ಅಮೃತವರ್ಷಿಣಿ ಫಸ್ಟ್ಲುಕ್
Team Udayavani, Oct 1, 2018, 11:50 AM IST
ಹಿರಿಯ ನಿರ್ದೇಶಕ ದಿನೇಶ್ ಬಾಬು ಅವರ ಶಿಷ್ಯ ಶಿವಪ್ರಭು ತನ್ನ ಗುರುವಿನ “ಅಮೃತ ವರ್ಷಿಣಿ’ ಟೈಟಲ್ ಇಟ್ಟುಕೊಂಡು ಹೊಸ ಸಿನಿಮಾ ಮಾಡಲು ಹೊರಟಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಈ ಚಿತ್ರದಲ್ಲಿ ಯಶಸ್ ಸೂರ್ಯ ಹಾಗೂ ಮೇಘಶ್ರೀ ನಾಯಕ-ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈಗ ಈ ಚಿತ್ರಕ್ಕೆ ಫೋಟೋಶೂಟ್ ಆಗಿದ್ದು, ನಾಯಕ-ನಾಯಕಿ ಸಖತ್ ಬೋಲ್ಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಭಾನುವಾರ ಚಿತ್ರಕ್ಕೆ ಫೋಟೋಶೂಟ್ ಮಾಡಲಾಗಿದ್ದು, ಛಾಯಾಗ್ರಾಹಕ ಸಭಾಕುಮಾರ್ ಕ್ಯಾಮಾರಾಗೆ ನಾಯಕ-ನಾಯಕಿ ಫೋಸ್ ಕೊಟ್ಟಿದ್ದಾರೆ. ಈ ಮೂಲಕ ಇದೊಂದು ಅಪ್ಪಟ ಲವ್ಸ್ಟೋರಿ ಎಂಬುದನ್ನು ಸ್ಟಿಲ್ ಮೂಲಕ ಹೇಳಲು ಹೊರಟಿದ್ದಾರೆ ಶಿವಪ್ರಭು. ಎಲ್ಲಾ ಸರಿ, “ಅಮೃತ ವರ್ಷಿಣಿ’ ಶೀರ್ಷಿಕೆಯೇ ಯಾಕೆ ಎಂಬ ಪ್ರಶ್ನೆ ಅನೇಕರನ್ನು ಕಾಡಬಹುದು.
ನಿರ್ದೇಶಕ ಶಿವಪ್ರಭು ಹೇಳುವಂತೆ, ಬಹುತೇಕ ನಾಯಕಿ ಮೇಲೆಯೇ ಸಾಗುವ ಕಥೆಯಲ್ಲೊಂದು ತಿರುವು ಇದೆ. ಅದೇ ಚಿತ್ರದ ಹೈಲೆಟ್. ಅದು ಬಿಟ್ಟರೆ ಮೂಲಕ ಚಿತ್ರಕ್ಕೂ ಇದಕ್ಕೂ ಯಾವುದೇ ಸಂಬಂಧವಿಲ್ಲ ಎನ್ನುತ್ತಾರೆ. ಸಕಲೇಶಪುರದ ಬಂಗಲೆಯೊಂದರಲ್ಲಿ ಬಹುತೇಕ ಚಿತ್ರೀಕರಣ ನಡೆಯಲಿದೆ. ಚಿತ್ರಕ್ಕೆ ಜೆಸ್ಸಿ ಗಿಫ್ಟ್ ಸಂಗೀತ, ಸಭಾಕುಮಾರ್ ಅವರು ಛಾಯಾಗ್ರಹಣವಿದೆ.