ಸೀಟು ಬಿಟ್ಟುಕೊಡದ ಯುವಕನ ತೊಡೆ ಮೇಲೆ ಕುಳಿತ ಅಜ್ಜಿ
Team Udayavani, Sep 12, 2017, 5:58 AM IST
ಮೆಟ್ರೋ ರೈಲಿನಲ್ಲಿ ಸೀಟು ಸಿಗುವುದೆಂದರೆ ಸುಲಭದ ವಿಷಯವಾ? ಒಂದು ವೇಳೆ ಸೀಟು ಸಿಕ್ಕರೆ ಅದು ಪುಣ್ಯ ಅಂತಲೇ ಭಾವಿಸಬೇಕು. ಯಾವೆಲ್ಲಾ ದೇಶಗಳಲ್ಲಿ ಮೆಟ್ರೊ ಸಂಚಾರವಿದೆಯೋ ಅಲ್ಲೆಲ್ಲಾ ಈ ಸಮಸ್ಯೆ ಇದ್ದೇ ಇದೆ. ಚೀನಾದಲ್ಲಿ ಮೊನ್ನೆಯಷ್ಟೇ ತಮಾಷೆಯ ಘಟನೆ ನಡೆದಿದೆ. ಮೆಟ್ರೊ ಏರಿದ ವೃದ್ಧೆಯೊಬ್ಬರು, ಕುಳಿತಿದ್ದ ಯುವಕನಿಗೆ ಸೀಟು ಬಿಟ್ಟುಕೊಡಲು ಕೇಳಿದ್ದಾರೆ.
ಆದರೆ ಆ ಯುವಕ ಬಿಟ್ಟು ಕೊಡಲು ಸಾಧ್ಯವೇ ಇಲ್ಲ ಎಂದು ದರ್ಪದಿಂದ ಹೇಳಿದ್ದಾನೆ. ಇದರಿಂದ ಕೋಪಗೊಂಡ ವೃದ್ಧೆ ಯುವಕನ ತೊಡೆ ಮೇಲೇ ಕುಳಿತಿದ್ದಾಳೆ. ಅಜ್ಜಿಯೇನೊ ಆರಾಮಾಗಿ ಕುಳಿತಂತೆ ಕಂಡು ಬಂದರೆ ಯುವಕ ತೀರಾ ಮುಜುಗರಕ್ಕೀಡಾಗಿ ತಲೆ ತಗ್ಗಿಸಿದ್ದ.