ಹರೆಯದ ಯುವತಿಯರಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಪಿ ಎಮ್ ಎಸ್..! ಸಂಪೂರ್ಣ ಮಾಹಿತಿ ಇಲ್ಲಿದೆ

ಶ್ರೀರಾಜ್ ವಕ್ವಾಡಿ, May 7, 2021, 9:30 AM IST

ಪಿ ಎಮ್ ಎಸ್ ಹೆಚ್ಚಿನ ಹದಿಹರೆಯದ ಯುವತಿಯವರಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಸಮಸ್ಯೆ. ಋತುಸ್ರಾವದ ಸಂದರ್ಭದಲ್ಲಿ ಸಂಆನ್ಯವಾಗಿ ಎಲ್ಲಾ ಮಹಿಳೆಯರಲ್ಲಿ  ಈ ಸಮಸ್ಯೆ  ಕಾಣಿಸಕೊಳ್ಳುತ್ತದೆ.

ಪಿ ಎಮ್ ಎಸ್ ಎಂದರೇ ಏನು..?

ಪಿ ಎಮ್ ಎಸ್ ಎಂದರೇ, ಪ್ರಿ ಮೆನ್ಸ್ಟ್ರುವೆಲ್ ಸಿಂಡ್ರೋಮ್.  ಇದು ಮಹಿಳೆಯ ಅಂಡೋತ್ಪತ್ತಿಯ ನಂತರ ಸಂಭವಿಸುವ ಭಾವನಾತ್ಮಕ, ದೈಹಿಕ ಮತ್ತು ಮಾನಸಿಕ ಸಮಸ್ಯೆಗಳ ಸಂಯೋಜನೆಯಾಗಿದ್ದು, ಸಾಮಾನ್ಯವಾಗಿ ಮಹಿಳೆಯರ ಋತುಸ್ರಾವದ ಮುಂಚಿತವಾಗಿ ಕಾಣಿಸಿಕೊಳ್ಳುವ ಸಮಸ್ಯೆಯಾಗಿದೆ. ಚಿಂತೆ, ಖಿನ್ನತೆ, ಅಳುವುದು, ಅತಿಯಾದ ಸೂಕ್ಷ್ಮತೆ ಮತ್ತು ಮನಸ್ಥಿತಿ ಬದಲಾವಣೆಗಳು ಸಾಮಾನ್ಯ ಮನಸ್ಥಿತಿಗೆ ಸಂಬಂಧಿಸಿದ ಲಕ್ಷಣಗಳಾಗಿವೆ.

ಚಿಕಿತ್ಸೆಗಳು ಮತ್ತು ಜೀವನಶೈಲಿಯಲ್ಲಿನ ಬದಲಾವಣೆಗಳು ಈ ಪ್ರೀ ಮೆನ್ಸ್ಟ್ರುವಲ್ ಸಿಂಡ್ರೋಮ್ ನ ಸಮಸ್ಯೆಯಿಂದ ಹೊರಬರಲು ಸಹಾಯ ಮಾಡುತ್ತದೆ.

ಪ್ರೀ ಮೆನ್ಸ್ಟ್ರುವಲ್ ಸಿಂಡ್ರೋಮ್ ನ ಸಂಭಾವ್ಯ ಲಕ್ಷಣಗಳ ಪಟ್ಟಿ ದೊಡ್ಡದಿದೆ, ಆದರೆ ಹೆಚ್ಚಿನ ಮಹಿಳೆಯರು ಈ ಕೆಲವು ಸಮಸ್ಯೆಗಳನ್ನು ಮಾತ್ರ ಅನುಭವಿಸುತ್ತಾರೆ.

ಭಾವನಾತ್ಮಕ ಮತ್ತು ವರ್ತನೆಯ ಬದಲಾವಣೆಗಳು :

ಉದ್ವೇಗ ಅಥವಾ ಆತಂಕ, ಖಿನ್ನತೆಯ ಮನಸ್ಥಿತಿ,  ಅಳುವುದು,  ಕಿರಿಕಿರಿ ಅಥವಾ ಕೋಪ, ಹಸಿವು, ನಿದ್ರಾಹೀನತೆ, ಕಳಪೆ ಏಕಾಗ್ರತೆ, ಕಾಮಾಸಕ್ತಿಯಲ್ಲಿ ಬದಲಾವಣೆ  ಸಾಮಾನ್ಯವಾಗಿ ಉಂಟಾಗುತ್ತವೆ.

ದೈಹಿಕ ಬದಲಾವಣೆಗಳು ಮತ್ತು ಲಕ್ಷಣಗಳು :

ಕೀಲು ಅಥವಾ ಸ್ನಾಯು ನೋವು, ತಲೆನೋವು, ಆಯಾಸ, ಕಿಬ್ಬೊಟ್ಟೆಯ ಉಬ್ಬುವುದು, ಸ್ತನ ಮೃದುತ್ವ, ಮೊಡವೆ, ಮಲಬದ್ಧತೆ ಅಥವಾ ಅತಿಸಾರ ಇಂತಹ ಲಕ್ಷಗಳು ಹಾಗೂ ದೈಹಿಕ ಬದಲಾವಣೆಗಳು ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತವೆ.

