ಪ್ರೊ ಕಬಡ್ಡಿ: ಬುಲ್ಸ್ ಗೆ ಆಘಾತ; ಜೈಪುರ ಫೈನಲಿಗೆ
Team Udayavani, Dec 15, 2022, 10:23 PM IST
ಮುಂಬಯಿ: ಈ ಬಾರಿಯ ಪ್ರೊ ಕಬಡ್ಡಿಯ ಲೀಗ್ ಹಂತದಲ್ಲಿ ಅಮೋಘ ನಿರ್ವಹಣೆ ನೀಡುತ್ತ ಬಂದಿದ್ದ ಬೆಂಗಳೂರು ಬುಲ್ಸ್ ತಂಡದ ಓಟವು ಸೆಮಿಫೈನಲ್ನಲ್ಲಿ ಅಂತ್ಯಗೊಂಡಿದೆ. ಗುರುವಾರ ರಾತ್ರಿ ಮುಂಬಯಿಯಲ್ಲಿ ನಡೆದ ಸೆಮಿಫೈನಲ್ನಲ್ಲಿ ಬುಲ್ಸ್ ತಂಡವನ್ನು ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡವು 49-29 ಅಂಕಗಳಿಂದ ಭರ್ಜರಿಯಾಗಿ ಸೋಲಿಸಿದೆ.
ದಿನದ ಇನ್ನೊಂದು ಸೆಮಿಫೈನಲ್ ಪಂದ್ಯವು ತೀವ್ರ ಪೈಪೋಟಿಯಿಂದ ಸಾಗಿದ್ದು ಪುನೇರಿ ಪಲ್ಟಾನ್ಸ್ ತಂಡವು ತಮಿಳ್ ತಲೈವಾಸ್ ತಂಡವನ್ನು 39-37 ಅಂಕಗಳಿಂದ ರೋಮಾಂಚಕವಾಗಿ ಕೆಡಹಿತು. ಶನಿವಾರ ರಾತ್ರಿ 8.30ಕ್ಕೆ ನಡೆಯುವ ಫೈನಲ್ ಹೋರಾಟದಲ್ಲಿ ಜೈಪುರ ತಂಡವು ಪುನೇರಿ ತಂಡವನ್ನು ಎದುರಿಸಲಿದೆ.
ಬುಲ್ಸ್ಗೆ ಭಾರೀ ಸೋಲು:
ಪ್ರೊ ಕಬಡ್ಡಿಯ ಅಭಿಯಾನದಲ್ಲಿ ಆರಂಭದಿಂದಲೂ ಗಟ್ಟಿ ಪ್ರದರ್ಶನ ನೀಡುತ್ತ ಬಂದಿದ್ದ ಬೆಂಗಳೂರು ತಂಡವು ಅನಂತರದ ದಿನಗಳಲ್ಲಿ ಮುಗ್ಗರಿಸಿತ್ತು. ಆದರೂ, ಎಲಿಮಿನೇಟರ್ 1ನಲ್ಲಿ ದಿಲ್ಲಿ ದಬಾಂಗ್ ವಿರುದ್ಧ ಭರ್ಜರಿಯಾಗಿ ಗೆದ್ದು ಸೆಮಿಫೈನಲ್ ಪ್ರವೇಶಿಸಿತ್ತು. ಈಗ ಜೈಪುರದ ವಿರುದ್ಧ 20 ಅಂಕಗಳ ಅಂತರದಲ್ಲಿ ಸೋತಿದೆ.
ಬೆಂಗಳೂರು ಪರ ಭರತ್ 7, ವಿಕಾಸ್ 5, ನೀರಜ್, ಸೌರಭ್ ಅಮನ್ ತಲಾ ನಾಲ್ಕು ಅಂಕ ಗಳಿಸಿದರು. ಜೈಪುರದ ಪರ ಅಜಿತ್ 13, ಸಾಹುಲ್ 10, ಅಂಕ ಗಳಿಸಿ ಗೆಲುವಿಗೆ ನೆರವಾದರು.
ಆರಂಭದಿಂದಲೂ ಮುನ್ನಡೆ ಕಾಯ್ದುಕೊಂಡು ಬಂದ ಜೈಪುರ ತಂಡವು ಎಲ್ಲಿಯೂ ಬೆಂಗಳೂರಿನ ಕೈ ಮೇಲಾಗಲು ಬಿಡಲಿಲ್ಲ. ಪಂದ್ಯದ 20ನೇ ನಿಮಿಷದಲ್ಲಿ ಜೈಪುರ 25, ಬೆಂಗಳೂರು 15 ಅಂಕ ಗಳಿಸಿದ್ದವು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
INDWvsBANW: ಭಾರತಕ್ಕೆ 2-0 ಮುನ್ನಡೆ
IPL 2024; ಅತಿಯಾದ ಸಂಭ್ರಮಾಚರಣೆ ಮಾಡಿದ ಹರ್ಷಿತ್ ರಾಣಾಗೆ ಭಾರಿ ಶಿಕ್ಷೆ
T20 World Cup; ಭಾರತ ತಂಡ ಪ್ರಕಟ; ಅವಕಾಶ ಪಡೆದ ಪಾಂಡ್ಯ, ಪಂತ್, ಸ್ಯಾಮ್ಸನ್
T20 ವಿಶ್ವಕಪ್ ಇಂಗ್ಲೆಂಡ್ ತಂಡ ಪ್ರಕಟ: ವರ್ಷದ ಬಳಿಕ ಸ್ಟಾರ್ ಬೌಲರ್ ತಂಡಕ್ಕೆ ಕಂಬ್ಯಾಕ್
ಬ್ಯಾಟಿಂಗ್ – ಬೌಲಿಂಗ್ ಎರಡರಲ್ಲೂ ಬಲಿಷ್ಠ: T20 ವಿಶ್ವಕಪ್ಗೆ ದಕ್ಷಿಣ ಆಫ್ರಿಕಾ ಪ್ರಕಟ