ಪ್ರೊ ಕಬಡ್ಡಿ: ಮುಂಬಾಗೆ ಮತ್ತೆ ಸೋಲು
Team Udayavani, Aug 28, 2017, 11:20 AM IST
ಮುಂಬಯಿ: ಪ್ರೊ ಕಬಡ್ಡಿ ಲೀಗ್ ಐದರಲ್ಲಿ ಯು ಮುಂಬಾ ತನ್ನ ತವರಿನಲ್ಲಿ ಸತತ ಮೂರನೇ ಪಂದ್ಯದಲ್ಲೂ ಸೋಲನ್ನು ಕಂಡು ನಿರಾಶೆಗೊಳಗಾಗಿದೆ. ಮೊದಲೆರಡು ಪಂದ್ಯಗಳಲ್ಲಿ ಜೈಪುರ ಮತ್ತು ಪುನೇರಿಗೆ ಶರಣಾಗಿದ್ದ ಮುಂಬಾ ತಂಡ ರವಿವಾರ ನಡೆದ ತೀವ್ರ ಪೈಪೋಟಿಯ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ತಂಡದೆದುರು 32-33 ಅಂಕಗಳಿಂದ ಸೋತಿದೆ. ಕೊನೆ ಕ್ಷಣದವರೆಗೂ ತೀವ್ರ ಕುತೂಹಲ ಕೆರಳಿಸಿದ್ದ ಈ ಪಂದ್ಯದಲ್ಲಿ ಡೆಲ್ಲಿ ಕೊನೆಗೂ ಗೆಲುವಿನ ನಗೆ ಚೆಲ್ಲಿತು.
ಈ ಮೊದಲು ನಡೆದ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ನ ಭರ್ಜರಿ ಹೋರಾಟಕ್ಕೆ ದಂಗಾದ ಬೆಂಗಳೂರು ಬುಲ್ಸ್ ಪ್ರೊ ಕಬಡ್ಡಿಯಲ್ಲಿ 32-26 ರಿಂದ ಸೋಲುಂಡಿದೆ. ಈ ಮೂಲಕ ಬುಲ್ಸ್ ಕೂಟದಲ್ಲಿ ಸತತವಾಗಿ 4ನೇ ಸೋಲನ್ನು ಕಂಡಿದೆ. ಬುಲ್ಸ್ಗೆ ಇದು ಮಹತ್ವದ ಪಂದ್ಯವಾಗಿತ್ತು. ಆದರೆ ಪಂದ್ಯದ ಆರಂಭದಲ್ಲಿ ತೋರಿದ ಉತ್ಸಾಹ ನಂತರದ ಹಂತದಲ್ಲಿ ಬರಲಿಲ್ಲ. ತಾರಾ ಆಟಗಾರ ರೋಹಿತ್ ಕುಮಾರ್ ಕೂಡ ಸತತವಾಗಿ ಎದುರಾಳಿಯ ಬಲೆಯಲ್ಲಿ ಸಿಕ್ಕಿಬಿದ್ದರು. ಇದರಿಂದ ಬೆಂಗಾಲ್ ಆಟಕ್ಕೆ ಬುಲ್ಸ್ ಮಂಡಿಯೂರಬೇಕಾಯಿತು.
ಇಲ್ಲಿನ ಎನ್ಎಸ್ಸಿಐ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದ ಆರಂಭದಲ್ಲಿ ಬುಲ್ಸ್ ಪರ ಹರೀಶ್ ನಾಯ್ಕ ರೈಡಿಂಗ್ ಅಂಕ ತಂದು ಖಾತೆ ತೆರೆಸಿದರು. ಬೆಂಗಾಲ್ ಕೂಡ ತೀವ್ರ ಸ್ಪರ್ಧೆ ನೀಡಿತು. ಇದರಿಂದಾಗಿ ಉಭಯ ತಂಡಗಳ ನಡುವೆ ಸಮಬಲದ ಹೋರಾಟವಿತ್ತು. ಪಂದ್ಯ ಆರಂಭವಾಗಿ 10ನೇ ನಿಮಿಷದಲ್ಲಿ ಎರಡೂ ತಂಡಗಳು 5-5 ರಲ್ಲಿದ್ದವು.
– ಮಂಜು ಮಳಗುಳಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Polls: ಜೆಡಿಎಸ್ ಬೆಂಬಲ ಆನೆ ಬಲ ತಂದು ಕೊಟ್ಟಿದೆ: ಆರಗ ಜ್ಞಾನೇಂದ್ರ
Pramod, Pruthvi Ambaar: ಪೋಸ್ಟ್ ಪ್ರೊಡಕ್ಷನ್ನಲ್ಲಿ ‘ಭುವನಂ ಗಗನಂ’
Water Supply; ಮಂಗಳೂರಿನ ಈ ಭಾಗಗಳಲ್ಲಿ ಎ.30ರಿಂದ ಮೇ.1ರವರೆಗೆ ನೀರು ಸರಬರಾಜು ಸ್ಥಗಿತ
Heart Diseases: ಮಹಿಳೆಯರಲ್ಲಿ ಹೃದ್ರೋಗಗಳು: ಇದು ವಿಭಿನ್ನ!
LS Polls: ರಾಷ್ಟ್ರ ಪ್ರೇಮ ಬಿಜೆಪಿಯವರಿಂದ ಕಲಿಯಬೇಕಾಗಿಲ್ಲ: ಮಂಜುನಾಥ್ ಭಂಡಾರಿ