ಕೆಲವರಿಗೆ ದೈಹಿಕ ನೋವು ಮತ್ತು ಭಾವನಾತ್ಮಕ ಒತ್ತಡವು ಅವರ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರುವಷ್ಟು ತೀವ್ರವಾಗಿರುತ್ತದೆ. ರೋಗಲಕ್ಷಣದ ತೀವ್ರತೆಯ ಹೊರತಾಗಿಯೂ, ಹೆಚ್ಚಿನ ಮಹಿಳೆಯರಿಗೆ ಋತುಸ್ರಾವ ಪ್ರಾರಂಭವಾದ ನಾಲ್ಕು ದಿನಗಳಲ್ಲಿ ಈ ಸಮಸ್ಯೆಗಳು ಸಾಮಾನ್ಯವಾಗಿ ಕಣ್ಮರೆಯಾಗುತ್ತವೆ.

ಪ್ರೀ ಮೆನ್ಸ್ಟ್ರುವಲ್ ಸಿಂಡ್ರೋಮ್ ಗೆ ಕಾರಣಗಳು ನಿಖರವಾಗಿ ತಿಳಿದಿಲ್ಲ, ಆದರೆ ಹಲವಾರು ಅಂಶಗಳು ಈ ಸ್ಥಿತಿಗೆ ಕಾರಣವಾಗಬಹುದು:

ಪ್ರೀ ಮೆನ್ಸ್ಟ್ರುವಲ್ ಸಿಂಡ್ರೋಮ್ ಲಕ್ಷಣಗಳು ಹಾರ್ಮೋನುಗಳ ಏರಿಳಿತಗಳೊಂದಿಗೆ ಬದಲಾಗುತ್ತವೆ.

ಮನಸ್ಥಿತಿಯ ಸ್ಥಿತಿಗಳಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತದೆ ಎಂದು ಭಾವಿಸಲಾದ ಮೆದುಳಿನ ರಾಸಾಯನಿಕ ಸಿರೊಟೋನಿನ್‌ ನ ಏರಿಳಿತಗಳು ಪಿ ಎಮ್ ಎಸ್ ಲಕ್ಷಣಗಳನ್ನು ಪ್ರಚೋದಿಸಬಹುದು. ಇನ್ನು,  ಸಿರೊಟೋನಿನ್ ಸಾಕಷ್ಟು ಪ್ರಮಾಣದಲ್ಲಿರುವುದು ಋತುಸ್ರಾವದ ಖಿನ್ನತೆಗೆ ಕಾರಣವಾಗಬಹುದು, ಜೊತೆಗೆ ಆಯಾಸ, ಕಸಿವಾಗದಿರುವುದು ಮತ್ತು ನಿದ್ರೆಯ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಇನ್ನು, ಸುಮಾರು 90% ಮಹಿಳೆಯರು ತಮ್ಮ ಜೀವಿತಾವಧಿಯಲ್ಲಿ ಒಂದು ಹಂತದಲ್ಲಿ ಋತುಸ್ರಾವಕ್ಕೂ ಮುಂಚಿತವಾಗಿ ಈ ಸಮಸ್ಯೆಯನ್ನು ಅನುಭವಿಸುತ್ತಾರೆ. ಸಾಮಾನ್ಯವಾಗಿ ಇಂತಹ ಮಾನಸಿಕವಾಗಿ ಹಾಗೂ ದೈಹಿಕವಾಗಿ ಬದಲಾವಣೆಗಳು ಆಗುವ ಸಂದರ್ಭದಲ್ಲಿ ಆ ಸಮಸ್ಯೆಯಿಂದ ಹೊರಬರಲು ಯೋಗ, ಪುಸ್ತಕದ ಓದು, ಸಂಗೀತವನ್ನು ಆಲಿಸುವುದು …ಸ್ವಲ್ಪ ಮಟ್ಟಿಗೆ ಸಹಾಯ ಮಾಡುತ್ತದೆ ಎನ್ನುತ್ತಾರೆ ತಜ್ಞ ಮನೋವೈದ್ಯರು.

ಆದರೂ ಇಂತಹ ಸಮಸ್ಯೆಗಳು ಹೆಚ್ಚಾಗಿ ಕಂಡು ಬರುತ್ತಿದ್ದಲ್ಲಿ ಅಥವಾ ಋತುಸ್ರಾವದ ಮುಂಚೆ ಇಂತಹ ಮಾನಸಿಕ ಸಮಸ್ಯೆಗಳು ಕಾಣಿಸಿಕೊಂಡಲ್ಲಿ ನುರಿತ ವೈದ್ಯರು ಅಥವಾ ಆಪ್ತ ಸಮಾಲೋಚನಾಕಾರರನ್ನು ಭೇಟಿ ಮಾಡುವುದು ಉತ್ತಮ.