯಲ್ಲಿ ಬಂದಿದ್ದಾನೆ. ಬ್ಯಾಂಕ್‌ನ ಕ್ಯಾಶಿಯರ್‌ರನ್ನು ಬೆದರಿಸಿ ಹಣ ದೋಚಿ ಪರಾರಿಯಾಗಿದ್ದಾನೆ. ಆದರೆ ವಿಷಯ ಇದಲ್ಲ.

ಸಿಸಿಟಿವಿ ದೃಶ್ಯಾವಳಿಗಳನ್ನು ಆಧರಿಸಿ ಪೊಲೀಸರು ಕಳ್ಳನನ್ನು ಪತ್ತೆ ಮಾಡಿದ್ದಾರೆ. ಆದರೆ ಬ್ಯಾಂಕ್‌ ದೋಚಿದ್ದು ಕಳ್ಳನಲ್ಲ, ಕಳ್ಳಿ ಎಂದು ಅವರಿಗೆ ಬಳಿಕವಷ್ಟೇ ತಿಳಿದಿದೆ. ಮುಖಕ್ಕೆ ಗಡ್ಡದ ರೀತಿ ಬಣ್ಣ ಬಳಿದುಕೊಂಡು ಸನ್‌ ಗ್ಲಾಸ್‌ ಹಾಕಿಕೊಂಡು ದರೋಡೆ ಮಾಡಿದ್ದಳು ಈಕೆ. ಮತ್ತೂಂದು ಆಶ್ಚರ್ಯಕರ ವಿಷಯವೆಂದರೆ ಆಕೆ ಮಾಜಿ ಪೊಲೀಸ್‌ ಅಧಿಕಾರಿಯಂತೆ!