ಮೂರು ದಿನ ಅಲ್ಲಿ, ಮೂರು ದಿನ ಇಲ್ಲಿ!: ಇಬ್ಬರು ಹೆಂಡಿರ ಮುದ್ದಿನ ಗಂಡನ ವಿಚಿತ್ರ ಒಪ್ಪಂದವಿದು!

Team Udayavani, Jan 22, 2023, 12:00 PM IST

ಲಕ್ನೋ: ಎರಡು ಹೆಂಡತಿಯರನ್ನು ಮದುವೆಯಾದ ಭೂಪನೊಬ್ಬ ವಾರದ ಮೂರು ದಿನ ಮೊದಲ ಹೆಂಡತಿ ಜತೆಗೆ ಮತ್ತೆ ಮೂರು ದಿನ ಎರಡನೇ ಹೆಂಡತಿ ಜೊತೆಗೆ ಇರುವಂತೆ ವಿಚಿತ್ರ ಒಪ್ಪಂದವೊಂದನ್ನು ಮಾಡಿಕೊಂಡಿದ್ದಾನೆ. ಅಲ್ಲದೆ ವಾರದಲ್ಲಿ ಉಳಿದ ಮತ್ತೊಂದು ದಿನದಲ್ಲಿ ಆತನ ಇಷ್ಟದಂತೆ ಇರಬಹುದು ಎಂದು ಒಪ್ಪಂದವಾಗಿದೆ.

ಈ ವಿಚಿತ್ರ ಘಟನೆ ನಡೆದಿರುವುದು ಉತ್ತರ ಪ್ರದೇಶದ ಮೊರಾದಬಾದ್ ನಲ್ಲಿ. ವಿವಾದ ಹೆಚ್ಚಾದ ಹಿನ್ನೆಲೆಯಲ್ಲಿ ಇಬ್ಬರು ಪತ್ನಿಯರಲ್ಲಿ ಒಬ್ಬರು ಪೊಲೀಸರಿಗೆ ದೂರು ನೀಡಿದ ನಂತರ ಈ ಒಪ್ಪಂದ ನಡೆದಿದೆ.

ಪೊಲೀಸರು ಈ ಪ್ರಕರಣವನ್ನು ಕೌನ್ಸೆಲಿಂಗ್‌ ಗಾಗಿ ನಾರಿ ಉತ್ಥಾನ್ ಕೇಂದ್ರಕ್ಕೆ ವರ್ಗಾಯಿಸಿದ್ದರು. ನಾಗರಿಕ ವಿವಾದಗಳನ್ನು ಪರಿಹರಿಸುವಲ್ಲಿ ಪೊಲೀಸರಿಗೆ ಸಹಾಯ ಮಾಡುವ ಖಾಸಗಿ ತಂಡವೊಂದು ಸೇರಿ ಈ ಒಪ್ಪಂದ ಮಾಡಿಸಿದೆ. ಒಪ್ಪಂದ ಪ್ರಕಾರ ಆತ ಸೋಮವಾರದಿಂದ ಬುಧವಾರದವರೆಗೆ ಪತಿ ಮೊದಲ ಹೆಂಡತಿಯೊಂದಿಗೆ ಇರುತ್ತಾನೆ. ಗುರುವಾರದಿಂದ ಶನಿವಾರದವರೆಗೆ ಅವನು ತನ್ನ ಎರಡನೇ ಹೆಂಡತಿಯೊಂದಿಗೆ ಇರುತ್ತಾನೆ. ಪತ್ನಿಯರಿಬ್ಬರೂ ತಮ್ಮ ಅತ್ತೆ ಮಾವನ ಜತೆ ಇರುತ್ತಾರೆ ಎಂದು ಒಪ್ಪಂದವಾಗಿದೆ. ಒಪ್ಪಂದದ ಬಳಿಕ ಮೂವರೂ ಒಟ್ಟಿಗೆ ತೆರಳಿದ್ದಾರೆ.

ಇದನ್ನೂ ಓದಿ:“ನಿಮಗೆ ನಮ್ಮ ಮೇಲೆ ಅನುಮಾನವಿದ್ದರೆ…”: ಟೀಂ ಇಂಡಿಯಾ ವಿಶ್ವಕಪ್ ತಯಾರಿ ಬಗ್ಗೆ ಶಮಿ ಮಾತು

ವರದಿಗಳ ಪ್ರಕಾರ, ಮೊರಾದಾಬಾದ್‌ ನಲ್ಲಿ ವಾಸಿಸುತ್ತಿದ್ದ ಎರಡನೇ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾರೆ. 2017 ರಲ್ಲಿ ತನ್ನ ಮದುವೆಯಾದ ನಂತರ, ಪತಿಯು ತನ್ನನ್ನು ಅತ್ತೆಯ ಮನೆಗೆ ಕರೆದುಕೊಂಡು ಹೋಗಲಿಲ್ಲ. ನಗರದಲ್ಲಿ ಬಾಡಿಗೆ ಮನೆಯಲ್ಲೇ ಸಾಕುತ್ತಿದ್ದಾನೆ. ಪೋಷಕರ ಮನೆಗೆ ಕರೆದುಕೊಂಡು ಹೋಗುವಂತೆ ಆಕೆ ಒತ್ತಾಯಿಸಿದಾಗ ತಪ್ಪಿಸಿಕೊಂಡಿದ್ದ.

ಹೀಗಾಗಿ ಆಕೆ ತನ್ನ ಗಂಡನನ್ನು ಹುಡುಕುತ್ತಾ ಅವನ ಪೋಷಕರ ಮನೆಗೆ ತೆರಳಿದ್ದಾಳೆ. ಅಲ್ಲಿ ಹೋದಾಗಲೇ ತನ್ನ ಪತಿ ಬೇರೆ ವಿವಾಹವಾದ ಬಗ್ಗೆ ಮತ್ತು ಮೊದಲ ಪತ್ನಿಯಿಂದ ಮೂರು ಮಕ್ಕಳಿರುವ ಬಗ್ಗೆ ಗೊತ್ತಾಗಿದೆ. ಇದರಿಂದ ಆಕೆ ಪೊಲೀಸರಿಗೆ ದೂರು ನೀಡಿದ್ದಾರೆ.