Viral: ತನ್ನಿಂದ ಗರ್ಭಿಣಿಯರಾದ ಐವರಿಗೆ ಜಂಟಿಯಾಗಿ ಸೀಮಂತ ಮಾಡಿದ 22 ರ ಯುವಕ.!

Team Udayavani, Jan 21, 2024, 2:37 PM IST

ವಾಷಿಂಗ್ಟನ್:‌ ಗರ್ಭಿಣಿ ಪತ್ನಿ ಸೀಮಂತ ಕಾರ್ಯಕ್ರಮವನ್ನು ನಮ್ಮಲ್ಲಿ ಅತ್ಯಂತ ಸಂಭ್ರಮದಿಂದ ನೆರವೇರಿಸುತ್ತಾರೆ. ಇಲ್ಲೊಬ್ಬ ವ್ಯಕ್ತಿ ತನ್ನಿಂದ ಗರ್ಭಿಣಿಯರಾದ ಐವರ ಸೀಮಂತವನ್ನು ಜಂಟಿಯಾಗಿ ನೆರವೇರಿಸಿದ್ದಾನೆ.!

ನ್ಯೂಯಾರ್ಕ್ ನಗರದ ಜೆಡ್ಡಿ ವಿಲ್ ಎಂಬ 22 ವರ್ಷದ ಸಂಗೀತಗಾರ ಇತ್ತೀಚೆಗೆ ತನ್ನಿಂದ ಗರ್ಭಿಣಿಯರಾದ ಐವರಿಗೆ ಜಂಟಿಯಾಗಿ ಬೇಬಿ ಶವರ್ ನ್ನು ಆಯೋಜಿಸಿದ್ದಾನೆ.

ಐವರಲ್ಲಿ ಒಬ್ಬರಾದ ಲಿಜ್ಜಿ ಆಶ್ಲೀಗ್ ಸೀಮಂತ ಕಾರ್ಯಕ್ರಮದ ಫೋಟೋಗಳನ್ನು ಹಂಚಿಕೊಂಡಿರುವುದಾಗಿ ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.

ಜನವರಿ 14 ರಂದು ಕ್ವೀನ್ಸ್‌ನಲ್ಲಿ ಸೀಮಂತ ಆಯೋಜನೆಗೊಂಡಿದೆ. ಇದರ ಫೋಟೋ, ವಿಡಿಯೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಆಶ್ಲೀಗ್‌ ಹಂಚಿಕೊಂಡಿದ್ದಾರೆ.

“ನಾವು ಈಗ ಸಹೋದರಿ ಪತ್ನಿಯರು ಎಂದು ಆಶ್ಲೀಗ್ ಕ್ಯಾಪ್ಷನ್‌ ಬರೆದುಕೊಂಡಿದ್ದಾರೆ.

ತಾಯಿಯಾಗಲಿರುವ ಐವರು ಆಶ್ಲೀಗ್, ಬೋನಿ ಬಿ, ಕೇ ಮೆರಿ, ಜಿಲೀನ್ ವಿಲಾ ಮತ್ತು ಇಯಾನ್ಲಾ ಕಲಿಫಾ ಗ್ಯಾಲೆಟ್ಟಿ ಒಬ್ಬರನ್ನೊಬ್ಬರು ಒಪ್ಪಿಕೊಂಡಿದ್ದಾರೆ. ಏಕೆಂದರೆ ದೊಡ್ಡ ಕುಟುಂಬದಲ್ಲಿ ಬೆಳೆಯಲು ಇದು ನಮ್ಮ ಚಿಕ್ಕ ಮಕ್ಕಳಿಗೆ ಉತ್ತಮವಾಗಿದೆ ಎಂದು ಆಶ್ಲೀಗ್ ಹೇಳಿರುವುದಾಗಿ ವರದಿ ತಿಳಿಸಿದೆ.

“ನಾವು ನಮ್ಮ ಬೇಬಿ ಡ್ಯಾಡಿಯನ್ನು ಪ್ರೀತಿಸುತ್ತೇವೆ! ನಾವು ನಮ್ಮ ಮಕ್ಕಳ ಜೀವನವನ್ನು ಹಾಳುಮಾಡುವುದಿಲ್ಲ! ನಮ್ಮ ಕುಟುಂಬಗಳು ಇದನ್ನು ಒಪ್ಪಿಕೊಂಡಿವೆ!” ಎಂದು ಅವರು ಬರೆದುಕೊಂಡಿದ್ದಾರೆ.

ಬೇಬಿ ಶವರ್‌ನ ವೀಡಿಯೊವು 5 ಅಮ್ಮಂದಿರು ಒಟ್ಟಿಗೆ ನೃತ್ಯ ಮಾಡುವುದು ಮತ್ತು ಒಟ್ಟಿಗೆ ತಿನ್ನುವುದು ಮತ್ತು ಪರಸ್ಪರ ಜೊತೆಯಾಗಿ ಆನಂದಿಸುವುದನ್ನು ತೋರಿಸುತ್ತದೆ.

ಆದರೆ ಇಂಟರ್‌ ನೆಟ್‌ ಬಳಕೆದಾರರಲ್ಲಿ ಕೆಲವರು ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

“ಇದು ಮುಜುಗರದ ಸಂಗತಿ, ಸುಳ್ಳು ಹೇಳಲು ಹೋಗುವುದಿಲ್ಲ” ಎಂದು ಒಬ್ಬ ಟಿಕ್‌ಟಾಕ್ ಬಳಕೆದಾರರು ಬರೆದಿದ್ದಾರೆ. “ಇದು ನಿಜವಲ್ಲ ಎಂದು ದಯವಿಟ್ಟು ಹೇಳಿ” ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ.

ಇದನ್ನು ಲೈಕ್ಸ್‌ ಪಡೆಯಲು ಮಾಡಿದ್ದಾರೆ ಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ.