ಮಹಿಳೆ ತೊಡುವ ಬಟ್ಟೆಗೂ ಅತ್ಯಾಚಾರಕ್ಕೂ ಸಂಬಂಧವಿಲ್ಲ: ರಕ್ಷಣಾ ಸಚಿವೆ

Team Udayavani, May 8, 2018, 11:31 AM IST

ಹೊಸದಿಲ್ಲಿ : ”ಮಹಿಳೆಯರು ತೊಡುವ ಉಡುಪುಗಳಿಗೂ ಅವರ ಮೇಲೆ ನಡೆಯುವ ಅತ್ಯಾಚಾರಗಳಿಗೂ ಯಾವುದೇ ಸಂಬಂಧ ಇಲ್ಲ. ಹೆಚ್ಚಿನ ಸಂಖ್ಯೆಯ ರೇಪ್‌ ಗಳನ್ನು  ಮಹಿಳೆಯರ ಸಂಬಂಧಿಕರು, ಸ್ನೇಹಿತರು ಮತ್ತು ಪರಿಚಿತರೇ ನಡೆಸಿರುವುದು ಬಹಿರಂಗವಾಗಿದೆ” ಎಂದು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಹೇಳಿದ್ದಾರೆ. 

‘ಮಹಿಳೆಯರು ಮತ್ತು ಮಕ್ಕಳ ಮೇಲಿನ ಅತ್ಯಾಚಾರಿಗಳು ಅವರ ಕುಟುಂಬದವರು ಮತ್ತು ಮಿತ್ರರೇ ಆಗಿರುವುದರಿಂದ ಪೊಲೀಸ್‌ ವ್ಯವಸ್ಥೆಗೆ  ಕೂಡ ಹೆಚ್ಚಿನದೇನನ್ನೂ ಮಾಡಲಾಗುತ್ತಿಲ್ಲ’ ಎಂದವರು ಹೇಳಿದರು. 

ಮಹಿಳೆಯರು ಮತ್ತು ಮಕ್ಕಳ ಕುಟುಂಬದವರು, ಮಿತ್ರರು, ಸ್ನೇಹಿತರು ಮತ್ತು ಪರಿಚಿತರೇ ಅವರ ಮೇಲೆ ಅತ್ಯಾಚಾರ ಎಸಗುವಾಗ ಬಾಹ್ಯ ಕಾನೂನು ಪಾಲಕ ಸಂಸ್ಥೆಗಳು ಏನು ತಾನೇ ಮಾಡಿಯಾವು? ಮಹಿಳೆಯರು ಮಕ್ಕಳ ಭದ್ರತೆಗೆ ಬಾಹ್ಯ ಬೆದರಿಕೆಗಿಂತಲೂ ಆಂತರಿಕ (ಕುಟುಂಬದೊಳಗಿನವರಿಂದ) ಬೆದರಿಕೆ ಇರುವುದು ಅನೇಕ ಅತ್ಯಾಚಾರದ ಪ್ರಕರಣಗಳಲ್ಲಿ ಕಂಡು ಬಂದಿದೆ ಎಂದು ಮಾಧ್ಯಮದವರೊಂದಿಗೆ ಮಾತನಾಡುತ್ತಾ ಸಚಿವೆ ಹೇಳಿದರು.